موضوع للنقاش الحاد ((الخليجات خارج الخليج ))

    • موضوع للنقاش الحاد ((الخليجات خارج الخليج ))

      بسم الله الرحمن الرحيم...

      طبعا يمكن الموضوع توقيته غلط...لأن موسم الصيف والسفر انتهى..لكن المشكله ما راح تنتهي..

      طبعا الي راح لندن أو باريس او مصر او لبنان أو حتى سوريا. في الصيف.وهذي الدول يمكن تكوون المحببه للخليجين في هالفصل

      لايستغرب انه يشووف بنات خليجيات على غير طبيعتهم المعتااده..فمن كانت تلبس النقااب..تتكتفي بالشيله..ومن

      كانت تلبس الشيله والعبايه..ستكتفي بالشيله فقط..وقيس على ذالك....

      المشكله انه هالبنات رايحين مع اهلهم ومسوين هالشي برضى الأهل..

      وكل شي كاان ممنوع بالديره..أهوا مسموح بره....لأنهم مسافرين وجاين يستانسوون...مو جايين عشان يسمعوون

      (( عيب ولا مايصير ..)...

      الي ابي اوصله... ((وطبعا مايحقلي لا انا ولاغيري انه يتهم هالبنات ويقول هذولا قليلات ادب ومايستحوون لأنه هالشي

      جاه من موافقة الأهل أو الزوج..))

      انه ليش هالشي بديرتهم عيب وحراام وفشله..وبره عاادي ومافي مشكله..وسهالات..!!!

      هل البنت لمه تلبس النقاب أو الشيله والعبايه...تلبسها لأنه الدين والمجتمع يبي جذي ...أو تلبسها من قناعه شخصيه

      انه هالشي في حفظ لنفسها وغيرها من الفتنه...

      وطبعا اكيد التربيه والوازع الديني. شي اساسي بهل موضوع..لكنكيف تبون من البنت اذا قالها ابوها او زوجها

      اذا سافرنا و تبين اتقطين النقاب قطييه....!!

      الكل خايف بالديره من انه يلحقه العيب ويقذف بشرفه..لذلك نراه الكل مرارا وتكرار..يحاسب خواته أو زوجته

      على كل صغيره وكبيره...

      وفي الخارج...خذو راحتكم..مافي احد يعرفنا يعني ومحد احد يبي يتكلم علينا وعن اخلاق بناتنا...!!

      منو يشووف احصائيات الجوجل واليوتوب..عن اكثر المقاطع طلبا ورواجا...الي هي( خليجات في مصر ..خليجيات في لبنان

      خليجيات في لندن..)


      وهالشي من وجهة نظري ما جاء من فرااغ..الا لأنهم شافوا منهم اشياءاهنااك ما عمرهم سووهاا في ديرتهم..


      لكن مانخفي انه في ناس سافروا ولا قعدوا اهما نفسهم متمسكين امبادئهم الي تربوا عليها...


      الموضوع مفتووح لنقاااش الحاد

      نقلته من فكرة بسيطه وصغته
    • ~!@q والله ويش أقولك للأشف بنات الخليج عليهم فضايح وانتو تسمعو عنها كل يوم بزدياد المشكله اذا كلمتهم وانت في الخليج تقول انهم مهذبين وساترين على روحهم بالنسبه الي صارت لي مواقف كثيره مع بنات خارج دول الخليج واذا شفتهم تقول اوربين طبعا مو على جمالهم على اللبس الغير محتشم انا مااعمم على الكل البعض وفي نساء محتشمين اكيد
      المشكله مو منهم الاباء والامهات الي يرضو يطلعو وهم غير محشمات
      والله الله يستر ويش بيصير بكره ووويش حامل لينا هالزمن من فساد

      لكن انصح جميع النساء انهم يكونو مثل السيد فاطمة الزهراء سلام الله عليها ويقتدو بها
      طبعا سيدة نساء العالمين وبنت النبي محمد صلى الله عليه واله وسلم
      واشكر اخي العزيز
      الموضوع حلو مره حق نتناقش فيه والسلام
    • انا في نظري النقاب ملفت جدا للنظر في الدول الاوروبية لان الناس هنا ما متعوده على النقاب واذا شافو وحده لابستو يناظروا فيها كانها جاية من كوكب اخر غير الاطفال الي يصرخوا وياشروا على المنقبة

      انا في بلادي الحبيبة عمان البس العباية والشيلة ولكني هنا في بريطانيا البس جلباب ملون وشيلة وما البس عباية ابدا ابدا لدرجة اني ما اجيبها معاي ابدا والسبب ان هنا لما تلبس اسود في اسود تحمل المضايقات الي تجيك من الناس.....وهذا الكلام ما جيبته من فراغ لان فعلا صار مع بنات, كانو مجموعة ولابسات عباية وفي محطة القطار ضايقوهم كثيير وخوفوهم طبعا مع مجموعة شباب

      فما شرط يا اخواني ان خارج بلادنا لازم نلبس العباية والخ...انما اهم شيء الملابس الساترة والفضفاضة

      هذا راي وسامحوني على الاطالة
    • اكبر دليل يوم رحت تايلند وانا رايح تايلند اكثر من ثلاث مرات

      استغرب وين العباية وين الشيلة ليش لانهم ف بلاد الغرب يسوى كذا ليش

      ماعارفين انه هناك رب يشووفهم ولا بس ف الخليج محترمين ومؤدبين

      ياااااااخي ليش كل هذا البنت مثل ماتكون ف الخليج تكون ف اي مكان تسافر فيه

      انزززززززين لا تلبس العباية ع الاقل تحشم نفسها وفي لبسها ملابس ضيقة ليش مااعرف

      والله يهديييييييييهم بنات اليوم

      اخوووووووووووووكم الاخ جونو
      خلووني خلوووني بحالي
      محبووب قلبي ع بالي
      $$-e
    • البنت لما تسافر لدولة غير عربية تكتفي بالشيلة وتلبس ملابس ساترة ..
      لأن مجتمع الدولة اللي رايحة لها متقبل هالشي وما راح يعلقوا عليها ولا راح يشوفوا عليها من فوق لتحت بظرات اعجاب او شي من هالقببيل اذا ما لبست العباية عكس الدول الخليجية ..

      اما البنت اللي اذا سافرت تنسى شي اسمه شيلة فأطلب لها الهداية ..
      people laugh at me coz i'm different, but i laugh at them coz they are all the same
    • الاخ جونو كتب:

      اكبر دليل يوم رحت تايلند وانا رايح تايلند اكثر من ثلاث مرات

      استغرب وين العباية وين الشيلة ليش لانهم ف بلاد الغرب يسوى كذا ليش

      ماعارفين انه هناك رب يشووفهم ولا بس ف الخليج محترمين ومؤدبين

      ياااااااخي ليش كل هذا البنت مثل ماتكون ف الخليج تكون ف اي مكان تسافر فيه

      انزززززززين لا تلبس العباية ع الاقل تحشم نفسها وفي لبسها ملابس ضيقة ليش مااعرف

      والله يهديييييييييهم بنات اليوم

      اخوووووووووووووكم الاخ جونو

      امبيييه فضييييييييحه
      انا كالبنت متحشمه الحمد لله استحي اسمع هالكلام اش عاد البنت اللي تسويها$$g
      الله يهديهم بس
      :(
      Album Nancy 3ajram 2014
    • مخاويه الليل كتب:

      امبيييه فضييييييييحه

      انا كالبنت متحشمه الحمد لله استحي اسمع هالكلام اش عاد البنت اللي تسويها$$g
      الله يهديهم بس

      :(




      الله يهدي الجمييييييييييييييييييييييييييييييييييييع ان شاء الله
      خلووني خلوووني بحالي
      محبووب قلبي ع بالي
      $$-e
    • الله يهديهم
      أنا بنظري انه البنت التي تريد تسافر لبلد اوروبي او اي بلد تلبس ملابس ساترة مثلا جلباب ملون كانه عبايه واسع والبنت المحتشمة في أي مكان البلد تحترمها وماراح تنظر عليها نظرة احتقار حتى ولو لابسه عبايه




      والحمدلله مارحت بلاد اوروبية ومالي نفس اروحهاااااااااااااااا /////////////////ميكفيني رحت بعض دول الخليج


    • الانسان يجب ان يراعي دينه قبل كل شي

      فما لا يجوز هنا لا يجوز هناك

      فكيف بنا نحرمه في بلادنا ونحلله في بلاد اخرى ؟


      برأي اللي تسوي كذا انسانه غير متدينه !!


      وشكرا لك
    • الحجاب امر ضروري

      اعتقد المسالة هي مسالة قناعة . . فبعض الاهل يرى ان هذا الامر متوقف على العادات والتقاليد التي تم اكتسبها من المجتمع . . واكبر دليل على هذا الموضوع مشاهدة البنات او النساء الخليجيات في الخارج يلبسن ملابس اعتقد انها في البيت يستحيل ان تلبسها . . ولكن المشكلة هي تكمن هنا . . هي قناعة الاباء والامهات . . في ان يركزوا على ان الحجاب هو من الامور التي يجب الاهتمام به فكثير من الانحلال الاخلاقي الذي يشاهد في المجتمعات غير الاسلامية هو بسبب عدم الالتزام بالحاجب الاسلامي الذي اعتبره هو الجمال الحقيقي للمراءة . .
    • صحيح كلامك اخوي تحصل البنت هنا لابسة عباية وما ادري شو يوم تروح هناك لابسة بنطلون وتيشيرت وحجاب !!!!!!!!!

      يا أختي عيب استحو واحتشمو نفسكم ترا ربكم طالب الستر ما نحن !!!!!!!

      وع سالفة النقاب يا اخوي في بعضهم يستخدموها كوقاية لهم اذا تبي تسوي فاحشة وعشان محد يعرفها !!!!!!

      مشكور اخوي
      اعوذو بالله منكم
    • الي ابي اوصله... ((وطبعا مايحقلي لا انا ولاغيري انه يتهم هالبنات ويقول هذولا قليلات ادب ومايستحوون لأنه هالشي جاه من موافقة الأهل أو الزوج..))

      يعني بكل صراحه إللي ما يستحي هم الأهل

      أنا لما زرت تايلند طلعنا رحلة بحريه بزورق وتفاجئانا أنه معنا عائلة عمانيه أفريقة الأصل بعضهم يتكلمو عربي عماني وفيه بنات بسن الزواج
      ولما وقف الزورق علشان من يرغب يسبح خلعو ملابسهم الخارجيه وبقو بملابسهم الداخليه الأب والأم والبنات
      وكان أغرب موقف ما توقعت اني أشوفه أبدا من ناس من بلادي
      والله حرام ضياع ورخص للنفس ماله حدود
    • شكرا على الموضوع حلو
      صح في بنات خليجيات وقت يسافرون يغيرون طريقة لبسهم بس نحن ما نتكلم عن الجميع
      تقدر تقول بعضهم مش كل الخليجيات.
      وحلو واحد يذكر الثاني.ان الذكرة تنفع المؤمنين
      وشكرا
    • إذا الوحدة تحط في بالها ..إن الله موجود في كل مكان ..

      وإن رب عمان هو رب كل مكان...ما تخلع ثياب الحياء في أي مكان..


      ,,,,,,,,,,,,,,,,,,,

      أنا ضد خلع العباية..وين ما كانت المرأة..ممكن النقاب صح ملفت..في البلدان الثانية..بس في النهاية المفروض المسلمة ما تتنازل عن ردائها مهما يكون..!

      ليس الأوروبيات لما يجوا عندنا..يلبسوا لبسهم اللي متعودين عليه..ليش ما يتحجبوا..بينما احنا لما نروح بلادهم نتنازل بسهولة عن ثيابنا..

      شكرا على طرح الموضوع الجميل..والمهم.

      :)

      يا رب جيتك ساجد(ن) لك واناجيك وآهـل دمعي مـثل فـيض السـحايب
      كلي ذنـوب كــبار بـس الامل فيك تغفر ذنـوب العبد ان جـاك تايب
      (الصقر الجريح)
    • إذا على النقاب فالمسأله هينه وعاديه بس إذا الأمر يتجاوز خلع الحجاب
      ويوصل الفستان أوالقميص والبنطلون فهناك المصيبه العظمى
      ناس تبيع جسدها بدون ثمن
    • نور الاسلام كتب:

      إذا الوحدة تحط في بالها ..إن الله موجود في كل مكان ..



      وإن رب عمان هو رب كل مكان...ما تخلع ثياب الحياء في أي مكان..



      ,,,,,,,,,,,,,,,,,,,


      أنا ضد خلع العباية..وين ما كانت المرأة..ممكن النقاب صح ملفت..في البلدان الثانية..بس في النهاية المفروض المسلمة ما تتنازل عن ردائها مهما يكون..!


      ليس الأوروبيات لما يجوا عندنا..يلبسوا لبسهم اللي متعودين عليه..ليش ما يتحجبوا..بينما احنا لما نروح بلادهم نتنازل بسهولة عن ثيابنا..


      شكرا على طرح الموضوع الجميل..والمهم.


      :)




      انتي قصدك هنا

      لكم دينكم ولي دين

      صح ~!@q
      اعوذو بالله منكم
    • والله ما أقول غير الله يهيهم وأهاليهم.. بس لا تنسوا ان اللي تسوي كذا أكيد بعد تسويه في بلادها بس يمكن ما دوم مراعاة للمجتمع وبس.. يعني لو هني عندنا أوكي كان ما قصرت.. بس اللي تعرف ربها ما راح يهمها غير ترضي ربها...

      والسموحة

      بريتي
      رحمة الله عليكي يااغلى غالية , يا أمي ,, اللهم ارحمها , واجعل مثواها الجنة وأجمعني معها يوم الحساب في جنات الخلد , اللهم آمين ,, أدعو لها بالرحمة ====== غير متواجدة حالياً ,, لأجل غير مسمى,, لكم كل التوفيق
    • السلام عليكم .,.

      للأسف هذا الواقع المرير ,,

      و عموما لا تروحوا بعيد

      تعالوا شوفوا الخليجيات في الخليج نفسه

      غير عن دولهن ,,

      والله غرايب ..


      أنا شفت بعيني .,, و الحمد لله مازلت متمسكه بعباتي

      و ناس تتخلى عن عباتها هنا لأمر بسيط و هو

      تماشي موضة الدولة اللي هي فيها $$t

      أقول و النعم والله ,,

      ناس ثانية تقول : نحنا نآخذ من عندهم شي : خلع العباية

      و نخلي قيمنا عندنا مطبقه ( وما يلها أي أثر هالقيم ) $$t

      أقول و النعم والله ..


      بس بالنسبة للدول الأوروبية أنا رأيي أنه المرأة

      طبيعي تشيل عباتها بحكم نظرة الغرب للسواد

      و العباءة كإرهاب و غيره ................. ألخ


      عموما تقبلوا مروري ..
      || و بـَحْرٌ لـآ يَنْتِهِي [SIZE=1]شَج ـَنُه .’ْ}
      ***
      .. [ يَآوَطَنْ .. فُرقَآكـ شَجَنْ ] ~ْ [SIZE=1]|| اللّهُمَّ إنِّي مَغْلُوبٌ فـ إنْتَصِر ||
      [SIZE=1]
    • صباحكم عسل ....


      اعتقد ان البنت اللي تلبس لباس محتشم في بلادها وفي الخارج يعني هو ذا غاية المراد حيث اولا واخيرا ترضي ربها وتراعي مجتمعها ومهما يكون اللبس يجب ان يكون ساتر وغير كاشف للعورة .. مثل بعض العبايات اللاصقة التي تعري المرأة رغم السواد حيث تبرز كل مفاتنها .. الله يستر علينا وعلى بناتنا.
    • والله فرحان اشوف هالردود والنقاشات وخاصه الحاده منهم بس ليش في ناس تنكر وهالشي حتى مثل ماتفضل وقال بعض الاخوان والاخوات انه حتى ببلدنا يصير هالشي العبايه صارت ستايل وبدون العبايه ستايل

      الله يلعن كذا ستايل

      ومشكورين عالمرور
    • السلام عليكم :-
      أنا مع الاخت لؤلؤه السلطان ان النغاب ملفت للانتباه في الغرب وليس الغرب فقط حتى في دولنا الخليجيه والعربيه
      الله سبحانه وتعالى سمح للمرأة بخروج وجهها وكفيها
      ولاكن هناك بعض البنات وليس الكل من يذهبن الى اوربا يتركن العادات والتقاليد مع الاسف ولاكن لا يتجاوزن10%
      وكلن حسب تربيت العائله واما لبس يجب ان يكون محتشم لا يشترط لبس العباه يكفي الجلباب
      اما الاخ الي يقول ليه البنات عندنا تلبس الشيله والعبايه والنغاب وفي الخارج تقطهم
      كانه من كوكب اخر ماشالله شبابنا لو شاف وحده تذهب لسوق او المستشفى او مجمع مشوا خلفها خمسين شاب و
      الكل يتحرش فيها وهي لبسها محتشم هذا شباب العرب
      اما في الغرب والله لا ترى شاب يتحرش في بنت لم يعرفها واذا رايت في الغرب شاب يتحرش في بنت تأكد انه عربي
      مع الاسف وهذه حقيقه وانا من سكان لندن شارع اجوررود وشاهد على هذه المشاكل
      الله يعين البنات على عقول الشباب هذا الوكت
      الشريفي وااافتخررر
    • هذا الوضع جدا محزن وخصوصا بعلم الأهل
      السبب الرئيسي هو البعد عن الله عزوجل وعدم مخافته في السرّ والعلن
      نحن أيضا لا تعجبنا مثل هذه الأمور من بنات جنسنا ولكن لا نملك سواء الدعاء لهم
      من ترك شيئا لله عوّضهُ الله خيرا منه وأنا نويت ترك المنتدى للموت إن شاء الله, وأسألهُ تعويضي في شئ آخر. احسم الموضوع بأنني أريد الإهتمام بحياتي وبصلاتي ويديني واعتذر إن أخطأت في حق أحد , وبالطبع قلبي نظيف على الجميع ولا أحمل شيئا على أحد .أسأله تعالى الرضا والقبول لنا ولكم أجمعين إن أصبت فمن الله وإن أخطأت فمن نفسي والشيطان .. الثلاثاء 12:32
    • لا تعليق

      موضووع قيم وارااء جميله من قبل الاعضااء
      ــمااا بيعــ شخصاً بمودهـ شرانيــ ــولوو على موووتيــ ــتعرفووون ليشــ ?? لانهـ ريم الدماني ... ـبدوانيه سيحــ ـبدوانيه سيحـ بدوانيه سيح
    • كل إناء بما فيه ينضح

      يعني هاي اللي ما تحتشم لما تسافر للخارج هي نفسها تلقها في بلدها لابسه العباية والشيلة وفوق هذا غير محتشمة بتصرفاتها .
      [ الإبل عز لأهلها والمنفق على الخيل كالباسط يده بالصدقة لا يقبضها ] صدق رسول الله صلى الله عليه وسلم