الوفاء بالعهد

    • الوفاء بالعهد

      يوم جميل كعادته يؤدي إلى مزاج سليم يخلو من التعكر والعصبية
      فاتن الفتاة التي لديها الحياة مع العادات والتقاليد مسؤولية على عاتقها ولابد لها من التأقلم معها أو ستنهار. يوجد لدي فاتن 3أخوات وأخان وهم بالترتيب(مريم،سعود،فاطمة،فاتن،مؤيد،لولوة) مريم متزوجة ولديها ابن وبنت يدرسان وطفل صغير وصديقة فاتن وبنت خالتها(الهنوف)
      الهنوف:يا ربي اليوم السوق زحمة ،ايش رأيك باكر نجي ؟
      فاتن:الله يهديك بس تدري انه باكر يمكن أكون مشغولة وبعدين الوالدة مب ترضا
      واحد عبيط(بدر):زين تسوي فيها بسك من الهياتة جلسي بالبيت
      فاتن:بدينا بقلة الأدب يا ربي متى نخلص من هالتفاهة
      بدر:مشكورة مقبولة منك
      الهنوف:يلا فاتن خلينا أنروح بدت قلة الأدب صدق
      لحد ما أوصلن البيت ما كانن يدرن انه الأخ بدر يلحقهن
      فاتن: سمعي اذا باكر ناويه تروحي خبري الوالدة ،أنا ما اطلع بدون شور الوالدة تعرفيني
      الهنوف:زين زين ،خالتي لو سمحتي إذا ما عندك مانع باكر بنروح قصدي باكر عازمه فاتن عالغداء
      أم سعود:زين إنشاء الله
      فاتن:ما قلتي إلها يعني
      الهنوف:باكر تجي تتغدي عندنا ومنها بنستأدن من أمي
      فاتن: قوية، لكن بشرط نمشي ونرجع بسرعة
      الهنوف: الين باكر يصير خير،يلا باي باي
      باليل
      أم سعود:فاتن روحي حطي العشاء لأخوك
      فاتن: حاضر ترى مافي احد بالبيت غيري ولا الأخت فاطمة مستريحة
      بدر:أرجوك عمر باكر بأخذ التاكسي مالك إذا على يوم يعوضك الله وأنا إنشاء الله بعوضك بس محتاجه لا تردني
      عمر:اوكي، بس لا تتهور وسرعة بالطريق مب مستغني عن التاكسي
      بدر:افا بس عن التاكسي مب مستغني وأنا صاحبك
      عمر:الصاحب يتعوض بس إلي شرواك صعب نلقاه بالدنيا عزيز وغالي
      بدر:مشكور ونردها لك بالأفراح
      اليوم التالي
      الهنوف:سمعي أنا قلت للوالدة إنا العصر بنروح السوق
      فاتن:سمعي أنتي إذا رحنا مب متأخرين عندك ساعة وراجعين ومن الحين حددي الأغراض إلي بتشتريها عن اللعوزه
      الهنوف:يصير خير الين العصر
      فاتن:وبعدين متى تخلصي من الهياتة للسوق كل يوم أو كل اسبوع وشهر
      الهنوف:بتصيري مثل ذاك العبيط بسك من الهياتة كأنه شيء يخصه
      فاتن:يا رب اليوم نلقاه علشان أقوله نازعها ما تجي السوق خير شر
      الهنوف:ماله دخل هالحشرات
      العصر
      فاتن تغني وأطالع نفسها بالمرآة (تتعدل)
      الهنوف:عندي لك... رأي ليش ما تشاركي في مسابقة غنائية خليجية أو عربية
      فاتن:ليش مب أجنبية،يلا أنروح علشان نجي بسرعة
      بدر:الأفضل أروح السوق انتظرهن للحين ما طلعت من البيت
      الهنوف:يلا ندخل هالمحل وبعدها بيبقى محلين ونروح
      فاتن:لا تنسى الوالدة قالتلي رجعي البيت قبل المغرب
      الهنوف:زين يلا لاانضيع الوقت
      فاتن:السلام عليكم،عندكم عطر حروف
      البائعة:وعليكم السلام،في... هذا هو
      بدر:أقول أختي هالعطر ريحته حلوة
      البائعة:حاب تشتري عطر
      فاتن:الهنوف وين شايفه هالريال؟
      الهنوف:مب كنه مليق البارحة التافه
      بدر:حروف اسمه حلو وريحته حلوة
      فاتن:أعطيني هالعطر،الهنوف يلا خلصي
      الهنوف:وأنا أعطيني عطر الأماكن وحروف
      فاطمة:للحين ما أرجعت البيت لما أتروح مع الهنوف الود ودها ما ترجع
      فاتن:الوقت تأخر وما باقي شئ عن الأذان يلا خلصي
      الهنوف:خلصت يلا أنروح ليش ما نركب تاكسي لا نتأخر
      فاتن:يلا زين وقفي التاكسي هذا إذا حد وقف النا الحين
      الهنوف:تاكسي هذا وقف يلا دخلي ،السلام عليكم
      فاتن:السلام عليكم،وين بيروح بيتنا ولا بيتكم
      الهنوف:البيت عندنا ومنها بخلي احد يوصلك
      فاتن:لا من بيوصلني هيثم بيشلني بس يجلس يتسال عن الدراسة وليش ما ذاكرتي زين وغيره
      الهنوف:وإذا اتصلنا بسعود بيجي متاخر بنص الليل
      بدر:يعني الحين أوصلكن بيت من أه يالهايته كل يوم سوق بسك
      الهنوف:هذا أنت لو كنا أنعرف ما وقفناك
      فاتن:نعم فطيم خير في شئ
      فاطمة:للحين فبيت خالتي ليش ما ترجعي
      فاتن:فطيم أنا بالتاكسي لما ارجع يصير خير
      فاطمة:ليش ويين رايحة أنتي وهنوف
      فاتن:قلنا لما نرجع بخبرك يلا باي
      الهنوف:هذا هو الأخ دعيتي يارب أنشوفه وطلعا إلنا
      بدر:وأنتي يالمزيون ليش اشتريتي ذاك العطر مب سادنك إلي اشتريته أنا من له غير لك
      فاتن:إذا بتجلس تتمصخ وتقل أدبك الأفضل أتنزلنا وروح دور لك على غيرنا تلعب عليه ولا اسكت
      بدر:الله يالعياره أول تدعي ربها تبي تشوفني وقدامي تغير السالفة
      فاتن:صح كنت متمنيه أشوفك علشان أقولك ترضى احد يقل أدبه على خواتك ويسكتن عنه وأنت بعد
      بدر:صراحة نحنا ما نرضى بس مب بيدينا بقلوبنا إلي تحب وتعشق من أول نظرة
      فاتن:ايش رأيك بعد تقول اخذي الرقم وخلينا نتكلم مع بعض وحركات هالايام نزلنا هنيه خلاص
      بدر:ليش لا إذا كان قصدي شريف
      فاتن:قصدك شريف طيب نزلنا هنيه قلت لك وخلاص ندل الدرب نزلنا يااخي يعني خلاص
      الهنوف:خلاص نزلنا وصلنا
      بدر:بعدنا مب باقي شئ عن نوصل
      فاتن:يارب رحمتك أنا بسكت عنك بس لو سمحت نزلنا هنيه خلاص مب غصب توصلنا للبيت
      الهنوف:لو سمحت خلاص وقف هنيه البيت قريب
      بدر:خلاص هذا نحنا وصلنا وأنا أسف عالازعاج
      الهنوف:تفضل فلوسك
      بدر:قلت أنا أسف وصدقيني ما قلت شئ كذب هذا إلي حاس فيه فهميها
      الهنوف:عن إذنك وهذه فلوسك
      فاتن:كيف دل البيت نحنا ما قلنا له وين
      الهنوف:لا يكون يراقبنا بخبر هيثم يشوف له صرفه معاه
      فاتن:خليه هالمرة بس إذا عادها مرة ثانية نتصرف
      فاطمة:ما باقي شئ عن الأذان لاورايحات السوق مب البارحة كنتن بالسوق بخبر الوالدة
      فاتن:استأذنا من خالتي وقالت زين ما فيها شئ
      فاطمة:زين ايش اشتريتن من السوق
      الهنوف:بتصل بهيثم يجي يشلني
      فاطمة:قبل شوي كان هنيه
      الهنوف:كان هنيه،فطيم هيثم كان هنيه ايش يسوي
      فاطمة:أخر واحد أفكر فيه هو هيثم ناقصة واحد مب صاحي فحياتي
      الهنوف:عن اخوي هيثم عين السيح
      فاطمة:لا مب السيح عين الأرنب وأنتي الصادقة
      فاتن تفكر بالموقف الي صار وكل شوي تسرح
      سعود:فاتن اليوم مريضة ما ينسمع لك حس خير
      فاتن:ما فيني شئ بس اليوم ما رقدت الظهر وتعبانة
      فاطمة:ومن هياتت السوق العصر
      أم سعود:قومي رقدي إذا تعبانه
      لولوة:أنا باكر مب رايحة المدرسة بروح المستشفى
      أم سعود:بتروحي المدرسة وبعدها فاتن بتجي تأخذك هي والهنوف
      فاطمة:كل يوم هياتة هي والهنوف بسهن يجلسن شوي بالبيت من خلصت الثانوية وهن حواطة
      فاتن:أروح ارقد أحسن لي من ويهك
      أم سعود:اتصلي بهنوف تخبر أمها عن باكر
      فاتن:إنشاء الله
      فاطمة:سعود ترى سالمة تقول انه أختها مستحيل ترضى بهذه الشروط يا أخي شروطك تعجيزيه وين تترك أهلها وشغلها وتعيشوابالعاصمة
      سعود:بعد أنتي تعرفي دوامي أنا مب كل يوم بروح وبرجع
      فاطمة:أنا بشوف وبعد بحاول مع سالمة أنها تقنع أختها ترى هي الأساس
      سعود:ياربي على هالاساس الي تاعبنا معاه
      فاطمة:الحب وما يفعل بعدين أنت ليش ما تكلمها بالتلفون وتتفاهموا بنفسكم
      سعود:ما اعتقد انه هي ولا حتى أهلها يرضوا انه بنتهم أتكلم واحد بالتلفون بدون أي صلة قرابة أو ارتباط رسمي
      فاطمة:علشان كذيه صايرة أنا وسالمة صلة الربط والوصل بينكم عسى يطلع إلنا شئ من كل هذا
      سعود:تساعدن أخوك وأختها ترى الأيام بتردك لي أساعدك مع الحبيب الولهان
      فاطمة:مع اصطار وضرب من وين عرفتيه وكيف وليش؟
      سعود:افا يا فطيم أنا كذيه إذا كان قصده شريف مستعد أساعده لأخر يوم بس إذا حاب يلعب فيتوكل أفضل له
      فاطمة:يلا أنا بروح أنام تصبح على خير
      الصبح:أم سعود:فاطمة يلا ماباقي شئ عن السيارة تجي خلصي عمرك
      فاطمة:أنا مخلصة
      مؤيد:أماه اليوم خلي سعود يطلعني من المدرسة مثل لوله ما يصير كذيه
      لولوة:أنا رايحة المستشفي متعورة وأنت فيك شئ ما اعتقد
      أم سعود:يلا خلصوا ما باقي شئ عن الباص يوصل وبعدين يروح عنكم يلا بسرعة
      الساعة عشرة الصبح
      فاتن:سمعي أنا الحين بطلع من البيت وبخلي التاكسي يوقف عند باب بيتكم واسوي رنة وتكوني برا تسمعي
      الهنوف:اصلا أنا مخلصة باقي البس عباءتي ونعالي بس أنتي لا تتأخري بتوقيف التاكسي
      فاتن:هذا وقفت التاكسي يلا باي....السلام عليكم لو سمحت المنطقة الأمامية نمر على بنت وبعدها نروح المشوار
      بدر:إنشاء الله من عيوني أنتي بس تأمري
      فاتن:هذا أنت خلاص وقف بنزل مب رايحة مكان وقف
      بدر:والله ثم والله أني مب امسويبك شئ حتى الكلام لو تبي بسكت بس لا تنزلي أرجوك
      فاتن:إذا تبي فلوس خذها بدون توصيله بس وقف بنزل ولابرمي نفسي من التاكسي
      بدر:والله يابنت الناس أني مب امسويبك شئ وبراس أمي الغالية انه قصدي شريف
      فاتن:زين بس خلاص وصلت المكان إلي ابغاه شكرا
      بدر:مب نازلة اليوم غير لما أوصلك المكان إلي تبي مع صديقتك
      فاتن:افتح الباب ابي اطلع زين مب غصب التوصيلة
      الهنوف:السلام عليكم...كيف تأخرت؟
      فاتن:لابس كنت بأخذ من بيتكم شئ نسيت أقولك عليه
      الهنوف:زين نزلي جيبي الحاجة وبيحرس راعي التاكسي ولا هذا المفتاح روحي وأنا بنتظرك
      بدر:تكذب عليك كيفك يالهايته ترى صديقتك تبي تشرد عن أوصلها
      الهنوف:أنت...ممكن توقف التاكسي صح هي ناسيه شئ بالبيت لو سمحت وأنت روح بندور تاكسي ثاني
      بدر:بعد أنتي بتكذبي...على وين أوصلكن تراني حاضر وبالخدمة حتى لو القمر
      الهنوف:عندي فكرة ليش ما توصلنا وأنت ساكت لأنه البارحة بنت خالتي صار عندها صداع وتعبت من المنازع
      بدر:إنشاء الله فيني ولا فيها سلامتك من كل أمراض الدنيا في عدوينك
      الهنوف:قلنا اسكت إذا كنت ناوي توصلنا ممكن
      فاتن:بالع راديو مب ساكت اليوم أوف ياربي ارحمنا
      وصلن المدرسة
      الهنوف:خلاص مشكور الحين روح
      فاتن:كيف بنتصرف معاه هذا والله مليق
      الهنوف:حبيب القلب ميت فيك مسكين
      فاتن:لا والله......السلام عليكم
      وعند الرجعة نطرهن عند الباب لحد ما اطلعن وعرض التوصيل عليهن
      لولوة:هذا تكسي
      الهنوف:ليش توقفيه ما نبي هالتكسي
      لولوة:المهم تكسي وخلاص يلا ركبن ...المستشفي
      بدر:أتفضلن....
      فاتن والهنوف مسكن رأسهن من الموقف
      لولوة:كله أنا بالنص ماعليه فاتن..فاتن يبتي كرتي معاك
      فاتن:سكتي عاد نقطينا بسكوتك هذا عندي
      بعد المستشفى حاولن ما يوقفن بدر بس بالغلط وقفه ريال شايب وقالهن ركبن عن تنطرن بالشمس
      لولوة:هذا نفس التاكسي الي كان جايبنا قبل
      فاتن:نحنا ما نشوف يعني انه نفسه خلاص عاد سكتي
      بدر وصلهن وما تكلم طوال الطريق بس عيونه كانت عند فاتن وما شالها
      رجع بدر بيتهم :الوالد أنا قررت أكمل دراستي بالكلية بس يبالها فلوس لكن بعد الدراسة الشغل مضمون بهالكلية
      بوبدر:إنشاء الله خير باكر نروح أنا وإياك للكلية هذه بس وين ؟
      بدر:بالمدينة إلي عدالنا وبعد الأقساط عندهم مريحة
      بوبدر:عندهم سكن للطلاب
      بدر:لا أنت أدور بمعرفتك المكان بس أنا لاقي عند الربع هناك
      بوبدر:مب عند الربع وبعدين ترسب كل سنة وأنا ادفع خلك جدي بالدراسة وزين
      بدر:ولا يهمك الوالد أنا قدها زين يلا أنا ماشي عند الربع الحين
      عمر:بدر...على وين؟تعال اشتقت للتكسي
      بدر:هذا هو موجود بالحفظ والصون
      عمر:كيف خلصت من المهمة ولا بعدك محتاج للتكسي
      بدر:ماخلصت بس قلت أبدل سيارتي لتكسي أحسن
      عمر:ناوي أتنافسنا بالرزق؟
      بدر:شويه بس كلهم لك خليني أنا مع ناس المهمة
      عمر:يعني ماانت قايل ايش المهمة؟ ترانا مب حاسدينك
      بدر:شغل بسيط أخلصه لواحد
      الهنوف:فاتن مرة ثانية مب رايحة معك طلع الريال قاصدك انتي
      فاتن:لا يقصدني ولا اقصده يبتعد احسن له والله ملق بي وايد أفكر اخبر سعود عليه
      الهنوف:حرام عليك ما يستاهل يمكن صدق قصده شريف وناوي يتزوجك بس بالأول يعرفك وتعرفيه
      فاتن:بالأول يخطب وبعدين يتعرف مالي خلق ناس فاضية
      الهنوف:مرة ثانية إذا شفناه بقوله يجي يخطبك إذا صدق حبك من أول نظرة
      فاطمة:من هذا إلي حبها من أول نظرة ؟وحب من بالضبط؟
      فاتن:بدت لقافة فطيم يا حيا الله وسهلا فيك
      الهنوف تضحك:صدق فطيم ملقوفة بس عن الغلط زوجة اخوي هذه
      فاطمة:ويع أي اخو هذا إذا تقصدي هيثم تراني امفضلته للبنات كلهن ولا أنا
      الهنوف:عن الغلط صدق ايش فيه هيثم الحمد لله والشكر ريال ولا كل الرياييل ألف بنت تتمناه
      فاتن:وأنا أولهن هذا هيثم عين السيح
      الهنوف:أنتي ما نبالك هيثم أنتي عندك زوج جاهز بس ينتظر نظرة وحسوا فينا حسسونا كله ناسينا ناسينا
      فاطمة:من هذا إلي من الصبح تتكلمن عنه؟
      الهنوف:هذا واحد.......
      هيثم:هلا الربع شخباركم إلا بوشيماء ما يمر ولا يسير خير اشتغل
      واحد من الربع:لاوينه وين الشغل أكيد طايح مع وحده يضحك عليها
      هيثم:الله يهديه بس ويتزوج وحده تخليه يكرف بالبيت ولا يطلع ابد
      اليوم التالي
      الهنوف:صباح الخير
      سعود:بسم الله من وين طالعة أنتي ولا نايمة عندنا؟
      الهنوف:ليش شايف جني ولا جني ؟
      سعود:لا بنت إبليس،شخبارك وخالتي وهيثم هالايام ما يمر علينا البيت؟
      الهنوف:أنا قلت لفطيم أنزوجها هيثم بس مب راضية ولا أنا وخالتك الحمد لله نشكر ربنا
      سعود:صدق انك منقلبة هاه نايمة عندنا ولا يايه من الصبح
      الهنوف:لو نايمة عندكم كان ما بتسمع صوتي؟؟
      سعود:وأنا أقول بعد لو نايمة عندنا كان ما نمنا ابد
      الهنوف:لكن كنت نايمة عندكم والحين بروح البيت يلا قوم وصلني بتأخر على الوالدة اعرفها تطلع من الصبح ولا ترد إلا بالليل
      أم سعود: بالمرة شوف خالتك إذا تبي أغراض من السوق
      الهنوف:ما شاء الله أمي وخالتي ما اطلعن بعيد عن يدتي وحده طفشت زوجها والثانية أقتلته وأمهن أقتلت اثنين بدل واحد
      سعود يضحك:بسم الله عليهن والدور عليك أنتي كملي المسيرة هذه ونتجي سلالة اطفش وتقتل بخبر خالتي عليك
      الهنوف:خبرها هي كل يوم أتنازعني وتسب أبوي كأنه مأكل لها شئ أو دايسلها على طرف هو فحاله مع زوجته وعياله بس تصدق الوالدة بعد مسكينة مدري كيف استحملته كل هالسنوات أنا لو منها من أول سنة طلقته
      سعود:ليش سنة قولي من أول شهر ولا أسبوع لا وبعد مب هو يطلق أنتي بطلقي
      الهنوف:علشان كلام الناس بستحمله سنة بس كل يوم بيطيح فيه الضرب بالسوط
      سعود:خالتي هذه بنتك لااطلعيها من البيت بتعلم أختي فتون شئ بطال وبتخرب إلها مستقبلها إذا تزوجت
      أم الهنوف:هذه قولها تكلمي ولاتسكتي لاتقول بيصيبوني بعين ولا تحشم الناس الأكبر منها مثل أبوها كلام عالفاضي
      الهنوف:سمعت كأنه مأكل لها شئ الوالد أقول ترى هو استراح منك لما تزوج
      أم الهنوف:أه يالهنوف يا قليلة الأدب استراح مني أنا إلي استرحت منه وبعد بستريح منك لما بطفري عني
      الهنوف:سعود لا أتصدق هالكلام من برع قلبها اعرفها بعدين بتصيح وبتبكي على فراقي
      أم الهنوف:يوم السعد اليوم إلي بتطلعي من البيت بستريح منك ومن أبوك
      الهنوف:ايش دخل الوالد بالسالفة ما قلت لك ما تقدر تنساه بعده بالقلب
      ام الهنوف تضحك:بالقلب ايوه أنا أطريه لأنك تشبهيه بكل شئ
      الهنوف:عز الله ما شبة حد كان شبة الوالد يعني أنا جيكرة مشكورة يالوالدة جرحتيني صدق أروح أطالع التلفزيون أحسن
      سعود:ها خالتي تبي شئ من السوق؟
      أم الهنوف:لا يمه الخضار والفواكه يجلس بالثلاجة محد يأكله هنوف امطيحه عندكم وهيثم بالدوام ولا مع ربعه من بياكل
      سعود:يلا مع السلامة
      أم الهنوف:مع السلامة وسلم على أمك
      بدر اخذ أبوه وراح يسجل بالكلية بس بيبدا الكورس الثاني وبقى عليه السكن
      مؤيد:اليوم الأربعاء يعني لازم ما في مذاكرة والأخت مسكره علينا تعال أذاكر لك ايه فتون أنا بالثانوية يعني أخر سنة واخلص لا تجلسي لي جلسه تعال ذاكر ولازم تنجح ويجيب نسبة لاابي نسبة ولا ابي جامعة أنا بشتغل بالجيش خلاص أمقرر
      فاتن:الجيش والشرطة عندهم قرارات وشروط يمكن ما يقبلوك بس نسبتك ممكن أدخلك أي مكان إذا رفضوك أنت ادرس وشوف حظك وين يالذكي
      مؤيد:شكرا يالغبية باي باي باكر براجع اليوم إجازة
      بدر:السلام عليكم ..عمر ما تعرف حد من الشباب يدرس بكلية(........)
      عمر:لا ليش تسال بتدخل الكلية؟
      بدر:اليوم رحت أسجل والكورس الثاني ببدا بس السكن في مشكلة ما لقيت مكان
      عمر:اعرف شباب يشتغلوا هناك بهذه المنطقة بشوف لك إذا في حد
      بدر:مشكور بتعبك معي
      عمر:تعبك راحة..ها متى بتغير سيارتك الكورد تكسي ولا هونت؟
      بدر:عن قريب إنشاء الله علشان وقت الفراغ اجمع فلوس للأكل وللسكن مب كله على الوالد
      عمر: الله يوفقك
      مرشهر وخلاله بدر ماقدر يشوف فاتن مرة ثانية تلخبط كيانة كان كل يوم يعدي الحارة يدور على سكن بالحارة
      بدر:السلام عليكم...اخوي هذا بيت سالم بن راشد؟
      واحد من الحارة:لا مب هو وبعد محد عندنا بالحارة اسمه هالاسم
      بدر:بس واحد ريال وصف لي هالبيت وقال متأكد
      واحد من الحارة:لا هذا بيت عبدالله بن سعيد
      بدر:يمكن قبل كان عايش هنيه وباعه للناس الحين
      واحد من الحارة:لا ما اعتقد لأنه بيت بوسعود من زمان عايشين هنيه وهو الله يرحمه مربي عياله كلهم فيه بس دق الباب وسال يمكن وأنا ما ادري؟
      بدر:مشكور اخوي...السلام عليكم
      سعود:وعليكم السلام ، نعم ؟
      بدر:هذا بيت سالم بن راشد ؟
      سعود:لا هذا بيت عبدالله بن سعيد
      بدر:من زمان هذا بيتكم ولا كان لحد قبل غيركم؟
      سعود:هذا بيتنا من زمان ،أكيد إلي دالك البيت غلطان
      بدر:أنا درت على كل البيوت هنيه ومحد اسمه هالاسم بس الجماعة وصفولي هالحارة غريبة
      سعود:بيت ناس أتعرفهم ولا للبيع؟
      بدر:بيت للإيجار
      سعود:والله اعذرني ما اعرف بيت للإيجار بالحارة ارجع للجماعة أسالهم عن الحارة أو الاسم غلط؟
      بدر:مشكور ما قصرت ...مع السلامة
      سعود:لا عادي ....مع السلامة
      بدر:اليوم عرفت اسم أبوك وباكر بعرف كل شئ عنك بس المسالة محتاجة شوية صبر وشطارة
      مريم:السلام عليكم ها فاتن شخبارك ذاك اليوم جيت البيت ما كنتي موجودة قالت فطيم رايحة بيت خالتي شخبارهم ؟
      فاتن:الحمد لله يسلموا عليك وين عيالك؟
      مريم:عند أبوهم رايحين البحر مدري الحديقة
      فاطمة:حتى عزوز الياهل
      مريم:أبوه خذاه يلعب مع إخوانه وين سعود موجود؟
      فاتن:سافر الظهر عنده دوام باكر
      مريم:الشهر الياي باخرته عرس بيت عمتي أم هيفاء خبرتكم؟
      فاطمة:البارحة يأت عمتي تعزم تقول تقدم،،، المعرس مستعيل عنده شغل
      فاتن:بتفصلي للعرس؟
      مريم:ما يمديلي افصل بشتري شئ جاهز
      فاطمة:وأنا بعد بشتري شئ جاهز
      فاتن:أنا بنهاية هالشهر يخلص لبس العرس
      مريم:كيف ؟
      فاتن:الأسبوع إلي راح قالت إلنا هند الأفضل تقدمن ثياب العرس لأنه الخياط بعدين يمكن ما يمسك واشترينا وفصلنا أنا والهنوف
      عمر:شخبارك بدر... الشباب اتصلوا بي قالوا خليه يجي لقينا له مكان عندنا ؟متى يجهز التكسي؟
      بدر:الحمدلله...إنشاء الله خير،بخلال هالاسبوع بستلمه...أنت والشباب اليوم على وين؟
      عدى أسبوع على كل الأحداث وبدر راح وشاف السكن
      بدر:الوالد حصلت السكن والحمد لله زين وإنشاء الله خير
      بوبدر:إنشاء الله أنت بس شد حيلك بالدراسة عشان تنجح وتشتغل عقبها
      بدر:يلا أنا طالع
      أخت بدر(خولة):بدر.. بدر..أوقف لحظة ودي هالاغراض بيت عمتي هيلة
      بدر:زين يلا باي باي
      بدر كان كل يوم يروح المنطقة يتعرف على الشباب يكون صداقات تنفعه عند الحاجة
      مؤيد:السلام عليكم ..ها شباب كيف الامتحانات عالابواب؟
      صديق من الحارة:روح لا..أي امتحانات هذه البراشيم جاهزة والغش على ويله مستعدين
      مؤيد:روح انت وبراشيمك وغشك كله غلط ولا كلمة صح من إلي تغشه
      صديق من الحارة:هلهله فينا زين
      زميل بالسكن:تبي تتعرف على شباب من المنطقة أنا ما اعرف حد من هالحارة بس يتردد عليهم يعني يهمك الموضوع
      بدر:لأنكم انتوا بالدوام للمغرب وأنا بكون بالبيت من العصر وأكيد محتاج لحد اطلع معه وأتكلم
      زميل بالسكن:عندك حق أنا بشوف هالواحد وأنت بعد تعرف على الريال بالدكان هو يجلس برا وأكيد يقابل الناس
      بدر:زين يلا باي بمر أشوف ومنها بروح البيت يلا مع السلامة
      صاحب الدكان:هلا شخبارك كيف لقيت البيت إلي أدوره؟
      بدر:ايوه طلع اسم الريال غير
      صاحب الدكان:أنت تدرس ولا تشتغل هنيه؟
      بدر:ادرس بالكلية وإنشاء الله خير
      فاتن:هنوف بعد يومين يخلص الخياط من الثياب ،كيف بنسوي؟
      الهنوف:بهذا المليق زوجك ما عليه نخلي سعود يأخذنا
      فاتن:زوجي ما عليه..بس سعود هالاسبوع مب ياي
      الهنوف:نأخذ عندنا فاطمة ولا لولوة
      فاتن:نبي حد ريال علشان إذا تكلم يسكته مب حرمه
      الهنوف:ما في غير مؤيد نأخذه معنا بس يارب يقتنع بالسبب
      فاتن:ما عليه أنا بقنعه
      اليوم التالي
      مؤيد:الوالدة روح المدرسة روح بيفصلوك لو مب رايح أحسن اليوم ما في دراسة إجازة
      فاتن:إجازة ايش بالضبط؟
      مؤيد:البنين والبنون ايش دراني يقولوا يوم المعلم ومافي دراسة أنا طالع
      أم سعود:لقاها فرصة ما يروح المدرسة
      بدر:اليوم ما رحت المدرسة إجازة ايش عندكم؟
      صاحب الدكان:أكيد هاربين من المدرسة
      مؤيد:افا والله مب هاربين بس مافي دراسة اليوم يوم المعلم ريحونا
      صاحب الدكان:اخر سنة لك وبعدين بتتعب من البيت والشوارع مثلنا
      مؤيد:لامب تاعب بفتح لي دكان وبنافسك
      ص.ك:بعد بتقطع برزقنا
      بدر:ليش ماتدرس تجيب نسبة وتدرس بالكلية او الجامعة؟
      مؤيد:أنا بدخل إما شرطي اوبالجيش خلاص مقرر هالشئ
      بدر:بس عندهم شروط إلا إذا كان عندك واسطة تعديك
      مؤيد:ايوه الوالد كان وزير أي واسطة هذه بس أنا حاس أنهم يدوروا عليٌِِ
      بدر:يمكن ليش لا، مجهزين لك مكان خاص لك وحدك
      اليوم التالي
      فاتن:مؤيد اليوم بترابعنا انا والهنوف الخياط نجيب ثيابنا؟
      مؤيد:ايش المقابل؟
      فاتن:صدق انك استقلالي مشي شئ لوجه الله وأنا اذاكرلك وأختك الكبيرة
      مؤيد:المقابل المهم الحين ايش هو؟
      فاتن:رصيد لتلفونك بس بشرط بعد ما نرجع من الخياط
      مؤيد:زين بس بشرط ما تتأخرن والله أخليكن وأروح خبري هنوف
      فاتن:بخبرها أصلا الثياب مخلصة بنطلعها وبنرجع
      مؤيد:اليوم بعد صلاة المغرب
      فاتن:لا العصر لأنه اليوم المغرب بنروح بيت عمتي
      مؤيد:زين بس علشان الرصيد بريالين مب ريال تضحكي عليٌٌٌٌ
      العصر
      مؤيد:يلا فاتن اتصلي بهنوف ولا بهون عن الروحة
      فاتن:هذه الهنوف عند الباب تنتظرنا يلا اطلع شلي حادنا
      مؤيد:سالي نفسك كل يوم تروحن لحالكن واليوم لما بطلعن ثيابكن قلتن بتاخذني معكن تهددن بي الهندي ليخلص ثياب بسرعة
      الهنوف:صح هذه فكرت فاتن بتشوف قوتك لما تعصب
      مؤيد:هلا شخبارك؟رايح بيتكم؟
      بدر:الحمد لله لابس أتمشى وبعدها بروح....وين رايح أنت تعال أوصلكم
      مؤيد:لا ماله داعي لا انأخرك رايحين السوق قريب
      بدر:لا تفضلوا ماعندي شغل مهم عسب اتاخر
      الهنوف:طايرة عنه وهذا هو لحقنا وطلع يعرف مؤيد
      فاتن:يا ربي سترك.....السلام عليكم
      بدر:وعليكم السلام...وين اوديكم؟
      مؤيد:وين هالمحل بالضبط؟
      بعد ما خلصن من المحل
      مؤيد:عطيني فلوس اشتري بطاقة من هالمحل يبيع بطايق تلفون
      فاتن:تفضل وجيب لي وحده معك....وين تلفوني عندك؟
      الهنوف:لا دوريه بالكيس؟
      بدر:خير ضاع عليك شئ؟
      الهنوف:يمكن بالخياط روحي شوفيه قبل لا يجي مؤيد
      بدر:دائما بنت خالتك تنسى كذيه
      الهنوف:والله لو أنعرف انك تعرف مؤيد ماطلبنا منه يرابعنا الخياط
      بدر:يعني هاربات مني عن أوصلكن ...ربي يعرف انه حبي قوي علشان كذيه كل مرة التقى بكن بس بنت خالتك لو تحس بي والله لشيلها داخل عيوني واسكر عليها
      مؤيد:وين راحت فاتن؟
      الهنوف:نست تلفونها بالخياط راحت تجيبه....(يالغبي تنادي أختك قدام الريال)
      فاتن:سوري...تأخرت عليكم
      بدر:لا عادي خذوا راحتكم الحين اوديكم البيت
      مؤيد:والله تعبانك معنا ...الهنوف بتروحي بيتكم؟
      فاتن عصبت :لا بتروح عندنا البيت
      لما وصلوا البيت اشكروا بدر وراح بيتهم وهو فرحان لأنه التقى بفاتن وعرف اسمها هالمرة
      فاتن:مؤيد الغبي ليش تطري اسم هنوف قدام الريال عيب عليك
      الهنوف:وطرى اسمك قبل اسمي ماخذ راحته الأخ ونسى نفسه
      مؤيد:ما فيها شئ هو بدر كل يوم بياخذكن بالصدفة اليوم لما شافني
      فاتن:بالصدفة ويمكن باكر بالصدفة نوقفه تاكسي ايش بينادينا فاتن والهنوف
      مؤيد:أوه...هو بيتهم مب هنيه فمنطقة ثانية وبعدين هوما عنده وقت للدواره هو يدرس هنيه بالكلية
      الهنوف:صح لما نزلتي قال بنت خالتك دائما تنسى كذيه بس لو تعرف قد ايش انا احبها وتحس فيني والله لشيلها داخل عيوني واسكر عليها
      فاتن:أنا بخبر سعود والله خايفة من تصرفات هالشاب لا وبعد طلع يدرس هنيه يعني كل يوم إذا طلعت بيلحقني
      الهنوف:والله شكله يحبك عطيه فرصة يمكن يخطبك بس ينتظر يخلص دراسة أو أنتي تحسي فيه
      فاتن:لا تخوفيني زيادة
      فاطمة:كيف أشوف البذل..شكلها حلو فكرت من هذه
      الهنوف:من مجلة خذناها ...وأنتي كيف بتسوي ببذلة العرس؟
      فاطمة:اشتري جاهزة من السوق ....ايش فيك مرتبكة؟
      الهنوف:تعرفي من أخذنا الخياط؟
      فاطمة:لا تقولي نفس الشخص تبع ذيك المواقف
      الهنوف:هو الأخ بدر طلع الأخ ولهان بالأخت ونحنا ظلمنا الريال
      فاتن:ظلمناه والله هو إلي ظالم نفسه
      فاطمة:وأنا أقول الأخت مرتبكة المسكين متى يجي يخطب؟
      الهنوف:مب لما تحس فيه الأخت بالأول وتعطيه ويه
      فاتن:هذا إلي ناقص أعطيه ويه واكلمه بالتلفون بعد
      فاطمة تضحك:مسكين يبي نظرة بس من بعض الناس والله أشفقت عليه ما يستاهل بس تصدقي نفسي أشوفه هالبدر هل اسم على مسمى
      الهنوف:يعني... بس سألي فاتن مب زوج المستقبل
      فاتن:على كثر المرات إلي صادفته فيها ما شفته وركزت عليه
      الهنوف:كان امذوبها بكلامه الحلو ونست أطالع فوق تشوف شكله
      فاتن تنرفزت:هنوف يلا روحي بيتكم ما عندنا احد بيشلك بعدين
      فاطمة:من قال ما عندها احد يشلها بتتصل بهيثم يشلك جلسي اليوم عشاءك عندنا
      الهنوف:أنا اليوم معزومة عند زوجة اخوي
      فاطمة:يا هالهيثم هذا قلنا مليون مرة ما نبيه
      عدى هاليوم على بدر بكل فرح لأنه عرف اسم المحبوبة وعرف أخوها بس فاتن عدى عليها اليوم بتوتر وقلق من تصرفات بدر إلي أربكتها جدا
      عدى أسبوعين على هذا الموقف وكل ما راح يوم كل ما بدر تقرب من مؤيد أكثر يعني مصلحة بيوم من الأيام كانوا جالسين مع بعض
      بدر:ايش النغمات إلي عندك يديدة وحلوة دزها لي
      مؤيد:عندي وايد نغمات افتح بلوتوثك
      بدر:مفتوح يلا سمعنا أول بعدين طرش النغمة
      مؤيد:لحظة...نعم ايش هناك؟
      فاطمة:تعال أمي تريدك لحظة
      مؤيد:زين...امسك اسمع النغمات بروح وبرجع
      بدر:ايش هالنغمة ..اوه صح فرصة اخذ رقم فاتن
      مؤيد رجع:ها خذيت نغمات
      بدر:جالس اسمع كلها نغمات قديمة ما عندك شئ يديد
      مؤيد:اذكر هالنغمات تحلالكم انتوا قصدي تحبوها وايد
      بدر:قصدك نحنا البدو أكيد هي حلوة بس مب كلها وبعدين نازله أغاني يديدة هالايام
      مؤيد:يلا أنا بروح عنك البيت يبوني...خلصت
      بدر:مشكور ...يلا أنا بروح البيت مع السلامة
      فاتن:مؤيد ما باقي شئ عن الامتحانات وحضرتك متى بتذاكر؟
      مؤيد:يصير خير لأيام الامتحانات
      بالليل بدر تردد قبل لا يتصل بفاتن أكثر من مرة وبعدها اتصل
      فاتن:من يتصل هالحزة غير هنوف أكيد جالسة أتابع البرنامج وشافت شئ
      فاطمة:يلا تحركي صدعنا نبي نرقد ولا قصري عالنغمة
      فاتن:هذا مب رقم هنوف ..الو نعم ؟
      بدر:السلام عليكم شخبارك فاتن؟
      فاتن تلخبطت:نعم ..فاتن من أنت؟
      بدر:يعني لازم تعرفيني من صوتي ...وبعدين أرجوك لا تسكري الموبايل بقولك شئ
      فاتن:خير ايش عندك تعرف الساعة كم الحين علشان تتصل بالناس؟
      بدر:ما لقيت وقت غيره مناسب بس شخبارك صار لي أسبوعين ما شفتك والله اشتقت لك
      فاتن:يعني متصل تتمصخ...لو سمحت سكر إذا ما تبي مشاكل
      بدر:لو تجي منك أحبها لأنك غالية ومقامك عالي عندي
      فاتن:لو سمحت أنا ما أحب هالحركات خليني بحالي مب غصب احبك
      بدر:أنتي كل مرة تجرحيني بس أنا أتقبل لأنها منك لو من غيرك كان يولي بس أنتي قلبي إلي يتحكم بقدرك عندي
      فاتن:وأخرت هالموال ايش بالضبط؟
      بدر:والله بخطبك وبنتزوج بعد بس أعطيني فرصة أعرفك فيها وتعرفيني وأكيد بتحبيني فيها
      فاتن:واثق من نفسك وايد حضرتك...
      بدر:إلي يحبك يكون واثق من حياته كلها لأنه يحبك ويموت فيك
      فاتن:والزبدة الحين ايش تبي ؟
      بدر:ممكن انسولف مع بعض ونعرف بعض أكثر أنا عندي كلام وايد أقوله لك عني وعن سعادتي لما أشوفك أو أكلمك
      فاتن:بس بالأول أنا عندي سؤال ممكن أتجاوب عليه...من وين جبت رقمي؟
      بدر:هذا السؤال بجاوبك عليه بوقته والحين خلينا بالأهم
      فاتن سكتت عن بدر وهو تم يتكلم لوقت متأخر بعدها سكر
      فاطمة:صباح الخير الوالدة...سعود اليوم قايم من وقت خير؟
      سعود:عندي شغل بخلصه...اوديك الدوام؟
      فاطمة:ليش توديني أنا انتظر السيارة الحين يوصل
      سعود:اعرض خدماتي عليك...
      فاطمة:هلا صباح الخير...هلا سالمة خير في شئ؟
      سالمة:عمي راعي السيارة اتصل بي قال سيارته خربت عليه دبرن نفسكن
      فاطمة:اتصل عليك.. يأت بوقتها الفرصة قبل شوي سعود يعرض علي التوصيل ...انتن عندكن سيارة تشلكن
      سالمة:حتى لو عندنا بننتظر سعود يجي يشلنا تراها فرصة
      فاطمة:أصبحنا وأصبح الملك لله من الصبح بتصير نظرات
      سالمة:أنا بتصل براوية أشوفها تروح معنا ولا لقتلها احد يشلها
      فاطمة:يلا بسرعة وردي علي..سعود تصدق عرضك لا زال قائم ولا تكنسل
      سعود:خير..السيارة مب يايه
      فاطمة:لا خربت عليه بالطريق...
      سعود:يلا البس دشداشتي وانروح.....بس انتن الثلاث
      فاطمة:لا عندنا بنت بس راحت عند أخوها بس بنمر على سالمة وأختها أفراح
      سعود:بس أي مدرسة أداوم أفراح؟
      فاطمة:سالمة...يوصلونا نحنا قبل ولا أفراح أحسن؟
      سالمة:نحنا مدرستنا اقرب بعدها يوصل أفراح
      وصل سعود فاطمة وسالمة قبل بعدها وصل أفراح
      أفراح:مشكور..تعبناك معنا
      سعود:العفو ما سوينا شئ
      بدر طرش مسج لفاتن"صباح الخير على وجه الخير وضوى البدر وسرمد الليل"
      فاتن:أصبحنا وأصبح الملك لله....السلام عليكم الوالدة
      أم سعود:ها فاتن يمه بنرتب البيت ونعدل بالمطبخ ترى عمتك طالبه مني أغراض للعرس
      فاتن:حاضر الوالدة بس باقي ثلاثة أسابيع عن العرس
      أم سعود:علشان ما أنساهن وأشوف إذا كلها موجودة
      مريم:السلام عليكم...ها ايش عندكم اليوم تعدلوا؟
      فاتن:أنرتب البيت وأمي تشوف أغراض لعمتي للعرس...وين علي وعلياء؟
      مريم:عند يدتهم تعبوني قلت الهم جلسوا
      أم سعود:عزوز..الصغير تعال عند يدتك تعال...وين عمتك صار لها مدة مامرت؟
      مريم:تجلس عدال البيت عند حريم الحارة...مؤيد اليوم أمداوم؟
      فاتن:ايوه بس اليوم أخر يوم قبل الامتحانات
      بدر طرش مسج ثاني"إذا قمتي من النوم سويلي رنة علشان اتصل فيك ابيك ضروري"
      فاتن ارتبكت لما قرت المسج:الوالدة أنا بروح اطبخ الغداء
      أم سعود:من الحين بعدها الساعة
      فاتن:الين ما اعدل المطبخ تكون الساعة يأت...ياربي ارحمني منه....ايش أسوي؟
      سعود:السلام عليكم....ايش فيك؟
      فاتن نقزت:وعليكم السلام ..ولا شئ مريم داخل عند الوالدة
      سعود:عزوز كيف حالك؟ وين علاوي وعلياء؟
      مر اليوم عادي راح سعود يرجع البنات من المدرسة
      فاطمة:اليوم لما صرتوا لحالكم ايش قلت إلها؟
      سعود:ما تكلمنا مع بعض
      فاطمة:سعود..مب علي هالحركات صدق ايش صار بينكم؟
      سعود:والله ما صار شئ غير مشكور عالتوصيلة والعفو
      فاطمة:سعود أنا وسالمة نخليلكم الجو وأنت وإياها عادي والله عبيطين
      سعود:أخليتن الجو إلنا ..كيف يعني؟
      فاطمة:أولا السائق دائما يوصل أفراح قبل تالي نحنا بحكم قرب المسافة وكذلك بالرجعة أول نحنا بعدين هي
      سعود:بس أنا ما شفت فرق بالمسافة
      فاطمة:أنت كنت مشغول أطالعها شئ أكيد
      سعود:الصراحة هي بنت جدا مؤدبة وهادئة
      بالليل
      بدر يتصل على فاتن بس هي ما ترد ولا تخليه صامت أو رفض:"أدري""بس أنت ما تدري""وأبيك تدري""انك تملك أغلى مكان""بقلبي يا بعد عمري وكل من لي"
      فاتن:ليش أنا بالذات إلي صار عندها هذه المشكلة ليش مو فاطمة أو الهنوف أو حتى لولوة...يا ربي رحمتك
      بدر:ليش ما ترد لايكون صاير لها شئ ؟
      فاتن:أرجوك ولو سمحت لا تتصل علي مرة ثانية ولا أطرش مسجات لو عرف اخوي مدري ايش ممكن يسوي فيني.
      بدر:لو صارلك أي شئ صدقيني أنا مستعد أوقف معك وأنا احبك ومستحيل اخلي أي شئ يصير لك حتى مع أهل بيتك بس ردي على مكالماتي والله بموت إذا ما كلمتك.
      فاتن ارتبكت:يا ربي ايش أسوي مقدر اخبر هنوف وتأخذ الموضوع هزار ولا اخبر فاطمة وتخبر سعود وتصير مشكلة...ايش الحل؟
      بدر يتصل وما ترد عليه
      فاطمة:ايش فيك اليوم ما طلعتي من الغرفة ؟
      فاتن:يعني لازم اطلع اجلس عندكم...فطيم لو صار لك نفس الموقف إلي صار لي مع بدر وقام يتصل بك اتكلميه؟
      فاطمة:ليش هو اتصل بك؟
      فاتن:أنتي جاوبي على سؤالي..وبعدين أنا أقول لو
      فاطمة:على حسب إذا كان جاد اكلمه واعرف ايش يبي لكن لو كان يشتغل ومجهز نفسه للزواج ومستعد يتزوجني أنا وبعد مكالمتي له بشهر يطلبني ومتصل نتعارف اوكي غير كدا أكيد لا ومستحيل بعد.
      فاتن:يعني قطعا لا...لاالاخت عاقلة وما ينخاف عليها
      فاطمة:بس أنتي ينخاف عليك وعلى مستقبلك.
      فاتن:أنا..من سابع المستحيلات أكون علاقة حب مع واحد وبعدين أتزوج غيره إذا ماكنت إلي اكلمه خاطبني صدقيني مستحيل أحبه أو أكون معه علاقة حب
      فاطمة:إذا كان يكلمك كأخ؟
      فاتن:كأخ يوقف على حسب مثلا هو يحب وحده وحاب أكون حلقة وصل اوكي أو عنده مشكلة ويناقش مواضيع بدون لا ندخل مع بعض بحبيني ومعجب فيك يصير بس يكون صادق وأنا واثقة ومقتنعة منه
      فاطمة:وبدر..ايش الحل معاه؟
      فاتن:بدر..الله يستر منه ومن إلي ممكن يسويه
      فاطمة:يحب ما ألومه....
      فاتن:محد بيضيع الناس غير هذا الحب
      بدر:"اعرف انك مب حابه تكلميني بس ممكن نتواصل عن طريق المسجات
      فاتن:ايش رأيك أنت بعد لو تخليني بحالي ولا تتصل ولا تمسج يكون أحسن
      بدر:طيب أنا مستعد أكون صديق لك ولا أتكلم عن حبي لك بس ممكن تكلميني وتعطيني فرصة اثبت لك فيها إني صادق وتتعرفي من خلالها علي
      فاتن: ممكن أخ بس يكون كلامك بحدود الأدب وبعيد عن حبيني واحبك
      بدر:الظاهر انك تبي تعجزيني معك بس أنا مستعد أتحمل كل شئ علشان اسمع صوتك وأتكلم معاك....حاضر ممكن الحين تشيلي التلفون لما اتصل ابي أكلمك بموضوع
      فاتن:امرنا لله...نعم خير؟
      بدر:السلام عليكم بالأول..وبعدين نحنا أصدقاء يعني غيري لهجتك معي
      فاتن:يصير خير لما أتعود عليك مع الوقت ولين ما تلقى بنت غيري تحل مكاني
      بدر:أرجوك لا تعذبيني أكثر أنا مستحيل أحب غيرك
      فاتن:ايش قلنا قبل شوي ولا أنت تنسى بسرعة
      بدر:والله هذا إلي أحس به اتجاهك
      فاتن:أنا عندي موضوع بأخذ رأيك فيه...
      بدر:تفضلي فديتك
      فاتن:ما علينا...أنا مقرره أسجل هالسنة بمسابقة للغناء بعد إقناع من الهنوف تعرفها وأختي ايش رأيك؟
      بدر عصب:نعم مسابقة للغناء بتشتركي فيها..اسمعي يا بنت الناس أنا ما أحب احد يتكلم عن إلي أحبها بشئ شين ويطلعوا عليها كلام فالأفضل تشيلي هالموضوع من بالك اوكي ..يلا باي
      فاتن انصدمت من ردت فعل بدر:باي ياريت دائما علشان ما تتصل ابد وتنساني
      بدر معصب:هذا إلي ناقص تشترك بمسابقة أغاني ..تبي الناس اطلع عليها كلام ماصخ وما له داعي
      فاتن:فطيم..بكلمك بموضوع اشتراكي بمسابقة للغناء فيه شئ عيب أو غلط بسويه
      فاطمة:من ناحية العيب والغلط فكل شئ تسويه البنت عندنا غلط وعيب ومخالف للعادات والتقاليد
      فاتن:ايش فيها مدام إنها بتلتزم بعاداتها وتقاليدها وأدبها بعد
      فاطمة:الناس عندنا مب بالبلد بس إلا كل العالم عندهم أشياء تخالف معتقداتهم وتفكيرهم مع العلم أنهم بنفس الوقت يقوموا بأشياء غلط وعيب إلا حرام
      سعود:ايش عندك جالسات بالصالة خير ؟
      فاطمة:احضر دروسي..وفتون يأت تسألني ....
      فاتن تعمل حركة لفطيم ما تقول لسعود فانتبه إلها
      سعود:خير فتون في شئ صاير معاك؟
      فاتن:لا..عن إذنكم بروح ارقد
      فاطمة:فتون حابة تشترك بمسابقة للغناء وخايفة منك ومن الوالدة وأكثر شئ من كلام الناس
      سعود:مسابقة للغناء...ليش صوتها حلو علشان تغني....
      فاطمة:سعود عن المصخرة ترى فتون صوتها حلو وأنت أكيد سامعة
      سعود:الصراحة أنا مب أموافق عندي اعتراض
      فاطمة:ليش؟...والله بتكسر بخاطرها وأنا أقول سعود بيتفهم وبيقنع الوالدة ما دريت انك أنت بتعارض
      سعود:أنزين سمعي اعتراضي بعدين تكلمي
      فاطمة:خير..لا يكون تلبس الحجاب....تراها قايلة انها مب خالعته
      سعود:دائما متسرعة وعندك تحليل لكل شئ..سمعي شرطي أكون أنا مدير أعمالها وامسك الفلوس وأسافر عندها أنا والمدام إنشاء الله كل مكان اتروحه والعيال إذا الله رزقنا
      فاطمة تضحك:والله انك عبيط يا سعود..أنت بالأول خلي المدام تقتنع بعرضك الأول وبعدين فكر أترافق فتون
      سعود:لا عاد هي صارت مغنية صدق....
      فاطمة:صدق سعود حاول تقنع الوالدة تراها تحبك أكثر منا وتعمل لك ألف حساب ريال البيت أنت...
      سعود:الحين الوالدة تحبني أنا أكثر منكم وتعمل لي ألف حساب وين راحت مريم الكبيرة وأنتي
      فاطمة:نحنا بنات إذا حاولنا معها ترفض بس منك أنت تجي أحلى وتشوف إنها عادي وما فيها شئ البنت تغني..عفيه اخوي الغالي
      سعود:بحاول بس عطيني وقت لين ما أفاتحها بالموضوع وهي تفكر وترد علي...والحين تصبحي على خير
      وصل لفاطمة مسج:وأنت من أهل الخير...لحظة سعود هذه أفراح دازه لي مسج تقول سلمي على سعود وايد
      سعود ما صدق:والله...كذب أصلا أفراح ما تقول هالكلام هذه أكيد صديقتك سالمة
      فاطمة تضحك:وأنت ما صدقت سمعت أنها تسلم عليك
      سعود يضحك:بتعذريني لما تعيشي حالتي
      فاطمة:يصير خير لذاك الوقت
      الهنوف:هذا الفيلم حلو بس مرعب باكر أشوفه أفضل لي أخاف بالليل
      مؤيد:صباح الخير
      أم سعود:صباح النور..خير إنشاء الله قايم من وقت اليوم وما في مدرسة ؟
      مؤيد:الوالدة أنا مستعد كل يوم أقوم بهذا الوقت وأراجع للامتحانات بس بالليل اطلع وأكون براحتي ايش قلتي؟
      أم سعود:تعال تريق وبعدها روح راجع ولما تخلص الكتاب اطلع ولا ترجع البيت
      فاتن:السلام عليكم..أوه اليوم قايم من وقت خير إنشاء الله؟
      مؤيد:سمعيني أنا خبرت الوالدة على شرطي وهي أموافقة بس أنا أراجع بكيفي والطريقة إلي تعجبني
      فاتن:وأنا بعد بكيفي أسوي لك الامتحان على كل مادة وتحلها ايش قلت؟
      مؤيد:مب ملزوم اسمع كلامك...مادام أنا براجع كل يوم
      فاتن:وبعد أنت مب على كيفك إذا ما راجعت وحليت الامتحانات إلي أسويها لك الوالدة مب أموافقة تطلع من البيت
      أم سعود أطالع مؤيد وهزت رأسها مؤيدة لكلام فاتن
      مؤيد:زين أنا أموافق بحل امتحاناتك
      فاتن:وإذا كانت الدرجات اقل ما 90بالمائة مافي طلعة من البيت تسمع
      مؤيد:حكم القوي عالضعيف
      الظهر
      الهنوف:فاتن..ليش ما تجي عندنا اليوم والله متمللة وحدي بالبيت؟
      فاتن:هالفترة ما اقدر جالسة أراقب مؤيد عن يطلع وما يذاكر...ليش أنتي ما تجي عندي لك موضوع مهم تعالي العصر
      الهنوف:لحظة شويه...هيثم بتوديني بيت خالتي الحين؟
      هيثم:سمعي عندك نص ساعة تخلصي نفسك فيها لأني رايح الدوام بعدها
      الهنوف:أنا جاهزة...فتون الحين اجيك وسخني السالفة علشان تحمى بالنار
      فاتن:ممتعة وتعجبك
      لولوة:فاطمة إذا رحتي السوق اليوم اشتريلي إكسسوارات للفستان
      فاطمة:بشوف لك
      فاتن:بتروحي أنتي ومريم ..متى؟
      فاطمة:مدري بالضبط بس هي قالت بتمرني المغرب
      بدر:من البارح وما دزت لي مسج وما عبرت زعلي أكيد تبي الفكه مني..."لا تعتقدي أني بخليك بهذه السهولة...شخبارك اليوم؟
      فاتن:ياربي استرحت منه الصبح والظهر ولما يأت هنوف طرش مسج هذه أنتي وويهك
      الهنوف:أه يا بدر لو تعرف بنت خالتي أش كثر تحبك وتموت فيك
      فاتن:أوه باين علي الحب بيقتلني...أنا تمام وبعدين في شئ أذكرك زعلان؟
      بدر:"كنت معصب ولا زلت إذا ما رجعتي عن قرارك هذا
      فاتن:أخر شخص ممكن يتحكم فيني هو أنت لأنه ما تربطني فيك أي صلة وحتى إن كانت فما اعتقد لك الحق
      بدراتصل بفاتن بس هي ما ردت عليه :"ليش ما تردي لما اتصل"
      فاتن:نتواصل بالمسجات أفضل من الكلام بلا معنى
      بدر:"لو أنتي مقتنعة بالي راح تسويه ردي على اتصالي وأقنعيني فيه"
      فاتن:برد على اتصالك بس مب الحين عقب الصلاة
      بدر راح يصلي وبعدها اتصل بفاتن:السلام عليكم
      فاتن كانت عندها الهنوف بالغرفة:وعليكم السلام
      بدر:ممكن تقنعيني بهذا القرار إلي اتخذتيه
      فاتن:صحيح أنا ماني ملزومة أقنعك أو أعطيك مبررات لأني صاحبة قرار نفسي وأهلي...
      بدر معصب:أرجوك فاتن...أنا بدوس على قلبي وبصير صديقك وكل إلي تبي بس أرجوك لا تستخفي بمشاعري
      فاتن:أنا ما استخف بك كل الموضوع أنا حابه هالمجال وإذا حد منا عنده طموح فأكيد يبي يحققه حتى بعد ما يشيب
      بدر:أنا معك في هذا الشئ بس الغناء طريق صعب واشتراكك بمسابقة للغناء يعني احتكاك بأولاد وتعرض سمعتك لكلام الناس حتى وان كان الكلام كذب وغلط
      فاتن:إذا بأخذ طموحاتي وحياتي على كلام الناس فتأكد انه الناس تتكلم وما تسكت حتى لو سويت شئ صح وما فيه أي عيب بتظل تتكلم وتشوه سمعتك
      بدر:يعني هذا طموحك تصيري مغنية؟
      فاتن:ما فيها شئ وأكيد هذا المجال صعب ومنه مخاوف بس إذا الناس إلي أحبهم أوقفوا جنبي وساعدوني وما سمعوا لكلام الناس فكل شئ بيكون سهل وعادي
      بدر:تعتقدي انك اقنعتيني بكلامك هذا ووجهت نظرك؟
      فاتن:مع انه الأمر ما يعنيك..بس أتمنى أكون أقنعتك
      بدر:وأنا من الناس إلي يحبوك ومستعدين لأي شئ تبيه أنتي وبوقف معاك لأخر حلم وأتمنى تتوفقي بهالمجال وصدقيني بصوت لك إذا قبلوك
      فاتن:أنت مستهين بصوتي...
      الهنوف:إيه يا بدر ترى بنت خالتي صوتها حلو وبتسمع بنفسك هالشي
      بدر:هذه الهايتة معك شخبارها؟
      الهنوف:أنا تمام بس من وين جبت رقم فاتن
      بدر:هذا السؤال قلت لفاتن أني مب امجاوب عليه إلا بوقته
      الهنوف:ومتى وقته لما تحبك ولا تتزوجوا؟
      بدر:يسمع منك ربنا وتحبني وساعتها لك إلي تبي بس تأمري..
      الهنوف:صدق الظاهر انك تحب من صدقك
      بدر:ولا لحظة كنت امزح أو العب فيها
      فاتن:يلا لازم اسكر الوالدة تنادي علي....باي
      بدر:باي عمري...والله أحبها هالبنت أحبها
      أخت بدر كانت عند الباب وسمعته :ما عليه يا بدر أنا إلي بمسكها عليك
      الهنوف:والله هالولد يحبك وايد ليش ما تحبيه؟
      فاتن:أنا من هالنوع يا هنوف أنتي أكثر وحده تعرف أني مستحيل أتعرف على واحد قبل الزواج إلا إذا كان خاطبني
      الهنوف:يا ما ناس تعرفوا ببعض قبل الزواج وكانت علاقتهم ببعض بعد الزواج تمام وحلوة
      فاتن:يعني تزوجوا بالأخير لأنها واثقة فيه وتعرفه بس أنا لا أحبه ولا واثقة فيه
      الهنوف:طيب كيف تكلمي واحد مب واثقة فيه
      فاتن:أنا مب واثقة فيه انه يحبني صدق يمكن تكون لحظات طيش أو حاب يلعب مع انه لليوم ما خبرني انه لعب على حد من قبل بس هو مستقبله طويل وما اعتقد أني مستعدة انتظر واحد الكورس الثاني بيبدا الدراسة وأنتي أدرى مني بالشباب ودراستهم يبيلها عمر
      الهنوف:وفي غيرهم يدرسوا ومجتهدين وهذا هم شغلهم مضمون
      فاتن:ما اعرف المهم أني ما فكرت بالموضوع
      عدت أيام من أيام عمرنا مثل البرق
      سعود:السلام عليكم الوالدة...
      أم سعود:وعليكم السلام ...خير يمه تفضل؟
      سعود:الخير بويهك يالغالية..الوالدة بكلمك بموضوع يخص فاتن
      أم سعود:خير إنشاء الله فتون فيها شئ؟
      سعود:لا الوالدة بس مستقبل فتون وطموحها
      أم سعود:مستقبل وطموح فتون...خير فيه شئ تكلم يمه
      سعود:الوالدة فتون صوتها حلو وتحب الفن والغناء وحابة تشترك بمسابقة للغناء...ايش رأيك؟مع العلم أنها مب متخلية عن عاداتها وتقاليدها وأخلاقها إلي تربت عليها
      أم سعود متفاجئة:نعم يمه...بس أنت تضمن هم يحافظوا عالعادات والتقاليد إلي هي بتحافظ عليها وأنا متأكدة من فتون؟
      سعود:يمه كل مسابقة ولها شروط قبل التحاق فيهم ونحن بعد لنا شروط بنقول لهم عليها وإذا رفضوا فصدقيني هي بترفض أتشارك قبل لا نعترض نحن أنا متأكد من خيارات فتون وجرأتها بهالشئ
      أم سعود:خليني أفكر وبرد عليك وعليها
      سعود:ياريت يا الوالدة توافقي لأنها بتفرح بهالشئ وايد
      بعدها لا شئ يذكر إلا انه علاقة فاتن ببدر جالسة تتطور كل يوم عن يوم بس بدون لا تظهر فاتن مشاعرها
      بدر:تصدقي بعد شهرين بكون عندكم بالحارة وكل يوم يمكن أشوفك
      فاتن:ليش أنا حواطة ولا ما اجلس بالبيت؟
      بدر:لا والله مب قصدي أنتي كل الخير ولا تزعلي
      فاتن:عبالي وبعدين أنت ما عندك كلية اتروحها ولا حاب تجلس بالحارة تنتظر وأطالع من راح ومن رجع
      بدر:خايفة لا أشوف غيرك...
      فاتن:لو سمحت بدر كم مرة قلت لك لا تدخل بهذا الموضوع وبعدين أنت جيت من بيتكم ودفع والدك كل إلي عنده علشان يدرسك ويشوفك بيوم عندك شهادة جامعية ويفتخر فيك مب علشان شفت فلان ولا فلانة وحبيت هذه وهذه
      بدر:كلامك صدق وأنا صدقيني مب علشان أهلي وبس بجتهد بدراستي وبعد علشانك وأنتي السبب الأكبر لي
      فاتن:يلا تصبح على خير لازم ارقد وراءي باكر شغل بالبيت
      بدر:ليش تتهربي مني لما تجي طاري مشاعري اتجاهك
      فاتن:ما تبيني أجرحك علشان كذيه الأفضل إما أتهرب أو ما تجيب طاري الموضوع مرة ثانية
      بدر:زين تصبحي على خير وباكر إنشاء الله بكلمك ...يا ربي أحاول أقنعها بهذه الفترة أنها تحبني لأني ما اقدر أنساها خلاص
      فاتن:يا رب بدر أول شخص يقولي انه يحبني هذا الحب وأنا مابي أتسرع بقراري معاه سواء بالحب أو الرفض
      اليوم التالي (يوم زواج بنت عمتهم لفاتن)
      الهنوف:السلام عليكم..خالتي اليوم مب مأخذين الوالدة العرس
      أم سعود:ليش أمك فيها شئ؟
      الهنوف:لا بس يمكن تشوف الوالد ويدق قلبها
      الكل ضحك على كلام هنوف
      أم سعود:وين أمك عنك..حد يقول هالكلام عن أمه؟
      الهنوف:وأنا صادقة سألي سعود وفاتن ومن بعد...ايش تقول لما أقولها أدنى كلمة ؟
      أم سعود:ايش تقولك؟
      الهنوف:أنتي مثل أبوك وهو مب أحسن منك كل يوم على هذه السالفة أبوك وأبوك
      أم سعود:الحين اتصل بأمك اخبرها عنك؟
      الهنوف:خالتي حرام عليك الوالدة بتنصدم إذا شافته مع غيرها
      هيثم:السلام عليكم ..محد يتلحن غير هنوف اعرفها
      أم سعود:تعال اسمعها ايش تقول عن أمك؟
      هيثم:هنوف عن الوالدة
      الهنوف:ايش قلت خالتي ..كنت أقول إلها انه الوالدة اليوم يمكن تنصدم إذا شافت الوالد مع زوجته وعياله علشان كذيه مب شالينها العرس
      هيثم:صح كلامك قولي يمكن تأكله بنظراتها هو وزوجته
      أم سعود:بغيناك عون صرت فرعون
      فاتن:الهنوف تعالي أبغيك عن الهذرة الزايدة عندك
      هيثم:ها سعود موجود هنيه .. ما عندك شغل هالاسبوع
      سعود:بعدك ما شفت حد وينك يا خالتي تسمعي هيثم ايش يقول؟
      هيثم:لا والله نمزح عند الوالدة تحب المزح أنطلعها من الجو الاعتيادي
      سعود:كيف اليوم تمشي الملكة؟
      هيثم:إنشاء الله لكن العرس اليوم مب رايح مالي خلق
      سعود:باكر بنروح ليش اليوم بعد إذا كان للحريم باكر أندخل المعرس
      الهنوف:شخبار القلب بدر؟
      فاتن:القلب أي قلب هذا ما علينا اليوم ايش بتلبسي ؟
      الهنوف:لحظة..أنا جبت ثيابي عندي بروح من عندكم اعرف هيثم بيتاخر علي لين ما يرجع من الملكة
      فاتن:هذا حلو ولا هذا ؟
      الهنوف:كلهن بس هذا أحلى..وأنا بلبس هذا
      فاطمة:وين رايحة لولوة؟
      لولوة:بيت عمتي هناك بتلبس
      فاتن:اليوم ايش تبوا عشاء؟
      فاطمة:ما اعتقد نطبخ العشاء فالبيت اليوم لأنه عمتي قالت تعالوا اخذوا العشاء
      فاتن:ريحتوني اليوم الحمد لله
      وقت العرس والبنات يتجهزن من مكياج ولبس وإكسسوارات
      هند:لولوة متى تجي فاتن والبنات؟
      لولوة:مدري اتصلت فيهن قالن جالسات يتجهزن وينطرن سعود يوصلهن
      هدى:تعالي لولوة سويلي مكياج ما اعرف
      الهنوف:فاتن موبايلك يرن
      فاتن:هذا وقتك..الو نعم؟
      بدر:السلام عليكم ..شخبارك؟
      فاتن:وعليكم السلام..الحمدلله تمام
      الهنوف:عطيني البودرة
      فاتن:خلصي لأني ما خلصت
      بدر:خير عندك دوشة؟
      فاتن:لا نتجهز للعرس
      بدر عصب:عرس وين هالعرس؟
      فاتن:بيت عمتي بنتها معرسه
      بدر معصب:وأنا أخر من يعلم فهذه بعد فاتن ما كان لازم تخبريني انك بتروحي العرس اليوم ولا أنا حيطة بالنسبة لك
      فاتن عصبت:هيه بدر..أنا سكت عنك وايد وبعدين أنا حرة نفسي بروح العرس بروح السوق بروح إلي بروحه أنت مالك شغل فيني لا يكون متزوجني وأنا ما اعرف...باي لو سمحت سكر
      بدر:هذا كلامك يا فاتن طيب مع السلامة وتقولي نحنا اصدقاء ولازم تكون بينا ثقة...باي
      فاتن:باي... ايش دخل الثقة بهذا الموضوع؟
      الهنوف:يلا فاتن سعود يقول خلصن..
      بدر معصب:مشكورة فاتن هذا وأنا قايل لك أني احبك..أكيد حبك بيقتلني أكيد
      خولة:بدر ايش فيك معصب وحالتك حالة
      بدر:لا ولا شئ أنا بطلع عند الربع
      خولة:الله يهديكم يا شباب هالايام
      هند:اهلا وسهلا بالبنات الله..الله هنوف طالعة حلوة أول مرة من سوالك المكياج أكيد فاتن ولا فاطمة
      الهنوف:لا أنتي والحمد لله أنا حلوة من زمان وأنا إلي احلي المكياج مب هو
      هند:سمعي بنت خالتك هنوف ايش تقول...فتون..فتون أكلمك؟
      الهنوف:فاتن هند أتكلمك...فيك شئ؟
      هند:فيها شئ...فتون مريضة؟
      فاتن:لا ولا شئ بس راسي شوي يعورني
      الهنوف:تعالي معي تشربي حبة
      فاتن:ما له داعي الحين أصير أحسن
      لولوة:هنوف..أبوك برا يباك
      الهنوف:بروح وراجعة...شخبارك الوالد؟
      بوهيثم:هلا الهنوف شخبارك؟
      الهنوف:الحمد لله بخير شخبار عمتي ؟
      بوهيثم:الحمد لله ما شفتيها داخل
      الهنوف:لا يمكن الحين واصلة ما شفتها
      بوهيثم:شخبار أمك؟
      الهنوف:قول من قبل كيف أمك عن الحركات...الحمد لله زينة تسلم عليك
      بوهيثم:الله يسلمها سلمي عليها
      الهنوف:يلا الوالد أنا بروح داخل...وين فاتن؟
      هند:داخل بالغرفة
      الهنوف:ها فاتن كيف راسك؟
      فاتن:تمام شوي
      الهنوف:فاتن أنتي مب راسك في شئ ثاني ...خير بدر قالك شئ؟
      فاتن:يا ريت ما أتكلم بهالموضوع هنيه
      الهنوف:اوكي
      بدر عند ربعه جسد بلا روح يفكر ليش الأشياء التافهة تزعله من فاتن وتخليه يعصب
      (لما رجعن من العرس بنص الليل)
      الهنوف:فاتن أنا باكر الصبح بجي عندكم البيت باي
      فاتن:باي
      فاتن ما نامت طوال الليل تفكر ببدر
      اليوم التالي
      يوم الدخله (زفت العروس)
      الهنوف:الوالدة قولي من شفت البارحة بالعرس؟
      أم الهنوف:من يعني غير أبوك وزوجته
      الهنوف:ليش تقوليها من دون نفس ...وزوجته
      أم الهنوف:بتكلمي ولا أقوم أروح عنك
      الهنوف:لالالا خلاص بتكلم...شفت الوالد وسألني عنك شخبارها وايش مسويه وقلت له تسلم عليك فقالي يعني بعد ما فرح سلمي عليها
      أم الهنوف تقلد الهنوف:الوالدة تعالي أقولك من شفت أبوي وقالي وقلت له وأنا شفت زوجة أبوك وتسلم عليكم
      الهنوف:طايحة صحبه مع زوجته تبي تخربي علاقتهم..اااه يالوالدة كذيه السالفة
      أم الهنوف:قومي يلا خلصي إذا بتروحي بيت خالتك بعدين محد بيوديك هيثم مشغول فبيت العرس
      لولوة:مريم برا،أنا بروح بيت عمتي وعندهم بروح الصالون
      فاطمة:خبري مريم لا تنسى تمر علينا لما تروح الصالون
      الهنوف:فاتن يلا قومي جهزي أغراضك
      فاتن:مالي نفس أروح الصالون بتعدل فالبيت
      فاطمة:نحنا حاجزين لك معنا
      الهنوف:بعده راسك يعورك..أمبين عيونك متورمة
      فاطمة:طول الليل ما نامت مدري ايش تفكر فيه يمكن بدر القلب
      فاتن:اوووه خلاص مب رايحة وخلاص فكنا
      الهنوف:فاتن هذه مب حالة علشان واحد أنتي قلتي انه مليق وتافه تسوي كذيه ما صارت
      فاتن:من قال علشان بدر أنا صاير فيني كذيه
      الهنوف:عطيني اتصل فيه؟
      فاتن:ما يرد ولا حتى بالمسجات انفكيت منه خلاص
      الهنوف:عطيني رقمه أنا بتصل فيه
      فاتن عصبت:خلاص هنوف انسي الموضوع قلت لك أنا استرحت منه خلاص
      الهنوف:زين..يلا قومي غسلي وهدئ وجهزي نفسك للعرس
      فاطمة:والله هذا البدر بيقتلها
      الهنوف تقلد فاتن:ما أحبه ومستحيل أفكر فيه ...هذا هي طاحت ومحد سمى عليها.....عطيني تلفونها بشل رقمه وأنا بكلمه
      فاطمة:إذا عرفت بتزعل منك
      الهنوف:المليق اسم حلو...أنا بروح اكلمه لا تخبريها
      طلعت فاتن من الحمام:وين الهنوف؟
      فاطمة:راحت تكلم أبوها بالتلفون
      بدر:هذا رقم من؟...الو
      الهنوف:السلام عليكم المليق
      بدر:وعليكم السلام ..من معي؟
      الهنوف:لازم تعرفني من صوتي أنا الهنوف بنت خالة قلبك
      بدر:هلا..وبعدين أي قلب هذا وهي ما عاطتني ويه
      الهنوف:قلت لي حلاوة إذا خليتها تحبك
      بدر:وهي ما حبتني ...فاتن مخلتك تتكلمي عنها
      الهنوف:وأنت ليش ما ترد عليها
      بدر:هي ما اتصلت ولا مرة أصلا هي تتصل فيني
      الهنوف:كذبت..ما عليه أنت ليش البارحة نازعتها لما قالت أنها رايحة العرس هذا عرس بنت عمتها يعني عادي
      بدر:ما قلت شئ بس قلت إلها ليش ما خبرتيني وهي عصبت وسكرت الموبايل ..وصدقيني يالهنوف لو ما أحبها ما كنت تدخلت بأمورها كذيه
      الهنوف:يعني إلي يحب لازم يعرف وين رايحة وليش ومع من؟هذه ما صارت
      بدر:وأنا غلطان وأعترف بهالشئ أنا اعصب على أتفه الأسباب فوقتها بس بعدها أهدئ ويصير عادي
      الهنوف:المهم أنا متصلة أخبرك نحنا اليوم رايحين الدخلة والأخت من البارحة رأسها يعورها وطوال الليل ما نامت ورافضة تروح الصالون اليوم...ايش العمل؟
      بدر:فديتها..أنا بتصل فيها واكلمها
      الهنوف:اسمع إذا اتصلت لا تقولها أنا اتصلت وكلمتك..لأنه الظاهر الأخت تحبك وهي مب حاسة بهالشئ أو إنها تكابر
      بدر فرح:صدق فاتن تحبني..والله ريحتي قلبي مشكورة ولك أحلى حلاوة طلبي
      الهنوف:لا تبين لها انك تعرف والله لو عرفت بتشك فيني وبتزعل مني
      بدر:إنشاء الله ولا يهمك
      الهنوف:باي
      سعود:من كنتي تكلمي؟
      الهنوف توترت:أبوي كنت اكلم الوالد...شخبارك سعود وشخبار القلب؟
      سعود توتر:القلب..إي قلب هذا؟
      الهنوف:ما عليه عقبال ما أنشوفك متزوج ونرقص بعرسك
      سعود:وعقبالك وأشوف المختل إلي بيتزوجك أكيد مثلك مب صاحي
      فاتن:ساعة تكلمي أبوك..تعالي شوفي الإكسسوارات للفستان
      الهنوف:أخيرا أول مالك نفس ..خير اتصل القلب؟
      فاتن:أحسن لما زعل الحمد لله انفكيت منه..يلا عن الهذرة الزايدة
      بدر دز مسج لفاتن:"أسف لأني عصبت البارحة،سامحيني"
      فاتن:أسف لأني عصبت البارحة سامحيني،يا ربي متى افتك منه عبالي زعل وخلاص انتهينا
      الهنوف تغمز لفاطمة:مسكين بدر
      بدر: أحلى خبر سمعته اليوم...فاتن تحبني ..تحبني..أشكرك يا رب
      العرس كان واو وروعة
      اليوم التالي
      أم سعود:فاتن..فاتن
      فاتن:نعم الوالدة
      أم سعود:تعالي يمه...خبرني سعود عن انك بتشتركي بمسابقة للغناء..وإذا هذا طموحك أنا موافقة والله يوفقك
      فاتن:مشكورة الوالدة
      فاتن فرحانة والفرحة مب سايعتها اتصلت ببدر:السلام عليكم
      بدر مستغرب أول مرة تتصل فيه بس فرح:وعليكم السلام ..هلا فاتن
      فاتن:ما راح تصدق ..اليوم أمي قالت أنها موافقة على اشتراكي بمسابقة الغناء..أنا فرحانة فرحانة
      بدر:مبروك وعقبال ما تشاركي وتفوزي بلقب نجمة المسابقة
      فاتن: الله يبارك فيك
      بدر:بعدك زعلانة مني على ذاك اليوم؟
      فاتن اهدات:اسفة لأني عصبت عليك وسكرت الموبايل بويهك
      بدر:دائما اسفك مقبول وموضع ترحاب بقلبي
      فاتن توترت:ايش إلي خلاني اتصل فيك ؟
      بدر:حبيتي تشاركيني فرحك لأني أول من جاء على بالك..يعني بديتي تحبيني؟
      فاتن:يلا باي ..غلطت لما اتصلت
      بدر فرحان وايد:باي...الحمد لك يا رب يا ربي قد ايش الحب حلو..ااااه
      انتهى الفصل الأول وابتداء الفصل الثاني أي الكورس الثاني بالكلية بدا بدر الدوام وانتقل للسكن قبال بيت فاتن والاتصالات ما أوقفت بينهم
      موبايل فاتن يرن وفاتن بالحمام
      فاتن:فاطمة ردي على الاتصال
      كان سعود بالغرفة مب فاطمة وكانت رسالة:"صباح الخير قلبي،اليوم ما لي نفس أروح الكلية بس لأني وعدتك ما أخذلك رحت""المليق" من هذا المليق؟
      سعود علشان ما تشك فاتن سوالها رنه
      فاتن:فاطمة محد..أكيد راحت الدوام....يا ربي هذا سعود متصل
      سعود:يلا فاتن ما خلصتي
      فاتن:الحين بجي
      فاتن كانت رايحة المستشفى
      بدر:السلام عليكم...قريتي المسج إلي طرشته الصبح
      فاتن:أي مسج هذا ..هذا..ليش كنت تعبان؟
      بدر:لا بس ما لي نفس ..ها متى بتروحي المسابقة؟
      فاتن:يوم الخميس إنشاء الله بيشلني سعود ويمكن تروح معي الهنوف وفاطمة
      بدر:زين..بالتوفيق أنا بنتظر تمسجي لي لما تخلصي طمنيني
      يوم المسابقة
      راحت فان معها الهنوف وفاطمة وأخذهن سعود وهناك كان موجود بدر عملها مفاجأة لفاتن
      بدر:"أنا جيت علشان أساندك وأعطيك قوة واثبت لك انه كل إلي يحبوك معك لا تخذلينا"
      فاتن ابتسمت:"مشكور وإنشاء الله مب خاذلتكم"
      دخلت فاتن المسابقة وأدت حلو واقبلوها وهم راجعين بالطريق كان بدر وراءهم وكان يسرع وايد ويتجاوز
      فاتن:"بدر خفف سرعتك وما له داعي تتجاوز بتوصل بس هدي شوي"
      بدر ما مداله يقراء المسج إلا وسيارة قدامه وصار بموقف لا يحسد عليه
      سعود:بسم الله الرحمن الرحيم هذه أخرت السرعة
      الهنوف عرفت انه بدر:لاااااا...بسم الله
      فاطمة ما قدرت تشوف المنظر حطت يدها على رأسها وقبلت الصوب الثاني
      فاتن صرخت و انصدمت:لاااااااا(وجلست تبكي منهارة )
      لما وصلوا البيت كانت فاتن والبنات منصدمات
      أم سعود:خير ايش صار؟
      سعود:فاتن قبلوها...بس شافن حادث صار قدامهن
      فاتن تبكي ومنصدمة لا يكون مات:كان بدر..الهنوف كان بدر..يا ربي..مات مات
      الهنوف تبكي وتهديها:فاتن إنشاء الله بيعيش لا تخافي
      فاطمة:إلي بالسيارة كان بدر..بدر ما غيره
      لما رجع مؤيد من المدرسة عرف من ربع بدر بالسكن انه عمل حادث بس عايش
      أم سعود:خير ايش فيك اليوم ما طلعت من البيت؟
      مؤيد مصدوم:ها..واحد من الربع صار له حادث اليوم وحالته خطيرة وايد بين الحياة والموت
      سعود:من ربيعك ذاك مدري شاسمه ..إلي عنده(.....)تاكسي
      مؤيد:بدر ايوه هو
      سعود:اليوم شفناه الحادث والله إلي يشوف الحادث يقول مب عايش هذا أخر يوم بعمره
      فاطمة سمعت السالفة وراحت أتخبر فاتن:فاتن يقولوا انه عايش وبيصير بخير إنشاء الله
      فاتن تبكي:صدق صدق فاطمة والله حرام يصير فيه هالشئ
      فاطمة:مقدر ومكتوب..يلا قومي غسلي واكلي شئ عالاقل أنتي مقبولة بالمسابقة
      فاتن بدون نفس:إنشاء الله
      كانت فاتن كل يوم ادز مسج لبدر أو تتصل فيه بس يتعذر وكانت تتوتر وتخاف أكثر عليه
      الهنوف:ها شخبار فاتن؟ وبدر ما في أي أخبار عنه؟
      فاطمة:هذه فاتن تحاول تبين إنها مب مهتمة بس هي حزينة وقليل ما تأكل
      الهنوف:بشوفها...فاتن شخبارك؟..هالايام قليل ما نروح السوق ايش رأيك نروح اليوم؟
      فاتن:مالي نفس اطلع من البيت خلي فاطمة تروح عندك
      الهنوف:أي فاطمة تعرفي إنها ما عندها ذوق..وبعدين نحنا بنروح نشتري ثياب وحاجيات لك للمسابقة يعني نأخذ مقاس فطيم
      فاطمة:يلا امشي منها تشتري أغراضك ومنها ترفيه عن النفس..ولا خايفة يطلع الكن واحد مليق مثل بدر........
      فاتن تغير لون ويها:أنا بروح البس عباءتي
      الهنوف:تعالي مب الحين بنروح خليها المغرب....ايش سويتي.....؟
      فاطمة:والله ما كان قصدي...يلا أنشوفها
      الهنوف:ها خلاص بتمشي...المغرب إنشاء الله بنروح
      فاتن:هذه مسجات دزيتها لبدر واتصالات بس يتعذر
      الهنوف:عدى ثلاثة شهور وأنتي لا زلتي ادزيله مسجات...ايش هالحب الكبير؟
      فاطمة:وتقول ما أحبه أصلا هو مليق وتافه
      فاتن توترت:أصلا هو صديق ومثل اخوي عادي
      سعود كان عند الباب يسمع:السلام عليكم بنات
      فاطمة:وعليكم السلام الحين واصل؟
      سعود:الحين وصلت...شالخبار ها فتون مستعدة للمسابقة ما باقي شئ شهر بس
      الهنوف:سعود ويا ويهك شخبارك؟
      سعود:هذه أنتي هنيه جالسة تعلمي فتون عالتاقلم مع المشتركين
      الهنوف:مب كل المشتركين بس الشباب يبيلهم قطع نسم من الأول
      سعود:وأنتي أولهم ..ها فاتن جاهزة..شكلك يقول متوترة؟
      فاتن:إنشاء الله خير
      سعود:اخذي عندك هنوف وبيروح التوتر والخوف كله
      الهنوف:لا مستحيل إذا طلعت أنا بالتلفزيون بخبل الناس بجمالي قبل صوتي وبتحترق الكمبيوترات من التصويت لي
      سعود:أنا تعبان وأنتي وحده مصدقة نفسها ..إلا قولي زين يوم بيجيك صوت واحد عن ما تزعلي
      الهنوف:زين يا سعود بخبر افراح عن سوالفك الزمانيه
      سعود:ما تصدق أي كلام عني
      الهنوف:أنا بقنعها وبخليها ما توافق عليك
      سعود:ما في شئ ياثر عليها من ناحيتي
      فاطمة:ما اقدر أنا عالحب...يا عيني
      الهنوف:وهذه فرصة سعود يأخذنا السوق
      بالمستشفى حالة بدر تتحسن شوي شوي
      خولة:الحمد لله عالسلامة ما بقيت أتقوم من النوم
      بدر منصدم:ايش صار خبريني؟
      خولة توترت وخافت تصدمة فنادت ابوها والدكتور
      الدكتور:أنت ما بتذكر شئ عن الحادث
      بدر: الحادث ...اذكر بس ما توقعت أعيش
      الدكتور:ده انته شجاع باقه عالعموم انته تمام وحتقوم بسرعة
      بدر:بس دكتور ايش صار لي ؟ليش ما اقدر أتحرك
      الدكتور:ما تشيلش هم ده رضوض من الحادث ولا انته تمام انته شد الهمه وساعدنا بالعلاج...أخليك مع اهلك أكيد مشتاق لهم
      بدر مب مصدق انه عايش:وين خولة وأمي والأهل كلهم
      بو بدر:قوم أنت بالسلامة ولا تشيل هم كلنا عندك وبنساعدك
      أم بدر تبكي لأنها أم:ها بدر يمه قوم بالسلامة وتعافى وارجع البيت
      بدر بكى:الوالدة أنا بخير وبرجع البيت عن قريب إنشاء الله...وين خولة؟
      خولة متماسكة عن تبكي:ها بدر تقوم بالسلامة إنشاء الله..وترجع مثل قبل وأحسن
      بدر:إنشاء الله ..لا تقطعوا زوروني
      بدر تحسن من يوم إلى يوم بس لما عرف انه ما راح يقدر يمشي مرة ثانية كانت صدمة كبيرة عليه
      مؤيد كان في فترة الامتحانات النهائية وكانت فاتن مشغولة معاه بس هذا ما أنساها بدر وحالته الي ما أتعرف كيف صايره
      مؤيد:اوووه..أخيرا باكر أخر امتحان وبستريح من الامتحانات وويه فاتن
      فاتن:احمد ربك إني أذاكر لك ولا أنت راسب هالسنة
      فاطمة:وهي صادقة...إذا مب فتون أنت بتعيد الثانوية عشر مرات وزين لما تتخرج من العاشرة كان ما تكمل
      لولوة:الحمد لله أنا أذاكر بدون لا يذاكروا لي اشطر عن غيري
      مؤيد:سكتي..سكتي اشطر مني زين يا لوله إذا ما جبت أنا نسبة في التسعينات وبتشوفي
      فاتن:زين ادرس علشان تجيب التسعين
      فاطمة:في التسعين لكن مب تسعين،مؤيد إلا شخبار صديقك بدر؟
      مؤيد:أنتي من وين تعرفي صديقي بدر؟
      فاطمة ارتبكت:محد فالبيت ما يعرف انك كنت تمشي معاه
      فاتن لون ويها تغير وتسارعت دقات قلبها
      مؤيد:يقولوا انه تحسن شوي بس فيه كسر بريله ويحتاجله وقت ليتحرك
      فاتن:يعني بيضيع عليه هالسنة كلها
      مؤيد:انا لما اخلص الامتحانات بفكر أروح له
      فاتن راحت الغرفة تبكي ولحقتها فاطمة
      فاطمة:اهدي فاتن إنشاء الله يكون بخير وما فيه شي
      فاتن:ليش ما يرد لما اتصل فيه أو ادز له مسجات عدت ثلاثة أشهور وهو ما يرد وما باقي غير أسبوع وكم يوم وأروح عالمسابقة وأكيد هناك ما بقدر أتواصل معاه
      فاطمة:إنشاء الله عن قريب يرد عليك وقبل لا تروحي عالمسابقة تطمئني عليه
      سعود:السلام عليكم ها بالغرفة وين الوالدة ؟
      فاطمة:هلا سعود..الوالدة طالعة إما بيت جيرانها أو مع خالتي
      سعود:خير..ايش فيها فتون تصيح؟
      فاطمة:ما عندها شغله تحاتي المسابقة والبعاد
      سعود:ها..المسابقة إنشاء الله خير لما تروحي هناك بتتعودي عليهم وبتتاقلمي بسرعة
      فاتن:إنشاء الله
      بدر:خولة وين موبايلي؟
      خولة:ما اعرف اسأل الوالد عن أغراضك إلي كانت بالسيارة
      بدر:زين بخبرك شئ بس وعديني يكون سر بينا وتساعديني؟
      خولة:اطلب وأتمنى..خير إنشاء الله؟
      وافقوا على سعود وتحدد يوم الزواج
      الهنوف:افا يا سعود تخليت عني بس ما عليه أول ولد لك انا بتزوجه
      مؤيد:ما يتزوج عيايز
      الهنوف:انا الهنوف يقول عني عيوز بزمانهم انا بكون أجمل وحده
      فاطمة:ليش صاحبة الجمال الذي لا يذهب ولا عمليات تجميل لمقاومة الشيخوخة
      أم الهنوف:يلا هنوف قومي وراءنا درب
      سعود:خالتي بوصلكن
      الهنوف:انا لو منك أتكلم مع القلب للصبح مخطوبين ولازم نتفاهم على لوازم العرس
      أم الهنوف:يلا بسك هواتة كل يوم من الصبح إلى الليل
      الهنوف:بسم الله عليه..الوالدة نسليها وما تشكر خلاص انا بروح عند الوالد
      أم الهنوف:بستريح منك ومن هواتك كل يوم...يلا مع السلامة
      الهنوف:باي..باي فاتن باكر غداءك عندي لا تنسي خالتي موافقة
      فاتن:يصير خير لباكر
      خولة:بهالسهولة بتتقبل الكلام ممكن تجرحها بهذا القرار
      بدر:مستحيل تنجرح أو تنصدم لأنها ما تحبني كان حب من طرف واحد وهي كانت كل يوم تطلب الفكه مني وهذه هي اليوم بتتحقق الها
      خولة:واذا طلعت تحبك أو كانت تحبك بتسيبها ؟
      بدر:علشان ما اظلمها معي أو اسبب لها هم فوق همها لازم اتركها
      خولة:اليوم لما بروح البيت بكلمها وأقولها قرارك...يلا مع السلامة
      فاطمة:أخيرا وافقت افراح..يعني نطلع منها انا وسالمة وما عدتم بحاجة إلنا
      سعود:لا انتن الخير والبركة صحيح افراح تسلم عليك قبل شوي كلمتها
      فاطمة:وأنا جيت وقطعت المكالمة اعذرني بستأذن
      سعود:لا خلصت من فترة
      فاتن:الو...نعم؟
      خولة:السلام عليكم فاتن..انا خولة أخت بدر ...بدر كلمني عنك
      فاتن ما عرفت تفرح ولا تبكي:أهلا أختي شخبار بدر الحين؟
      خولة:الحمد لله جالس يتحسن مع الأيام
      فاتن:الله يقومه بالسلامة..سلمي عليه
      خولة:يوصل إنشاء الله...أخت فاتن انا متصلة أوصلك كلام من بدر
      فاتن:خير إنشاء الله ؟
      خولة:بدر اليوم كلمني عنك وكيف تعرف عليك وانه حبك من كل قلبه وكان يتمنى تحبيه..عالعموم انا مب أمطولة عليك بدر قالي أخبرك تنسيه وتنسى كل إلي صار بينكم إن كان حلو بالنسبة له أو مر بالنسبة لك هو سعيد بمعرفتك وعمره ما راح ينساك بس الظروف أحكمت عليه هذا الوضع والله يوفقك مع الإنسان إلي بتحبيه وتكوني سعيدة معاه ويقول أخيرا بتنفكي منه
      فاتن بكت:انا بنفك منه..ليش هو ما كلمني وخبرني بهالشئ بنفسه؟
      خولة:موبايله تكنسل بالسيارة..وعذريني بس انا أخته ما لقى غيري قدامه يطلب منها هالطلب
      فاتن تبكى:ممكن اكلمه لو سمحتي ضروري؟
      خولة:هو رافض يكلمك فما اقدر أصر عليه
      فاتن:زين ممكن اسمع صوته بس علشان أتطمئن حتى لو بدون لا يعرف أو ما أتكلم أنتي تكلمي وأنا بسمع أرجوك؟
      خولة:بشوف إذا قدرت والحين سمحيلي مع السلامة
      فاتن:سلمي عليه لا تنسي..مع السلامة
      فاطمة:خير فاتن ليش البكي بعد؟
      فاتن:أخت بدر كلمتني تقولي يقولك بدر انسينه
      فاطمة بعبرة على حال فاتن:يعني انفكيتي منه
      اليوم التالي
      فاتن راحت عند الهنوف معزومة عالغداء
      الهنوف:بهذه السهولة تنسيه ليش؟
      فاتن:ما عطاني سبب مقنع
      الهنوف:للأسف بدر صدمني بعد كل ذاك الحب يتخلى بسهولة وبعد ما حبيتيه تركك
      فاتن:كان بمثابة الصديق والأخ و...
      الهنوف:والحبيب..وهذا شئ ما اعترفتي به له بس كلنا حسيناه منك
      فاتن:وهذا الشئ إلي خفت منه أحبه ويطلع مثل باقي الشباب ويتركني..وهذا إلي صار
      الهنوف:لا تشيلي هم انا متأكدة انه بدر يحبك لكن وضعه الحالي أكيد فيه شئ وخايف يظلمك معه..وأخته بتخليك تكلميه؟
      فاتن:قالت ما اقدر أوعدك بشئ
      الهنوف:كلميها الحين وشوفيها إذا تقدر
      فاتن:السلام عليكم انا فاتن
      خولة:هلا فاتن كيفك اليوم؟
      فاتن:الحمد لله ها رحتي لبدر؟
      خولة:العصر أنروح له..أنتي تحبي بدر؟
      فاتن بكت:ما اعرف بس أرجوك لازم اكلمه أو اسمع صوته
      الهنوف:الو أخت....
      خولة:خولة
      الهنوف:خولة انا ااكد لك انه فاتن تحب بدر بس أرجوك خليها أتكلمه أو تطمئن عليه
      خولة:انا تعاطفت معاها وايد ومن كلام بدر عنها حبيتها وإنشاء الله بحاول بس خليها تهدئ شوي
      الهنوف:لو كنتي بوضعها أكيد بتكوني بنفس حالتها بس إلي اطلبه منك أرجوك تحاولي معاه أرجوك
      خولة:اليوم بروح له وإنشاء الله خير
      العصر
      فاتن تنتظر اللحظة
      الهنوف:ها ما اتصلت ولا دزت مسج؟
      فاتن:لا..يمكن ما أقدرت
      خولة:السلام عليكم..بدر كلمت فاتن وانهارت جدا بس طلبت إنها تكلمك أو تسمع صوتك
      بدر تأثر وايد:انهارت يمكن الحين أفضل من بعدين لما تعرف حقيقة وضعي...وبعدين انا ما اقدر اكلمها مستحيل
      خولة:أرجوك بدر إذا ما تبي تكلمها عالاقل تسمع صوتك واطمنها عليك أرجوك
      بدر:يعني هي بتكلمني ولا كيف بالضبط؟
      خولة:انا بسالك عن حالك وأنت بترد وهي بتسمعك للمرة الأخيرة عالاقل
      فاتن:هذا هي تتصل..يا رب...الو
      خولة حطته ميكرفون:شخبارك؟
      بدر كان يسمع المحادثة
      فاتن بلهفة:الحمد لله ها وافق يكلمني
      خولة:للأسف بس بتسمعي صوته وأنا أساله عن حاله
      فاتن بكت:اوكي
      خولة:شخبارك بدر؟
      بدر بغصة:الحمد لله انا بخير
      الهنوف:فاتن أهدئ شوي
      فاتن تبكى:ليش..ليش انا ليش؟
      خولة:كيف معنوياتك بعد الحادث؟
      كانت فاتن حاطه ميكرفون وكان بدر يسمعها وهي تبكي والهنوف تهديها وما تمالك نفسه وجاته عبرة
      بدر:الحمد لله معنوياتي تمام بوجود الأهل جنبي
      الهنوف:الو أخت خولة..لو سمحتي بكلم بدر
      خولة:بس بدر ما يرضى
      الهنوف:زين وصليله هالكلام...بدر الحمد لله على سلامتك وتقوم بسرعة يا رب كل الكلام إلي قلته لي عن حبك لفاتن طلع كلام لأنه إلي يحب ما يتخلى بهالسهولة مع العلم انك تعرف انه فاتن تحبك وأنا قلتها لك بس للأسف كل كلامك طلع مثل شباب هالايام كذب في كذب خليتها تحبك ومن ثما تخليت وتركتها بأحزانها
      بدر:تعتقدي إني ما أحبها يالهنوف بس وضعي ما يسمح لي اظلمها معي عذريني فاتن قلبي ومستحيل أعذبها معي أو أزود همها وهي تعرف هالشئ
      فاتن تفاجات وظلت تبكي
      الهنوف:بس أنت زودت همها وأحزانها أكثر وأكثر واسمحلي مع السلامة ما اقدر أشوف أختي تتعذب
      بدر بكى:والله والله إني أحبها..أحبها بس انا بصير مقعد طوال حياتي ومستحيل أزود همها أكثر
      خولة دمعت عينها:وهي بعد تحبك من البارحة وهي تبكي لا يصير فيها شئ
      بدر:انا السبب لو صار الها شئ بس تتعذب اليوم وما تتعذب عمرها كله مع واحد مثلي
      الهنوف:فاتن لازم تنسي بدر لأنه ما يستاهلك بدر تخلى عنك اليوم وهو يعرف انك تحبيه علشان وضعه أي وضع هذا
      فاتن:أنسى بهالسهولة
      الهنوف:لازم تنسي وراءك مسابقة ولازم تثبتي فيها انك تستاهلي انك وصلتي لا تضيعي الفرصة من إيدك
      فاتن:اثبت نفسي واني استأهل وبهذه المعنويات
      خلص مؤيد الامتحانات وكان أمقرر يزور بدر
      فاطمة:بتزور بدر صديقك؟
      مؤيد:إنشاء الله
      فاتن حالتها أسوا من قبل وكل يوم تتعذب ومحد حاس فيها غير بدر إلي تخلى عنها لأنه عايش بنفس الحالة إلي هي فيها
      الدكتور:هالايام راح نبدأ معاك العمليات إلي محتاج الها ونتمنى تتعدل وتكون تمام بعدها ومع الوقت
      بدر يبي يبرهن انه مب متأثر:أكيد دكتور انا مستعد وفأي وقت
      أم بدر:الله يقومك بالسلامة وترجع البيت
      بوبدر:قالت لي خولة انك سالت عن أغراضك بالسيارة الموبايل وبطايقك كلها تمام بس السيارة تكنسلت والله يعوضك وإنشاء الله العصر أجيبهم لك
      بدر:مشكور الوالد تعبتك معي
      أم بدر:ولدنا وتعبك راحة...المهم تقوم بالسلامة
      بدر:إنشاء الله خير
      لولوة:بعد يومين بتطلع نتائجنا يا رب ناجحة
      فاطمة:أنتي ناجحة مليون بالمائة وبتقدير ممتاز بس الخوف عالاخ ...إلي دائما تعبان من الدراسة
      مؤيد:انا طالع مع الربع مب ناقص عوار راس بعد الامتحانات كافي إلي ياء منها
      فاتن بالغرفة ما تطلع منها إلا قليل جدا واذا جلست مع إخوانها كانت شاردة وتفكر
      سعود:ايش فيها فاتن ما تجلس معنا ؟
      فاطمة:تفكر بالمسابقة وأنها بتبتعد عنا تعرف الفراق
      سعود كان بنفسه يسألها عن سالفة المليق إلي بحياة فاتن:إنشاء بتنجح وبتواصل حتى لو ما وصلت بالمسابقة
      فاطمة:يسمع منك ربنا..شخبار افراح هالايام ما في كلام عنها؟
      سعود:الحمد لله دائما تسلم عليكم
      فاطمة:يا حليلها ..الله يسلمك ويسلمها
      خولة:اليوم ما في ملل عندك موبايلك واجلس كلم ربعك للصبح
      بدر:كنت أتمنى ما اكلم ربعي وبس كنت أتمنى اكلمها هي بعد
      خولة:أنساها ولا تعذب نفسك
      بدر:المهم..هذا أفضل الها واليوم بكلم عمر والربع مشتاق لهم
      خولة:زين يلا مع السلامة
      بدر:مع السلامة
      بدر لما فتح تلفونه لقى اتصالات شئ من ربعه وكثرها من فاتن ومسجات كثيرة وجلس يقراها وأولها مسج خفف السرعة:ااه يا فاتن كان قلبك عليّ وكل يوم مسج واتصال..يارب صبرني وأكون سويت الشئ الصح علشان ما أعذبها معي
      فاتن تفكر طوال الليل ببدر والحالة إلي وصلها الها هالحب
      بدر يبكى مع كل رسالة يفتحها من فاتن:والله لا زلت احبك بس وضعي اكبر مني ومنك
      مؤيد وصله اتصال من بدر وفرح بيه :إنشاء الله بهاليومين أمقرر أزورك
      سعود:من هذا بدر؟
      مؤيد:المسكين متصل يسلم
      سعود:وين فاطمة وفاتن تأخرن..بقوم أشوفهن
      فاطمة:فاتن إذا كل يوم بتبكي عليه ترى هو ما يستاهل هالحب وانك تعذبي نفسك عليه
      فاتن تبكي:مب بأيدي هالشئ..وصعب أنسى بيومين شئ حصل بشهور
      فاطمة:إذا هو قدر يتخلى بيوم ولحظة وما اهتم يسألك عن حالك واذا سمعتي الخبر عن الحادث وكيف شعورك فما اعتقد انه فاهم معنى الحب
      فاتن:إذا هو قدر ينسى ويتخلى لأنه صارحني بحبه وعرف أني ما أحبه بس انا ما صارحته وكتمت بقلبي وأنا الحين أتعذب أكثر منه
      فاطمة:كان همك عادات وتقاليد وانك ما اطلعي عن مسار الأدب إلي تربينا عليه والي عرفناه.....
      سعود سمع كل الحديث:فاطمة..فاتن..يلا تأخرتن
      فاطمة:قومي غسلي ويهك ويلا أنروح كافي حزن على إنسان تخلى ....نحنا مخلصين والحين بنطلع
      سعود:الحادث وتخلى عنها من هذا المليق إلي تخلى عن فاتن وهو يحبها...لا يكون......
      فاطمة:يلا نحنا خلصنا
      بالسيارة بعد ما مروا على الهنوف
      سعود:سمعتي بالخبر عن صاحب مؤيد إلي سوى ذاك الحادث..اليوم كلمه وطمنه عن حاله
      الهنوف بنفس:الله يعينه على بلواه
      وبعد فاطمة:بقى هالشئ لنفسه وزودها عليه..محد ضربه على ايده وقاله أسرع وبعدها يتحسفوا
      الكل أبدا رأيه عدا فاتن وسعود لاحظ هالشئ وشك يمكن يكون هو المليق
      راحن بيت افراح وعند الرجعة
      الهنوف:انا خبرت افراح عن كل سوالفك لما كنت صغير وحتى لما كبرت وانصدمت فيك وايد
      فاطمة:ايش قايل للبنت عنك انصدمت لما سمعت كلام هنوف عنك والأخت ما خلت لا خضر ولا يابس ما قالته
      سعود:ليش ايش قالت أم ألسانين عني؟
      الهنوف:فاطمة لا تخبري خليه يسمع منها السوالف
      سعود:زين فتون بتخبرني..ايش قالت لأفراح عني ها فاتن؟
      فاتن كانت بوادي ثاني ومع ناس ثانيين
      الهنوف:اعرفها مب متكلمة ولا احد منا بيتكلم غير لما تشتري إلنا عصير على حسابك وتعزمنا باكر على بيتزا وأنا بخبرك بكل السالفة
      سعود:انا بسال افراح اليوم وهي مب بتخبئ السالفة عني أصلا هي تقولي كل شئ
      الهنوف:أكيد تقولك كل شئ بس هالسالفة بتخيل أتقولها لك حتى لو اصريت عليها..فكر ورد علينا باكر
      سعود مستغرب حالة فاتن والي هي فيه ومن هالشخص إلي تخلى عنها بعد الحادث إذا ما كان بدر
      نجحت لولوة وبتقدير ممتاز وغاظت مؤيد بنجاحها
      بعد يومين بتروح فاتن عالمسابقة
      فاطمة:كيف النفسية الحين ما باقي شئ غير يومين عن المسابقة
      فاتن:بحاول أغير شوي وأكون عالمستوى وإنشاء الله مب مخيبة ظنكم فيه
      أم سعود:الله يوفقك
      مريم:انا حاسه انك بتكوني الأولى عليهم وبترجعي بالجائزة
      الهنوف:يبالها واسطة ثم واسطة ثم دبليو علشان تكون الأولى
      هيثم:لا تشيلي هم انا بصوتلك ووصيت الشباب يصوتوا من اليوم
      فاطمة:بدا الترقيع من الحين
      فاتن شاردة الذهن وبعالم ثاني
      الهنوف:سمعي لا أوصيك على الشباب أدبيهم من أول يوم ولا تعطيهم فرصة للتواصل معك
      فاتن:يعني اقطع الحبل من أوله
      عدى اليوم لندخل بيوم أخر مشرق من أيام السنة
      خولة:السلام عليكم..شخبارك؟
      بدر:وعليكم السلام..الحمد لله..خولة اليوم كم التاريخ؟
      خولة:اليوم التاريخ على ما اعتقد.....تأكد من موبايك
      بدر:أوه صح...تصدقي انه فاتن كانت ادز لي مسجات كل يوم وتتصل بي
      خولة:صدق..الظاهر أنها.....كم وصلوا عدد المسجات؟
      بدر:وايد....تعرفي أنها مشتركة بمسابقة للغناء وتأهلت وبهاليومين بتروح
      خولة بعبرة:الله يوفقها....صوتها حلو
      بدر:ولا مرة سمعته بس تقول حلو حتى الهنوف تقول حلو
      خولة:متى العملية اليايه؟
      بدر:الدكتور قال بهاليومين
      مؤيد:سعود باكر ايش رأيك من بعد ما نودي فاتن نروح نشوف بدر على طريقنا
      سعود:بعد ما نودي فاتن ...يصير خير
      فاطمة:يلا نامي باكر عندك سفر
      فاتن:خايفة ومرتبكة من كل شئ
      فاطمة:لا تفكري ببدر خلاص حطيه على جنب بهالفترة وخلي بالك على المسابقة وثبتي نفسك
      فاتن:بدر.. يا رب المسابقة تنسيني إياه
      اليوم الثاني
      سعود:يلا فاتن بنروح الحين
      فاتن:يلا مع السلامة
      فاطمة بعبرة:الله يوفقك وتثبتي نفسك ويحبوك الناس
      الهنوف بكت:كل يوم اتصلي بي انا وبس وبوصيك على الشباب زين
      أم سعود قوت حالها:يلا بنتي هلهله بعمرك ورفعي رأسنا فوق مثل عادتك
      فاتن باسة راس وايد أمها وطبعا بكت:إنشاء الله الوالدة...يلا مع السلامة ادعولي
      مؤيد:يلا لا نتأخر
      بالطريق
      سعود:ايش رأيك بالأول أنمر على صديقك بدر وبعدها نروح المطار لا نتأخر على مواعيد الزيارة
      فاتن من سمعت السالفة ارتبكت:لا اتاخر على الطائرة تعرف لازم بالضبط أكون بالمطار
      مؤيد:لا لازم انوديها قبل بعدين نمر عليه
      سعود عينه على فاتن:خلاص بالأول انوديها وبعدين نروح له
      فاتن تنهدت تنهيدة كبيرة:سلم عليه إذا رحتوا...."انا اليوم رايحة عالمسابقة وما راح أخذلكم بس أنت خذلتني...."
      بدر:اليوم رايحة....
      بو بدر:خير دكتور كيف وضعه الحين؟
      الدكتور:الحمد لله جالس يتجاوب للعلاج بصورة زينة وإنشاء الله يمكن يخرج بعد شهر او كم أسبوع إذا كمل على نفس المستوى
      بو بدر:إنشاء الله
      الهنوف:اليوم البيت فراق وحزين بدون فاتن والله اشتقت لها من الحين
      فاطمة:بعدين كل يوم بتشوفيها عالتلفزيون
      الهنوف:يا رب توصل لمرحلة متقدمة من المسابقة
      بدر:أهلا مؤيد..شخبارك؟
      مؤيد:الحمد لله
      سعود:كيفك بدر؟
      بدر:الحمد لله...شخبار الربع قالوا بيمروا وحسبتك بتي عندهم ؟
      مؤيد:ما خبروني بالموضوع
      سعود يبي يشوف ردة فعل بدر:نحنا كنا مأخذين اختنا المطار مشاركة بمسابقة للغناء وقال مؤيد بيمر عليك
      بدر ارتبك شوي:الله يوفقها
      سعود حس بارتباك بدر:ويوفقك وتقوم بالسلامة
      مؤيد:ها كيفك ومتى تطلع؟
      بدر:كيفي على ما تشوف على هذه الحالة والصراحة الدكتور اليوم قالي يمكن اطلع بعد شهر
      سعود:ايش عندك بالضبط؟
      بدر:كسر بالرجلين.. ويمكن أكمل حياتي وأنا على هالحالة معاق
      سعود:إنشاء الله خير ولا تيأس من رحمة ربنا...نحنا صار لازم أنروح
      بدر:وين الحين واصلين
      مؤيد:مرة ثانية إذا حصلت الفرصة
      بدر:كيف نجحت؟
      مؤيد:النتائج بعد أسبوع والحمد لله فاتن راحت قبل لا تطلع
      سعود:يلا نحنا بنروح..صح تسلم عليك اختنا والله يعافيك
      بدر تفاجآ:الله يسلمها ويوفقها مع السلامة
      سعود:بدر يعرف فاتن؟
      مؤيد:لا..ليش تسال؟
      سعود:أنت تقوله الحمد لله انه فاتن راحت قبل النتائج توقعت يعرفها..مأخذ راحتك
      مؤيد:انا قلت اسم فاتن.ما انتبهت
      سعود:ما ألوم الأخ......
      فاتن وصلت وحاولت تتأقلم على قد ما تقدر بالمسابقة
      الهنوف:صار لك أسبوع كيف الجو عندك؟
      فاتن:الحمد لله تمام..صح سلمي على الأهل كلهم
      الهنوف:الله يسلمك...سلمي على المتسابقين كلهم
      فاتن:يوصل..طمنيني كيف مؤيد نجح؟
      الهنوف:بعد يومين تطلع وأول ما تطلع بخبرك على طول
      فاتن كملت ثلاثة أسابيع بالمسابقة وتحاول تتأقلم مع الكل طبعا البنات أكثر من الشباب بس ظهرت الها عقبة جديدة
      متسابق"نواف":كيف تاقلمتي على الجو ؟
      فاتن بخجل:الحمد لله..كلكم أخواني وتاقلمت معاكم بسرعة
      نواف:كلنا إخوانك ما يصير نحنا وايديين
      فاتن:الشعب العربي مب كلهم أخوان..عن إذنك
      نواف كان عقبة فاتن بالمسابقة كان يلاحقها من مكان إلى مكان
      متسابقة"رويدا":نواف صح إلي سمعته عنك و....؟
      نواف:عني ومن؟
      رويدا:عنك وفاتن صح
      نواف:من خبرك بالموضوع هي؟
      رويدا:طبعا لا..هي أخلاقها عالية وبعيدة عن هالسوالف
      نواف:أرجوك كلميها بالموضوع وعرفي رأيها فيني؟
      رويدا:ليش ما سألتها بنفسك كل وقتك عندها؟
      نواف:المصيبة أنها ما تتكلم معي عن شئ خارج عن الدروس إلي عندنا
      رويدا:ما اعتقد أنها تحبك او معجبة فيك كثر ما أنت معجب فيها
      نواف:حاولي معها عالاقل تحس بي
      رويدا:يا حبيب انته..ونحنا أنقول من وين لك كل هالاحساس لما تغني
      رويدا كلمت فاتن بالموضوع وارفضت طبعا لأنها يايه تغني وتتعلم الفن مب يايه تحب
      طال هالموضوع وقام الكل إلي بالمسابقة يتكلم عنه
      فاتن:يمكن هالاسبوع اطلع لأني ما قدمت زين
      فاطمة:إنشاء الله خير وبتظلي بالمسابقة
      الهنوف:لا تشيلي هم نحنا أنصوت لك كل يوم والناس تحبك وايد ووصلت لك هدايا من معجبين
      فاتن:إنشاء الله خير
      سعود موضوع فاتن شاغل باله وحاب يعرف الموضوع
      فاطمة:خير اليوم وين افراح عنك؟
      سعود:بعدين بتصل فيها...فطيم ايش فيها فاتن لما أشوفها بالتلفزيون كأنها تعبانه
      فاطمة:ما فيها شئ اليوم كلمتنا والحمد لله زينة بس خايفة من تطلع هالاسبوع
      سعود:نحنا بنصوت الها وإنشاء الله بتكمل
      فاطمة:حتى نحنا طمناها وشجعناها
      سعود:يمكن موضوع المليق "بدر"شاغلها؟
      فاطمة ارتبكت:ها ...من هذا المليق بدر متسابق عندهم؟
      سعود:فطيم أنتي تعرفي الموضوع وأنا سمعت بعض الكلام منه
      فاطمة متوترة:كيف عرفت؟
      سعود:كنت أسمعكن لما تتكلمن وخصوصا بعد الحادث والي صار لفاتن
      فاطمة:كانت مجرد صداقة عابرة
      سعود:صداقة تخلي فاتن كل يوم تبكي وحتى لما تركها بكت
      فاطمة:سعود انا بروح ارقد....
      سعود:فطيم لا تتهربي خبريني بالسالفة
      فاطمة جلست:تأكد انه فاتن عمرها ما سوت شئ بعيد عن الأدب والتقاليد هو إلي بدا معها..........................
      خولة:شفت فاتن كل يوم عن يوم تتألق والناس معجبة فيها
      بدر:سمعتي صوتها ..حلو وايد؟
      خولة:وايد حلو وتستاهل تبقى للنهائي
      بدر:كان نفسي أشوفها واسمع صوتها
      خولة:اطلب من المستشفى أتوفر لك تلفزيون بالغرفة
      بدر:صعب يدخلوا تلفزيون...بس هلهله فيها صوتي الها
      خولة:أكيد ما يحتاج توصي أصلا انا معجبة فيها وبأخلاقها بالمسابقة بنت محافظة وعلى العادات والتقاليد
      بدر:كانت دائما محافظة ومأدبة جدا جدا
      بالمسابقة
      فاتن:أرجوك أخ نواف انا هنيه علشان الغناء وبس وحتى لو طلعت عن هذا الرتم صدقني آسفة بس قلبي سادته بالوقت الحالي
      نواف:يعني تحبي احد؟
      فاتن:مش بالضرورة أحب احد علشان أسده..بس مخليه الحب على صوب وعيوني وبالي مع إلي انا فيه
      نواف:سوري إذا أزعجتك
      رويدا:ترى نواف يستاهل ويحبك من كل قلبه هو قالي
      فاتن:رويدا..أنتي من بين البنات إلي قريبة مني بالمسابقة فأرجوك لا تفتحي هالسيرة مرة ثانية معي ولا انا مضطرة اخبر المشرف
      رويدا:خلاص ما راح افتح هالموضوع مرة ثانية
      فاتن بكت:أرجوك لا تزعلي مني بس كنت ناسيه وما اقدر أتذكر
      رويدا:هدي فاتن فتونة خلاص انا آسفة وبكلم نواف يغض النظر
      فاتن كانت كاتمة مشاعرها بالبرنامج بس هالموقف زود الهم وفتح الجروح
      الهنوف تتجهز لتابع فيلم رعب
      مؤيد:هنوف جالسة وحدها خير؟
      الهنوف:جالسة وحدي كل يوم...اليوم عندنا
      مؤيد:اليوم بنام عندكم ...وين هيثم؟
      الهنوف:شوفه بغرفته
      مؤيد:ايش اطالعي؟
      الهنوف:فيلم رعب وايد حلو
      مؤيد:زين خليه يطلع لك....بنام عندك بس لا تخلي النا مباراة
      هيثم:عندك الجهاز انا بتسبح
      مؤيد:ايش أطالع...ايش؟
      بنص الليل
      الفيلم ما خلص كانت الهنوف أطالعة وهي خايفة ومندمجة
      هيثم:غير عن هذا الفيلم مب حلو وايد
      مؤيد:بايخ وما يخوف....تعال ايش رأيك نسوي مقلب بالهنوف؟
      هيثم:مقلب الحين تلقاها راقدة
      مؤيد:قبل شوي شفتها أطالع نفس الفيلم
      هيثم:نمشي أنخوفها ..هذه بنت جن ما تخاف تخوف
      مؤيد:لا..بنتصل فيها...وأنت البس شئ اسود وامسك شئ مثل السكين وحركات صوت
      هيثم:ومن بيكلمها بالموبايل؟
      مؤيد:تلفون البيت..خالتي عندها بغرفتها تلفون؟
      هيثم:لحظة..بطلع التلفون إلي عندي..الوالدة ما عندها بغرفتها بس بالصالة
      مؤيد:علشان أتوب وما أتابع أفلام رعب
      هيثم:لحظة اشويه اطلع دشداشة سوداء ومصر اسود
      مؤيد:يلا اطلع برا.....
      الهنوف:من يتصل الحين...الو نعم؟
      مؤيد مغير صوته:تعرفي انا من؟
      الهنوف:واحد مليق ومتفيج؟
      مؤيد:لا تستهبلي..انا أشوفك جالسة اطالعي الفيلم إلي انا أحبه وأموت فيه
      الهنوف توترت:وخير إنشاء الله...
      مؤيد:إذا سكرتي بتصل على موبايلك واذا سكرتيه بتلقيني عندك بالبيت أقطعك شرائح
      هيثم يضحك
      الهنوف متوترة:الحين بتصل بالشرطة يتصرفوا معك
      مؤيد:ثلاث جرائم للحين والشرطة ما أقدرت تمسكني حابة تجربي ؟
      الهنوف:ايش أجرب....؟
      مؤيد:لحظات الموت وكيف اشرح الضحية..بتكوني أنتي الضحية الثالثة
      الهنوف:انا ما أخاف واذا فيك خير قرب
      مؤيد: طيب خليك عالخط ولا تسكري وطالعي عند الباب
      هيثم كان واقف وظلته باينه
      الهنوف خافت:بسم الله الرحمن الرحيم...كيف بمشي عند أمي
      مؤيد عايش الدور:أنكمل الفيلم مع بعض ولا أجي أشرحك واذوقك طعم الموت
      الهنوف:والله انا كنت رايحة أنام وبسكر التلفزيون
      مؤيد:أنتي بالبيت عندك أمك بس وأنا بخلص عليها قبلك نطريني لاتروحي مكان مفاتيح البيت عندي
      الهنوف خايفة:أمي بيقتل أمي..بتصل بمن فطيم ولا...صح هيثم بغرفته وعنده مؤيد بيمسكوه
      تتصل الهنوف فيهم وما يردوا وتحاول ومسويين طاف
      هيثم:ها هنوف ايش فيك؟
      الهنوف:هيثم قوم حرامي بالبيت وراح غرفة أمي بيقتلها
      هيثم يبي يضحك:الهنوف انا راقد..ومقومتني على تفاهة والله فاضية..انا مب فاضي للعبك الحين الصبح الصبح
      الهنوف بصوت واطئ:هيثم ..هيثم...سكر الموبايل كيف أسوي مؤيد ما يرد...بروح غرفته بدق الباب بس لا يشوفني
      مؤيد:على وين لا تتحركي بعدي ما خلصت من والدتك
      الهنوف:بمشي الحمام
      مؤيد يضحك:الحمام..ليش الحمام إذا كنتي الحين بتموتي ....يلا روحي......يلا هيثم بسرعة ادخل وغلق الباب
      هيثم:لا خليه مفتوح شويه..وأنا هنيه بنخش
      مؤيد:سكر الليت
      الهنوف مرعوبة:هيثم هيثم...هيثم قوم بسرعة حرامي بالبيت
      وطلع الها هيثم من وراءها وصرخت وضحكوا عليها مؤيد وهيثم
      الهنوف تبكي:والله بخبر أمي عليكم والله وبعد بخبر أبوي زين هيثم
      مؤيد:ليش اطالعي فيلم رعب إذا تخافي
      هيثم:لا بخبر الشرطة طالعة فيها الأخت
      مؤيد:يلا روحي كملي فيلمك
      الهنوف:مب رايحة..ودوني غرفتي بالأول ولا بنام عندكم
      طلعت نتائج مؤيد وكان جيد جدا ونسبة اتاهله يدخل كلية
      فاتن خبرت المشرف أنها ناويه تنسحب من المسابقة
      المشرف:ممكن اعرف السبب؟
      فاتن:الضغط النفسي إلي أعيشه مصعب علي التأقلم في البرنامج
      المشرف خبر المشتركين عسى يقنعوها تبقى
      الهنوف:ليش تنسحبي وأنتي واصلة لهذه المرحلة
      فاطمة:فاتن ما باقي شئ عن تخلص المسابقة صبري وحاولي توثقي بنفسك
      فاتن بكت:حاسه بالحمل ثقيل على كتفي وما اقدر أكمل وبعدين إلي يصير هنيه مزود الهم
      الهنوف:لا تقولي بدر والي صار لك معاه فبالك لليوم؟
      فاتن:ما اقدر أنسى وما قدرت أنسى...والوضع تاعبني وايد
      فاطمة:سمعيني الظاهر انه المكالمة بتخلص بس كوني قوية وثبتي لنفسك هالشئ
      الهنوف:وطلعي فاتن إلي أنعرفها
      رويدا:فاتن ليش البكاء بعد؟
      فاتن تبكي:تعبانة نفسي اطلع
      رويدا:يلا بالأصل نحنا طالعين الحين عندنا رحلة اليوم وإنشاء الله تكون البحر
      الهنوف:عمري ما شفت واحد مثل بدر حقير لهالدرجة
      فاطمة:خايفة يصير لفاتن شئ
      سعود:ها خير الوجوه معتفسة
      الهنوف:فاتن تقول أنها بتنسحب من المسابقة تعبت
      سعود:تنسحب ليش ما قالت السبب؟
      فاطمة:تقول الضغط وايد عليها
      سعود:تحملت كل هالفترة وما بقى شئ
      بالرحلة:المشتركين يحاولوا مع فاتن ما تنسحب من المسابقة وحتى المشرف حاول معاها والمدرسين
      نواف:رويدا أنتي قريبة منها حاولي أكثر معها والله ما تستاهل تطلع الحين من البرنامج
      رويدا:علشان صوتها ولا علشانك؟
      نواف:بالحالتين قنعيها تبقى واذا انا السبب بحاول ابتعد عنها قد ما اقدر
      رويدا:انا متأكدة فاتن فيها شئ ثاني غير هالموضوع
      نواف:تحب شخص ثاني مثلا.....من المسابقة؟
      رويدا:ما اعتقد من المسابقة
      نواف:ساليها يمكن تقولك عن الموضوع
      سعود جلس يفكر عن السبب ما لقى غير سالفة بدر وابتعاده عنها
      بدر:كيف فاتن هالايام؟
      خولة:سمعت أنها بتنسحب من البرنامج
      بدر:والسبب؟
      خولة:ما قالوا السبب وهي شكلها تعبانة ومهمومة وايد
      بدر توتر:تعبانة..يا رب يوفقها وتكمل
      سعود:انا بكلم بدر وبشوف سبب بعاده عنها
      فاطمة:لما كلمتها أخته قالت وضعه..أي وضع هذا ما شرح لها السبب
      سعود:وضعه..يمكن قصد وضعه الصحي لأنه أخر مرة زرناه فيها قال انه عنده كسر برجليه وبيصير معاق
      فاطمة انصدمت:والله..معاق
      سعود:إذا هذا السبب فاعتقد انه ما حب يعذبها معاه إذا تزوجها
      فاطمة:ليش ما شرح الها السبب كانت تفهمت الوضع
      سعود:ويمكن ما تتفهم وهذا الشئ ظاهر الحين عليها
      فاطمة:الله يعينها ويعينه على إعاقته...بس راح أتكون دائمة؟
      سعود:اعتقد..انا بكلمه وبعرف السبب أكثر منه
      فاطمة:جالس تثبت لي انك أخ فريد بهذا العالم
      سعود:نحنا عشنا الحب وحاسين بغيرنا
      رويدا:خبريني ايش فيك بصراحة؟
      فاتن:الضغط النفسي زايد عندي
      رويدا:تحبي احد من برا ومشتاقتله؟
      فاتن توترت:كان يلح عليي بحبه ولما حبيته خذلني
      رويدا:تركك علشان وحده ثانية ولا مل من الانتظار؟
      فاتن حكت كل شئ لرويدا عن الموضوع
      فاطمة:يلعن أبو الحب إلي يغربل بالناس ويتعبها
      رويدا:نيالك في حد يحبك وحد حبك بالبرنامج عقبالنا
      فاتن بكت:بس تخلى عني لما تأكدت أني أحبه
      رويدا:انا متأكدة إلي يحب ما يتخلى عن حبه بس في شئ غير بوضعه الصحي غير حياته وراح يغيرها ومب حاب يظلمك معاه بهالوضع....سمعي لما يكون عندك التلفون لتكلمي اهلك دزي له مسج"انا محتاجتلك"إذا رد فهو يحبك واذا ما رد فترى وضعه اكبر منه..
      فاتن:ما اقدر ادز له مسج واكتب فيه هالشئ
      رويدا:أخلاقك اكبر من حبك...زين أنتي شفتيه بعد الحادث؟
      فاتن:لا كان بالمستشفى بس أخواني راحوا يشوفوه بنفس اليوم إلي جيت فيه هنيه
      رويدا:سالي إخوانك عن وضعه او أختك تسألهم كسؤال عادي تطمئن عليه
      فاتن:بشوف إذا قدرت
      اليوم التالي
      سعود:السلام عليم
      بدر:وعليكم السلام آهلا من معي
      سعود:سعود اخو فاتن ومؤيد
      بدر ارتبك:سعود هلا شخبارك؟
      سعود:الحمد لله...كيف حالتك الحين؟
      بدر:الحمد لله تتحسن شوي شوي
      سعود:إذا صحتك تتحسن ليش تركت فاتن وبررته بوضعك؟
      بدر مستغرب:فاتن خبرتك بالموضوع؟
      سعود:ما تخبي عني شئ...ليش تركتها ولا كنت تلعب عليها؟
      بدر:والله العظيم يا أخ سعود أني كنت صادق معها بكل كلمة قلتها ولليوم بس أنت تعرف وضعي
      سعود:كونك بتصبح معاق يبرر شئ من إلي سويته فيها
      بدر:أهون علي أتعذب لحالي وما أعذبها معي الوضع صعب ويحتاج وايد تعب ومستحيل أتعبها معي
      سعود:بس فاتن جالسة تتعذب كل يوم بالبرنامج ومقررة تنسحب
      بدر:أقنعها تنساني قولها أي شئ يشوه صورتي قدامها انا راضي بس لا تتعذب علشاني
      سعود:إلي يحب يتعذب لو مهما سمع من كلام عن إلي يحبه
      بدر:وهذا الشئ معذبني والله لو بيدي طلبتها من اليوم بس وضعي مصعب هالشئ
      سعود:فاتن تحبك وايد ونحنا خايفين يصير لها شئ بالبرنامج
      بدر:أرجوك سعود لا تحسسني بالذنب بالي فيها كافي إلي انا فيه واني ما اقدر اكلمها ولا أتواصل معاها علشان ما اظلمها
      سعود:انا أسف بس فاتن شافت الحادث لما صار ومن يومها هي حالتها متغيرة وزودت انته همها أكثر وأكثر ويا خوفي نخسرها بسهولة
      بدر بكى:أرجوك لا تعذبني وتخوفني عليها أرجوك خليها تنساني حاول تقنعها او خبرها عن وضعي يمكن تفكر وتنسى
      سعود:أرجوك هدي نفسك
      بدر:وغلات فاتن عندك حاول معها تنساني وتشوف نفسها وحياتها
      سعود:فاتن غالية وايد بس إذا نستك ما راح تتعذب أنت أكثر منها
      بدر:أهون عندي أموت ولا أشوفها تذبل كل يوم بسبتي....بتحاول معها
      سعود:بشوف ايش اقدر أسوي ...مع السلامة
      بدر:مع السلامة....يا رب تمنيت هالفرصة من زمان واليوم لما حبتني ما قدرت افرح...ليش يا رب..ليش..رحمتك
      سعود:يا رب قومه بالسلامة واشفيه من سقمه وريح بال أختي فاتن من عذابها..يا رب
      بالمسابقة
      المشرف:نحنا ما قدرنا نوافق عالانسحاب،لذلك قررنا تطلعي مكان واحد من المشتركين لما تطلع نتائج اليوم
      فاتن:إنشاء الله وصدقني بفتقد الكم وايد كنتوا مثل الأهل بالنسبة لي
      المشرف:ونحنا كسبنا أخت مثلك بأخلاقها وهدوئها
      الهنوف:الله يعينها جالسة تستحمل كل هذا
      فاطمة:لو عرفنا من البداية انه بيصير معاق..يمكن ما كان وصلت حالة فاتن لهذه الدرجة
      الهنوف:ويمكن زادت أكثر من يعرف
      المستشفى
      الدكتور:بخلال هالفترة بتطلع من عندنا وبتروح البيت نحنا عملنا كل ما بوسعنا من عمليات حتى ما يتأثر العمود الفقري بالإصابة والحمد لله للحين ما ظهر أي انعكاس بحالتك
      بدر:مشكور دكتور ما قصرت
      الدكتور:هذا واجبنا والحمد لله أنت كنت سريع بالتأقلم مع الإصابة وساعدتنا بالعلاج
      بدر:الحمد لله
      خولة:السلام عليكم شالخبار اليوم؟
      بدر:تمام والحمد لله...اليوم أنتي فرحانه؟
      خولة:عرفت انه بيطلعوك من المستشفى أخيرا وبترجع أتنور البيت
      بدر:ها يعني بس هذا الخبر...خبريني عن فاتن كيفها؟
      خولة:أنت متناقض بالأول بتنساها وأنت كل يوم تسال عنها..شو هالحب؟
      بدر:والله مب بيدي وصدقيني كل ما جيت أنساها ترددت ألف مرة
      خولة:يا عيني عالحب...زين اسمع واحكم بنفسك
      بدر:ايش اسمع....صوت فاتن...
      خولة:صوتها حلو وهي حلوة وأخلاقها حلوة وكلها على بعضها حلوة
      بدر بكى لما سمع صوتها:والله العظيم احبك يا فاتن بس إعاقتي ما لها حل
      خولة متحسرة على حال أخوها:يا رب يوفقها ويقومك بالسلامة
      بدر:دزيلي إياها علشان اسمعها كل يوم وتعطيني الأمل بحياتي وأحس أنها جنبي
      خولة:انا بسحب لك كل الأغاني بصوتها
      بدر:وبعد صورتها
      خولة:وكل صورها بسحبهم لك لا تحاتي المهم عندي أتكون مرتاح وتتحسن بسرعة
      كل يوم بدر يسمع صوت فاتن ويطالع صورتها لما ينام ولما يقوم وبليلة من الليالي
      بدر:والله اشتقت لك ولكلامك معي وتشجيعك لي ادرس وفرح اهلك ...احبك وأموت فيك
      دز بدر على تلفون فاتن "اشتقت لك"بس للأسف ما كان عندها موبايلها
      فاطمة:ها سعود..ايش الحل مع مشكلة فاتن؟
      سعود:ننتظر فاتن لما ترجع ونخبرها الحقيقة وإنشاء الله خير
      أم سعود:خير إنشاء الله مجتمعين مع بعض
      سعود:كل يوم مع بعض
      فاطمة:الوالدة جالسة أودعه بعدين بيجلس مع حرمته وبيلهى عني
      أم سعود:مسكين سعود من يوم انتوا صغار مع بعض ولما يتزوج بينسى ما اعتقد يمكن تصيري أكثر من حرمته عندك أسراره
      سعود:طبعا الوالدة..هي جالسة تدلع قبل لا تجي افراح وتأخذ منها الدلع كله
      فاطمة:صدقت...الوالدة فاتن بعد يومين بترجع باكر الحفلة وبيعلنوا النتائج وبتطلع
      أم سعود:شوقها النا صعب عليها المسابقة..ترى الغربة صعبة ويبيلها قوة قلب
      فاطمة:الله لا يبعدنا ويغربنا عن أهلنا
      اطلعت فاتن من المسابقة وودعت المشتركين والدمعة بعيونها
      نواف:بنفتقدك وايد ومكانك بيخلى بالبرنامج بس بتظلي بقلوبنا وعلى البال دائما
      فاتن:تسلم أخ نواف وكنت لي أخ عزيز وغالي مشكور
      رويدا:سلمي على بدر إذا صار بينكم لقى ولما اطلع بزورك وأشوف وين وصلتي
      فاتن:مشكورة رويدا كنتي مثل الأخت وأكثر...
      نواف:أتمنى تقبلي مني هذه الهدية البسيطة
      فاتن:شكرا بس ما اقدر اقبل هدايا منك لأعطيك أمل بشئ مستحيل يصير من ناحيتي
      نواف:عالاقل هدية من أخ لأخته
      رويدا:يلا فاتن قبليها منه هدية من أخ
      فاتن:رويدا انا بقبل الهدية وأتمنى تخبري نواف بالموضوع كله
      رويدا:إنشاء الله سلمي على الأهل
      فاتن: باي باي
      سعود:بتروحي معي باكر نستقبل فاتن بالمطار
      فاطمة:ودي بس ما اقدر باكر أول يوم دوام بالمدرسة شوف هنوف
      سعود:إلا الهنوف أتزلزل بي بالسيارة وعلى طول الطريق...مستحيل
      فاطمة:والله مسكينة هنوف..سويلها لزج بفمها وبتسكت
      سعود:حلوة هالحركه..بس الهنوف تتأخر بالقومه وأنا بطلع الصبح لأنه طايرتها بتطلع الساعة ست
      فاطمة:خلاص روح لحالك وونس نفسك
      سعود:والحين يلا من غرفتي عندي اتصال
      فاطمة:من المتصل غير افراح..سلم عليها وقولها لا تكثر من الرقاد تقوم من وقت
      سعود:قولي هالكلام لصديقتك سالمة..انا كل يوم هي تقومني لصلاة الصبح
      فاطمة:يا سلام عالحبيبه
      سعود:بس يلا طلعي....السلام عليكم
      اليوم التالي
      بدر يطالع صورة فاتن ويسمع صوتها:احبك... شخبارك اليوم؟
      الدكتور:ها خذيت العلاج؟
      بدر:من الصبح عطتني الممرضة..تسلم دكتور
      الدكتور:يحق لك تفرح بعد يومين بتطلع من عندنا وبتروح عند اهلك البيت
      بدر:تعودت عليكم دكتور بس بزوركم
      الدكتور:أكيد لازم أتزورنا للعلاج وانتابع حالتك
      سعود:الحمد لله عالسلامة
      فاتن:الله يسلمك..اسمحلي سعود ما قدرت أكمل بالمسابقة
      سعود:ولا يهمك المهم رفعتي رأسنا فوق بأخلاقك وأدبك إلي الكل أشاد فيها
      فاتن:الحمد لله كان اكبر همي ارفع رأسكم وما اطلع عن تقاليدنا
      سعود:وتوفقتي بهالشئ
      دامت لحظة صمت بالسيارة
      سعود:انا بروح أشوف صديق مؤيد "بدر" واتطمن عليه
      فاتن ارتبكت:بدر..لا انتاخر عالبيت وايد مشتاقة لامي حيل بالمرة
      سعود حس بارتباك فاتن:دقايق تعرفي من أخر مرة زرناه فيها ما سمعنا أخباره وبالمرة دام انا هنيه انتطمن عليه
      فاتن:خلاص إلي تشوفه
      بدر:ليش اليوم أمي ما يأت عندكم؟
      خولة:قالت العصر بتمر عليك جالسة تعدل بالبيت ونعدل غرفتك بتشوف لما تطلع
      بدر:الله يعطيها العافية
      خولة:البارحة اطلعت فاتن من المسابقة
      بدر:بكت وايد ولا عادي
      خولة:كانت متأثرة بس ما بكت كانت عادي
      فاتن:وين غرفته؟
      سعود:اذكره بالعناية
      فاتن:العناية...ليش؟
      سعود ما استغرب أسالت فاتن لأنه كان متوقعها: فاتن..بدر عنده كسر بريله وبيصير مقعد يعني معاق عالكرسي المتحرك
      فاتن:انصدمت:معاق....
      سعود:بسال عنه لحظة شوي....شكرا
      فاتن:معاق..علشان كذيه ابتعد عني وتركني
      سعود:يلا يبدوا أنهم طلعوه من العناية...هذه غرفته
      بدر:تفضل..خولة شوفي من؟
      سعود:السلام عليكم..شخبارك بدر؟
      بدر:وعليكم السلام..الحمد لله...أتفضل؟
      سعود:لحظة..عندي احد أختي برا
      بدر دقات قلبه تسارعت:خليها تتفضل..خولة
      دخلت فاتن وكان قلبها يدق بسرعة والعبرة بعيونها ومنزلة رأسها الأرض:السلام عليكم
      تفاجآ بدر وما عرف يفرح ولا يحزن لأنها بتشوفه بالموقف هذا:وعليكم السلام
      خولة تفاجات:أهلا فاتن شخبارك؟..تفضلي
      طوال الجلسة فاتن ما رفعت رأسها اطالع بدر وبدر يطالعها والعبرة بعيونه
      سعود:نحنا صار لازم أنروح ..فاتن الحين واصلة ومشتاقة الأهل
      خولة:والله صوتك حلو وتستاهلي نجمة المسابقة بس هذا كان قرارك الانسحاب
      فاتن كانت ساكتة طوال الجلسة ولما رايحين أرفعت رأسها أطالع بدر وجات عينها بعينه
      بدر يطالعها:والله احبك وعمري ما نسيتك
      فاتن ما حست بالدنيا حولها كان قلبها دقاته تزيد وجسمها يرتعش والعبرة خانقتها
      سعود:يلا فاتن..مع السلامة بدر وتقوم بالسلامة
      بدر:الله يسلمك
      فاتن ما قدرت تستحمل وأغمى عليها
      بدر صرخ:فاااااااااااااااتن
      سعود:فاتن..فاتن
      خولة:بنادي الدكتور
      انقلوا فاتن للعناية لأنه حالتها خطيرة ضغط دمها نازل وايد وعندها فقر دم حاد
      سعود:طمني دكتور..
      الدكتور:حالتها خطيرة..كانت تعمل ريجيم ولا ايش بالضبط..نحنا عملنا الها مصل"سقايه" وبننتظر تتحسن
      سعود:يعني بتطلع اليوم؟
      الدكتور:ما اعتقد..الحالة إلي هي فيها ما تساعدها تطلع اليوم
      بدر:ها خولة طمنيني ايش عندها؟
      خولة:ما اعرف..تركت أخوها عندها ينتظر الدكتور يطلع من عندها ويطمنه
      بدر يبكي:يا رب..يا رب سترك وتطلع بالسلامة...يا رب لا تعذبني وتزود همي وأطلعها بالسلامة
      خولة بكت:اذكر الله بدر..فاتن بتطلع بالسلامة وما فيها شئ..يا رب
      بدر:والله انا صابر علشانها ومتحمل همي علشانها واذا صار فيها شئ ما بقدر أتحمل أكثر
      بو بدر:خير ايش فيكم الدكتور قالك شئ؟
      خولة تتعبر:لا الوالد بس بدر كان يتكلم عن فرحته لما يرجع البيت وتذكر الحادث
      بو بدر:إنشاء الله خير ونحنا مب مقصرين عليك بشئ
      خولة:انا بروح وبرجع عند الممرضات
      سعود:يا رب ايش بقول للأهل الحين؟
      خولة:ها كيف حالتها..ايش قال الدكتور؟
      سعود:صعبة..حالتها صعبة..للحين ما قامت والدكتور يقول عندها فقر دم حاد وضغطها نازل وايد
      خولة:خبرت اهلك علشان يطمئنوا عليها؟
      سعود:الحين بخبرهم...كيف بدر؟
      خولة:بدر منهار وايد وجالس يبكي...وخايفة لما اخبره عن حالة فاتن يصير فيه شئ وتنتكس حالته ونحنا ما صدقنا يتحسن
      سعود:الله يعينه...إذا وأنا أخوها وصعبة كيف وهو يحبها
      هيثم:ها سعود..متصل بي كنت مشغول؟
      سعود:هيثم انا بالمستشفى...
      هيثم:خير احد فيه شئ؟
      سعود:أهدى شوي وأنا بحكيلك كل شئ........................
      وصلوا أهل فاتن المستشفى وجلسوا عندها
      مؤيد:بروح أشوف بدر اذكره بنفس المستشفى
      الهنوف:وين رايح؟
      هيثم:هنوف إذا قامت فاتن اتصلي بنا
      أم سعود:وين راح مؤيد؟
      الهنوف:راح مع هيثم وراجعين
      سعود:الهنوف شوي....لا
      الهنوف:خير ..و بعدين ايش صار الها وكيف؟
      سعود:انا بخبرك.....
      هيثم:السلام عليكم..الحمد لله على سلامتك
      بدر:الحمد لله...ها مؤيد كيف حال أختك؟
      مؤيد:وأنت من خبرك بالموضوع؟
      بدر:ها..أخوك سعود كان عندي
      الهنوف:شافت بدر أكيد جلست تبكي لما شافته
      سعود:انا مثلك توقعت أنها تبكي بس ولا دمعة أنزلت منها غير لما كنا بنروح
      الهنوف:والله انا خايفة عليها وايد ترى فاتن حساسة وايد
      سعود:لا يكون حالة بدر هي السبب
      الهنوف:يمكن..بس إذا قامت اعتقد تبكي
      سعود:انا خايف يصير فيها شئ لا سمح الله
      الهنوف:وبدر...ايش كانت ردت فعله؟
      سعود:لما شافها بالبداية استغرب بس هي ما أرفعت رأسها أطالعه وهو عينه كانت عليها ولما طاحت أول واحد صرخ وانهار
      الهنوف:يعني بكى؟
      سعود:لما يأت أخته تطمئن على فاتن قالت انه منهار وجالس يبكي وخايفين تنتكس حالته
      الهنوف:سعود..يعني لو سمحت ممكن..ممكن يعني تأخذني أشوفه
      سعود:ليش حابه تشوفيه
      الهنوف:بخاطري كلمتين له بسبب إلي سواه بفاتن بس لو أشوفه ما ارحم حالته ابد
      سعود:عقلي يالمجنونه..مب ناقصين اثنينهم يتعبوا علينا
      اليوم التالي
      قامت فاتن وتطمنوا أهلها عليها وكذلك اتصلوا بخالتها وفاطمة ولولوة الي كان عندهن دوام والخالة عندهن
      مريم:ها فاتن الحين تمام؟
      فاتن:الحمد لله..كيف عيالك؟
      مريم:الحمد لله يسلم عليك"......"
      فاتن:الله يسلمه... سلمي عليه
      أم سعود:سعود روح احجز لأختك غرفة خاصة علشان أنام عندها
      فاتن:ما له داعي تخسروا عماركم
      سعود:كم فاتن عندنا ....
      فاتن:الهنوف....
      الهنوف:خير فاتن فيك شئ.....
      بكت فاتن بدون سبب بس إلي بالقلب تاعبها ومزود همها
      الدكتور:مبروك بدر باكرا الصباح راح تطلع وبتستريح منا
      بدر بحزن:بطلع باكر..ليش دكتور بهذه السرعة؟
      الدكتور مستغرب:خير يا بدر ده انته حاسس بحاجة؟
      بدر:لا دكتور بس تعودت عليكم....
      هيثم:نحنا كلنا شباب بس الأخت مشكله ايش جايبك عندنا؟
      مؤيد:صدق نحنا لو أنام بالشارع بس الأخت مشكله...؟
      سعود:زين رقدوا بالشارع وأنا والهنوف بنحجز النا بفندق خمس نجوم
      الهنوف:ما يحتاج أرد عليكم رد عني كبيركم وأعقلكم
      هيثم:أوه في تطور أول مرة..اليوم أمي محد بتضحكي عليها
      الهنوف:هاها...للأسف ما يضحك
      بدر طوال الليل يفكر بفاتن وما أجاه نوم من التفكير ففكر يدز الها مسج:"الحمد لله على سلامتك..فيني ولا فيك"
      فاتن كانت نايمة وما قرت المسج
      بدر:اااه يا ربي حبي لفاتن اكبر من كل شئ ومستعد اخسر عمري ولا اخسرها
      اليوم التالي طلع بدر من المستشفى وهو حزين لأنه كان ممكن يكون قريب منها بس الظروف تبعدهم للمرة الثانية
      خولة:اليوم زرت فاتن وكانت تمام وتتكلم بس الحزن بعيونها واضح ولما شافتني ادمعت عيونها
      بدر:يا رب يبعد عنها كل حزن ويخلي حياتها فرح وسعادة
      الهنوف:اليوم الجو حلو وأنتي الحمد لله تمام
      فاتن:الهنوف..زرتيه؟
      أم سعود:ها الهنوف..كيف أرقاد البارحة مع الشباب؟
      الهنوف:خالتي ايش أقولك على هيثم ومؤيد جلسوا يحطوا عليه وأنا ساكتة عنهم بس سعود تصرف معهم
      فاتن أطالع الهنوف وهي تتهرب من الإجابة وبعدها بكت
      أم سعود:خير فاتن فيك شئ؟
      الهنوف:فاتن حصل خير ليش البكي...
      بالليل طلبت الهنوف تنام هي مع فاتن
      هيثم:اليوم بتصدعلك راسك وبتزود عليك المرض
      فاتن:العكس هنوف غالية ووجودها يشل الهم والاه
      سعود:ادريبك مغنية واحساسك عالي
      الهنوف:يلا باي..واليوم عندكم خالتي
      فاتن:ليش تتهربي من سؤالي..حصل له شئ؟
      الهنوف:لا بس طلع اليوم من المستشفى
      فاتن:يعني خلاص تعافى
      الهنوف:وعقبالك تطلعي من هنيه
      فاتن:عرفتي بالي صار له
      الهنوف:علشان كذيه طلب منك تنسيه...
      فاتن:ما كنت حابه أشوفه بهذا الوضع بس سعود أصر يزوره ولما خبرني عن علته انصدمت وما قدرت ابكي قدامه فكتمت بقلبي لكن ما قدرت ولما جات عيني بعينه ضعفت وحسيته يقولي احبك بس إعاقتي هي السبب
      الهنوف:ترى بدر يحبك والي صار له سبب إلي قاله والي جالس يسويه
      فاتن بكت:وأنا توقعت نفسي أنساه لما أسافر بس كل لحظة كنت أتذكره فيها ومع كل أغنيه أغنيها
      الهنوف:موبايلك..يمكن اتصال؟
      فاتن:هذا مسج من بدر"انا احبك وعمري ما نسيتك بس شفتي إلي انا فيه ومستحيل أظلمك معي"
      الهنوف:خير فاتن ايش قالك؟....
      فاتن:ليش يعذبني ..ليش؟
      الهنوف:شفتي هو يحبك بس إعاقته
      فاتن:دز لي البارحة هذا المسج
      الهنوف:والله حبه كبير بس ....
      فاتن:أتمنى أكون انا بوضعه لأعرف ردت فعله
      الهنوف:نحنا البنات قلبنا رقيق ورحيم بس الشباب ما يندرى كيف تفكيرهم وأحاسيسهم
      بدر:أنتي تعرفي أني مستعد أموت علشانك بس مب مستعد أشوفك تموتي بسببي
      خولة:تعرف كم الساعة الحين ...يلا علشان ترتاح
      بدر:من شوقي للبيت مب قادر ارقد وفوق هذا كله ودي أتطمئن على فاتن بالي وقلبي مشغولين عليها
      خولة:انا مستعدة أروح باكر أتطمئن عليها بس ترجع لك روحك القوية إلي شفناها بعد الحادث
      بدر:كانت مقوتني فاتن بحبها وتواجدها معي واليوم أشوفها تعبانة وحاس نفسي بموت إذا ما قامت بخير
      خولة:تطمئن هي بتكون بخير وبعدين أهلها معاها لا تحاتي
      اليوم التالي راحت خولة تطمئن على فاتن وكانت تمام والحمد لله بس لازم تهتم بصحتها أكثر
      سعود:تفضلي استريحي...شخبار بدر اليوم؟
      خولة:تمام والحمد لله ويسلم عليكم...ترى هو إلي طلب مني أروح أتطمئن على فاتن القلب وما يهوى ترى يحاتي وما نام طوال الليل
      فاتن تفاجات من كلام خولة قدام سعود
      سعود:هذا هو الحب لما نسمع عنه نقول كذب وما نصدق إلا إذا عشنا فيه
      خولة:يلا انا لازم أروح الوالد ينتظرني برا...مع السلامة فاتن دعوات بدر معك كل يوم ويسلم عليك وايد
      فاتن:الله يسلمه...
      سعود:وين راحت الوالدة مع الهنوف...
      أم سعود:وين البنت..رحنا المطعم نشترى عصير
      الهنوف:اليوم وين مؤيد وهيثم المتحدين؟
      أم سعود:كان بنام مع هيثم بس هو ومؤيد اتفقوا وخلوني مع سعود ولما رحت الهم الصبح ما افتحوا الباب
      الهنوف:أكيد كانوا راقدين...كل يوم كذيه يسهروا للصبح وبعدين يرقدوا
      أم سعود:ها سعود متى يطلعوا أختك من المستشفى؟
      سعود:بساله لما يوصل...اعتقد اليوم إذا شافها تمام بيطلعها خلاص
      الهنوف:لوله وفاطمة كل ساعة يتصلن متى تطلع..ودهن يين بس الدوامات
      بعد يوم اطلعت فاتن وأرجعت بيتهم وشافت رسائل المعجبين والهدايا وأفرحت أكثر بشوفة أهلها
      فاطمة:تلفون البيت ما سكت منهم
      لولوة:وفي المدرسة البنات كلهن يسألن عنك والكل حاب يتعرف عليه
      فاتن:ما توقعت كل هالناس تحبني بوقت قصير جدا
      فاطمة:تسلم عليك افراح وسالمة وأهلهن وحمد لله عالسلامة
      فاتن:الله يسلمك ويسلمهن...فطيم من خبر سعود بالموضوع؟
      فاطمة:ها سعود...صراحة انا ما كنت بقوله بس هو سمعنا لما كنا نتكلم عنه بأكثر من مرة وقبل لا تروحي وبعد هو اتصل ببدر وتكلم معاه
      فاتن متفاجاة:سعود وبدر...ايش دار بينهم؟
      فاطمة:أنتي ارتاحي الحين وباكر بخبرك بكل شئ.
      فاتن:لا فطيم الحين خبريني بكل شئ مستحيل ارقد عقب إلي سمعته
      فاطمة:كلمه سعود عن إلي سواه فيك وليش فقاله علشان إعاقته ولازم يخليك تنسيه وبأي طريقة كانت حتى لو بالغصب المهم تنسي بدر...ترى هو يحبك بس الإعاقة سبب علشان ما تتعذبي معاه
      فاتن بكت:هو مستعد يخليني ما أتعذب بس هو يتعذب علشانه يحبني والله بدر أناني أناني ليش هو يتعذب لحاله ويتحمل إعاقته وبعادي ليش؟
      فاطمة:لأنه يحبك مب مستعد تتعذبي معاه إذا تزوجك وبعدين مستقبله مب مضمون بوجود الإعاقة
      فاتن:في مائة حل للمشكلة بس هو ما يبيني وخلاص ترى انا تعبت من البكي كل يوم وكل ساعة عليه وعلى حالي
      فاطمة:اهدي شوي أنتي اليوم طالعة من المستشفى أرجوك رحمي نفسك
      فاتن:إذا هو ما رحمني ولا رحم نفسه انا برحم نفسي
      فاطمة:اتصلي به وحطي للنقط حروف سوى بتكملي معاه وبتتحملي او ترفضيه وتتحملي وتابعي حياتك
      فاتن:ما اقدر اتصل به...عمري ما سويتها إلا لما كان مريض علشان اطمئن عليه
      فاطمة:وقبل لا تتصلي فكري عدل لأنه هذه بتصير حياتكم مع بعض وبتعيشوا معها
      عدت الأيام وبدر مب قادر ينسى ولا قادر يتصل ويدز مسجات تأثر على فاتن بس جالس يتعذب كل يوم
      فاتن تفكر وكل مشاعرها مع بدر وعقلها معاه
      قرب عرس افراح وسعود
      الهنوف:ايش عليك عرسك بعد شهر علشان كذيه فرحان
      فاطمة:لا وصاير إنسان لطيف وحبوب وويه يشع كأنه البدر
      سعود:زين فطيم وهنوف بعد العرس بتشوف الويه الجديد لي بتغير 180 درجة
      فاطمة:لا سعود أول خليني وهنوف نختار قلوبنا بعدها تغير على كيفك
      سعود:ليش وأنا ايش دخلني بقلوبكن وبعدين انتن بتجلسن سنين ألين ما يوصل القلب
      فاطمة:لأنك إنسان متفهم علشان تتفاهم معاه وتأدبه يهتم فينا ويخلينا بعيونه
      الهنوف:وبعدين انا رافضة أتزوج غير ولدك لا وألف لا
      سعود:ايش فيك تبي تخسفي ابنا حد يتزوج يدته
      الهنوف:ليش هازه جلاسة أبوه ولا سريره
      سعود يضحك:لا حرام عليك بيتعقد الولد قبل لا يجي
      فاطمة:سعود..فاتن لليوم ما قررت شئ بخصوص بدر
      سعود:فاتن تخيل مني إذا كلمتها عنه
      الهنوف:يلا أنروح عندها ولنكلمها بالموضوع...انا اتصلت بأخت بدر وقالت حالته صعبة لأنه يعتقد فاتن نسته او جالسه تنساه
      فاطمة:والله ما يستاهل كل هذا الشئ بس إعاقته حاجز وسبب بينهم
      سعود:ترى حياته بتعدي عادي في وظائف للمعاقين مع مرعاة حالتهم
      الهنوف:انا متاكدة انه فاتن ما نسته وجالسة تتعذب لليوم
      سعود:يلا أنروح الها....
      فاتن:ليش الحب يحير دائما ويتعب؟
      رويدا:لأنك تحبي لازم تتعبي ولا ما في شئ بالدنيا ما فيه تعب وعذاب
      فاتن:تصدقي مستحية من اخوي الكبير لما رجعت عرفت انه عرف بالموضوع وكلم بدر؟
      رويدا:وين المشكلة العكس هذا بمصلحتك انه تفهم وما قال شئ
      فاتن:بس انا خايفة ومستحية منه أني تعرفت وحبيت واحد من وراءه
      رويدا:ايش قالك أخوك لما رجعتي؟
      فاتن:يكفي انه هو خبرني بإعاقته وأخذني لعنده
      رويدا:شفتي يعني أخوك متفهم وما عنده مانع..حاولي تتكلمي مع أخوك واتفهميه بكل شئ وبعدين اتصلي ببدر ولا تخليه يعاني وهو يعتقد انك نسيتيه
      فاتن:بحاول بس ما أوعدك أنفذ...سلمي على الأهل وأي متسابق تكلميه
      رويدا:يوصل وسلمي على اهلك كلهم
      فاطمة والهنوف وسعود اسمعوا الحديث إلي قالته فاتن
      الهنوف:هذا سعود وجاء لحد عندك علشان يفهمك انه مب معصب منك
      سعود:صح يا فاتن أنتي عمرك كله تهتمي بعاداتنا وتقاليدنا والي تربينا عليه ولا يوم خذلتي ثقتنا العمياء فيك دائما عند حسن الظن ورافعة رأسنا
      فاتن:بس انا تعرفت عليه من وراءكم؟
      سعود:خبرتني فاطمة بكل شئ حتى بطريقة تعارفكم وانه وعدك أول ما يخلص جامعة ويشتغل بيخطبك وبعدين نحنا لما نحب ترى الحب ما يعطينا وقت نخبر أهلنا فيه لأنه يدخل عالقلب بدون إذن ودق باب..صح
      فاتن:........صح
      فاطمة:وايش سويتي بموضوع بدر ترى أخته تقول انه تعبان وايد وحالته صعبة
      فاتن:كلمتني وخبرتني عنه..بس انا
      سعود:فكري زين ترى إعاقته دائمة واذا دخلتي معاه لازم تكملي ما في رجعة
      فاتن:انا فكرت خلال الشهور إلي مضت وتوصلت لقرار
      توصل فاتن لقرار بعد هذا الوقت كله شئ زين الها قبل بدر وإنشاء الله يكون بمصلحتها ويريحها من الهم إلي فيه
      بدر:رقم فاتن...انا أتخيل..فاتن تتصل بي
      فاتن:السلام عليكم..شخبارك؟
      بدر:وعليكم السلام..الحمد لله وأنتي شخبارك؟
      فاتن:الحمد لله
      بدر:ثاني مرة تتصلي بي بعد اتصالك بالغلط أول مرة لما خبرتيني عن موافقة أمك
      فاتن:ذاك اليوم...ليش طلبت مني ذاك الطلب؟
      بدر:عرفت وحسيت انك تحبيني ما حبيت تتعذبي وأنتي شفتي ايش اقصد ترى إعاقتي دائمة
      فاتن:لما عرفت أني حبيتك تتركني بهالسهولة؟
      بدر:كان أهون لي أتعذب لحالي وما اعرف انك تتعذبي معي وأتعذب أكثر
      فاتن:والنسيان هو الحل...تصدق انك أناني
      بدر:أناني...راضي أكون اناني وما أشوفك تتعذبي
      فاتن:أنت أناني لأنك عطيت نفسك الفرصة تحب وتعطي وما عطيتني الفرصة أحب وأعطي...ليش؟
      بدر:كنت أتمنى أكون بظرف ثاني وأنتي تحبيني وافرح من قلب بس بهذه الحالة صعب افرح لعذابك
      فاتن:انا مستعدة أتعذب وأنا جنبك ولا أكون بعيدة وانقهر وأموت
      بدر:بعيد الشر عنك يومي قبل يومك....
      فاتن:بدر انته فاهم ايش جالسة انا أقول؟
      بدر:فاهم بس مستحيل أخليك تكملي وأعذبك معي ..انسي شئ اسمه بدر كان بحياتك
      فاتن:وأنت راح تنسى الكلام إلي كنت تقولي إياه كل يوم وأنا ارفض اسمعه وراح تنسى ملاحقك لي كل ما طلعت وراح تنسى تعرفك على اخوي علشان توصلي راح تنسى كل هذا والي صار بسهولة
      بدر:كل هذا والي صار بتظل ذكرى محتفظ ابها بقلبي لحد أخر يوم من عمري ومستحيل أعطي قلبي لحد غيرك
      فاتن:بدر..انا احبك..احبك كنت كل يوم من لما عرفتك خايفة أقولك ومانعة قلبي وعقلي يفكروا بالشئ هذا واليوم لما أخذت موافقة أهلي ورضاهم ترفضني بهالسهولة وتتخلى عني
      بدر:اااه..يا فاتن كنت كل يوم منتظر اسمع هالكلمة منك واليوم فرحتي ما راح تكتمل...فكرتي بإعاقتي
      فاتن:فكرت وتوصلت لقرار...بدر إذا كنت تحبني والي بقلبك مب لعب تعال اخطبني اليوم قبل باكر وأنا أولى أكون جنبك
      بدر تفاجئ من كلام فاتن:فاتن أنتي اتعرفي الوضع إلي انا فيه فأرجوك لا تتسرعي
      فاتن:إذا تحبني تعال اخطبني وأنا راضية فيك وأنت بأي وضع واذا ترددت فأنسى انك بيوم عرفتني واني حبيتك
      خولة:خير بدر ايش فيك شارد؟
      بدر قال لخولة الحوار إلي دار بينه وفاتن:كلامها صح
      خولة مستغربه:انا متفاجاة بس هذا إلي لازم يصير..واعتقد من إلي شفته وعرفته عنها انه فاتن حكيمة وتتخذ قراراتها عن قناعة
      بدر:كلمت سعود وقال هذه حياتها وهي تقرر إلي يسعدها
      خولة:كلامه صح...دام هي إلي قررت بدون ضغط فاعتقد هي عارفه ايش تسوي..توكل على الله واخطبها
      فاتن خايفة من تفكير بدر وايش ممكن يسوي او يكابر ويرفضها
      فاطمة:إلي سويتيه كان عن قناعة فلا تتحسفي إذا رفض
      فاتن:انا ما راح اتحسف إذا رفض لكن تعتقدي بيصدمني بقراره ويرفض حبي له
      فاطمة:بدر يحبك بس ما اعرف تفكيره وتصرفه وهو بهذا الوضع تراها صعبة
      أم سعود لما عرفت الموضوع رفضت بالبداية بس بعدها عرفت انه فاتن متمسكة ببدر ووافقت
      كذلك أهل بدر بالبداية ترددوا من إلي ممكن يزوج بنته لواحد بحالة ولدهم بس لما شافوا أهل فاتن وموافقتهم راح التردد وحددوا الزواج
      بدر:ليش انسوي حفلة خليها للعائلة أفضل عن الإحراج
      فاتن:انا إذا انحرجت اليوم من وضعك فصدقني باكر ما راح استحمل التواجد معاك بس انا احبك أنت بجميع حالاتك المهم عندي انك تحبني
      بدر:وأنا احبك لأنك كبيرة بكل شئ والله لا يحرمني منك
      زواج بدر وفاتن صار بعد زواج سعود وأفراح بشهرين بعد ما تطمئن على حالته وانه عادي يتزوج ما فيها أي خطورة عليه
      بدر:اسعد يوم بحياتي هذا اليوم... اليوم إلي شفتك فيه عندي وجنبي
      فاتن:وأنا بعد هذا اسعد أيامي..وعرف إذا تخليت بيوم عنك فذاك يوم موتي
      بدر:بعد الشر عنك الله لا يفرقنا مرة ثانية
      الحياة بها الصعب والأصعب ولكن من الأشياء الصعبة إن لا نستسلم بسهولة للوضع وندع الأمر لله قبل العمل والاجتهاد به لذلك دعونا نفكر بالموضوع بجدية اكبر وبعدها نسلمه لله ومن الأمور الأصعب إن نأخذ الأمور برويه وعقل متفتح وألا نستعجل الأمر إلي منه ممكن إن يتحدد مصيرنا بالتقدم والرقي والاهم من هذا وذاك التفكير الملي قبل اتخاذ أي قرار مآثر في حياتنا وحياة من نحب
      على فكرة المدعوين كانوا شباب وشابات البرنامج إلي اشتركت فيه فاتن وهم إلي احيوا الزفاف بطريقتهم الخاصة ونواف كان من أول المهنأين والملبين للدعوة بعد ما تفهم الموضوع

      تم تحرير الموضوع 2 مرة, آخر مرة بواسطة لهفة: تغيير اسم القصة "العهد" ().