ما هي الساحة العمانية ..!! وكيف نجعل الساحة العمانية افضل منتدى او ساحة

    • ما هي الساحة العمانية ..!! وكيف نجعل الساحة العمانية افضل منتدى او ساحة

      مرحبا

      حبيت اطرح هذا الموضوع لكي تستفيدو منه ...


      ماهي الساحة ..!!




      الساحة هي بيتك الثاني وفيها اصدقائك واخوانك يشاركون معك في المعرفة وفي المزح ويزعلون لزعلك ويفرحون لفرحك

      وفي هالوقت كثرت المنتديات وصار هناك سباق للمنتديات وكل عضو يتمنى أن منتداه هو الأفضل ويتفاخر بين اصداقائه بهذا الشئ


      فكيفك نجعل ساحتنا هي الأفضل ؟؟
      الحل بسيط



      * اولاً : @ تشجيع الأعضاء الجدد @ هذي هي البداية وأنت أكيد تتذكر أول يوم جيت فية للساحة وكتبت موضوع وكم تمنيت يرد علية الكل .. وبتشجيعنا للأعضاء الجدد فنحن نحثهم على الأبداع فمنهم سيخرج لنا كتاب رائعين في الأدب والشعر وكتاب متميزين في الطرائف أو في أي مجالات آخرى
      والعضو الي دايم يكون الأول في الترحيب ..
      حبيب وقلبه طيب

      * ثانياً : @ قبل أن تكتب أي موضوع في أي قسم معين يجب أن ترد على موضوعين اوثلاث او اكثر @
      وهذا شئ مهم جداً .. لأن هذا تواصل بين الأعضاء وتشجيع لهم وأي عضو يفرح بكل رد على موضوعه ويحثه على الأبداع أكثر فاكثر وأنت أذا رديت على موضيعهم الكل بيرد على موضوعك إذا كان يستحق .
      والعضو الي دايم يرد على المواضيع يسمى ..
      محبوب الكل



      * ثالثاً : @ تشجيع المواضيع التي يكتبها اصحابها @
      أن تكتب أنت موضوع بجهدك أفضل مليون مره من نقله أو نسخه من منتدى ثاني فالمستفيد الوحيد هو صاحب الموضوع الذي كتبه بجهده ولأنه موضوع رائع فالكل ينسخه وينشره في كل المنتديات .. أكتب فكره أو معلومه أو انقل من كتاب او مجلة مايستحق النشر
      والعضو الي دايم يكتب مواضيعه بنفسه ..
      هذا نشيط ومتميز




      رابعاً : @ الكلمة السحرية @
      وهي أن تكتب كلمة ( شكرا على هذا الموضوع ) كلمات قليله مرح تتعبك او تنقص من قدرك او كبريئك المزيف .. كثير مانشوف مواضع عدد قرائها فوق السبعين او الثمانين ومن هولاء فقد يرد على صاحب الموضوع واحد او ثنين وأكثر الأحيان تجد الموضوع خالي من أي رد ..!!
      يعني أنت تبي الكل يرد على موضوعك وأنت يابعدي ماتكلف على عمرك وتجامل صاحب الموضوع .. اجل وشوله تشارك وتتعب عمرك
      ويسمى العضو الي دايم يشارك ويحث الاعضاء على المشاركه ..
      ياحبنيلك




      خامساً : @ محاربة الشليلة @
      وهذا أكبر خطر يهدد أي منتدى وكثير من المنتديات هرب منها اعضائه لهذا اسبب .. وشليلة هي أن يتفق الأعضاء ويقولون ( احنا والله شله ارتحنا لبعض ومانبي واحد جديد يخش بينا .. والاتفاق هو ترد على موضوعي ارد على موضوعك ) ويروح فيها الضعيف ( العضو الجديد ) مايعطونه وجه لين يمل وينسحب من المنتدى .. لا ومن زين الطبايع بعدها بفتره يقلبون على بعض ويصير كل واحد يكتب موضوع ولا يرد على الثاني .. وخلاص انتهاء المنتدى وصار ممل والاصرف انه يقفل





      سادساً : @ التواصل بين الأعضاء @
      التواصل بين الأعضاء في الأفراح نهنيهم وفي الأحزان نواسيهم ( عاد تخيل نفسك مريض او مسافر حتى أهلك مادروا عنك .. وتجي للساحة ولكل مشتاقين لك ويسألون عنك .. أكيد بتشقق من الفرحه ومحد قدك )
      ويسمى العضو الي دايم يسأل عن الاعضاء ..
      ياطيب القلب وينك




      سابعاً : @ التقليل من المواضيع المنقولة @
      بعض الموضيع مهمه ويجب أن تنقل وتنتشر في كل المنتديات .. لكن مسألة انك تشوف اي موضوع يعجبك وتنقله لا ويمكن يكتب عشر مواضيع في اليوم ( تخصص قص ولصق ) هذي شئ يطفش ويجب العمى وصمرقع ( وليش اشترك في منتدى !! .. اجل اقراء صحيفه او مجله او اتابع الاخبار في التلفزيون اصرف )
      ويسمى هذ العضو ...
      مخربها




      ثامناً : @ لاتصير خفيف وثقل @
      يجيك عضو يكتب كل يوم عشر مواضيع وفي كل قسم يحط له ست مواضيع من زود الفضاوه .. ويالله يالله نرد على نص مواضيعه ولا نلحق
      وهذا يسمى العضو ..
      الغثيث




      تاسعا : @ خلك ذرب يالمطفوق @
      يجي عضو ويتعب ويكتب موضوع جاد ومهم ويتوقع ان بيرد علية ويناقشة الكل ثمن يجيك ذك العضو الي مايدري وين الله حذفه ويرد رد مثل وجهه .. الموضوع في يمين وهو مدوج بروحه يسااار .. ويخرب الموضوع او يقلبه تشات
      ( المواضيع الجاده والمهمه تحتاج الى رد جاد وبعكسها المواضيع الساخره او المصرقعه يرد عليها برد ساخر او مهبول )




      @ وأخيراً @
      المنتدى ليس بعدد اعضائه ،، بل بترابط اعضائه كلأسرة الواحده وكما قال رسول الله علية افضل الصلاة وسلام (( مثل المؤمنين في توادهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى )) وقولة علية السلام (( المؤمن للمؤمن كالب يشد بعضه بعضا ))

      ارجو انكم استفتو من هذه النصائح وارجو انكم تطبقوها في الساحة العمانية ولكم مني جزيل الشكر

      تحياتي الخاصة / عشوج /
    • نقاط اكثر من رائعة

      وموضوع رائع

      الف شكر اخوي والله يعطيك الف عافيه :)

      اتمنى من الاعضاء قرائته بعناية لما فيه فائدة كبيرة لبداية طريق رائع بعالم النت والمنتديات :)
    • شكراًلك ياخوي ع النصائح الله يعطيك العافيه مفروض يثبت هذا الموضوع في قسم الملاحظات
      من كل عضو دش يقراء هذي المعلومات من شان يعرف النصائح كلما دخل في مشركة أو موضوع يتذكر
      إلي قرأه لك الشكر والتقدير بارك الله فيك وجزاك الله خير ياخوي عشوج
      سلام عليكم جميعاً|a أنا تركت هذا المنتدى كان عندي عمل والله مو مني شخصياً فأرجو منكم تذكري بالطيب وإن كانت غلطت على أحد فالعذر و السموحة فأنا فترت قصيرة وأرجع إلى العمل في خلال تقريباً أسبوع ولي عوده قريباً أنشاء الله :) وتمنى لكم التوفيق
    • شكرا يا اخي على النصائح
      قال رسول الله صلى الله عليه وسلم من دخل الســــوق فقــــــال : لا إله إالا الله وحده لا شريك له له الملك وله الحمد يحيى ويميت وهو حى لا يموت بيده الخير وهو على كل شيء قدير. كتب له ألف ألف حسنة ومحــــــا عنه ألف ألف سيئـــة ورفــــــع لـــه ألف ألف درجــــــــــــة