في جامعة السلطان قابوس : تحرش دكتور بطالبه ؟؟؟؟

**قييصر** · 21-10-2003, 09:00 AM

بسم الله الرحمن الرحيم

حبيت اسأل ... ليش بعض الدكاتره يتحرشوابالطالبات ...؟؟

واذا صار هذا الشئ للبنت ...شو لازم عليها تسوي ...؟

هذه القصه انقلها لكم انا قييصر على لسان طالبه من طالبات الجامعه ...

انا جاتني مره احد زميلاتي تبكي .. وانا كنت طالعه من اللاب ...

وفجأه جات البنت تصيح علامش .. وش صاير ..

والبنت تحكي :

روحت مع الدكتور اعطيه حاجه طلبها ..

وقلت لها وبعدين ...

سألني عن درجه امتحاني .. وقلت له (كان معدلها يعني وسط ) قال الدكتور لها شو رايك اعدلها لج .. بس وعد انك ما تخبري احد ..
وما قصر الدكتور مد يده لها عشان توعده اوين ... البنت خافت ...
المهم ...
طبعا هييه رجعت على ورى ...
وقالت له اوعدك ..
وقال لها الدكتور ...(طبعا وهوه لاساته ماد ايده ...) لا لازم توعديني ...(يقصد انه تحط ايده في ايدها ....نذل )

البنيه قالت له ...خلاص ما اريد تعيد الامتحان .... سكت ..
وجلس الرجال يسألها عن جدولها والبنيه ما عارفه كيف تخرج ... وبعد شوي رقمها ... وبعد وشوي يمسك يدها على حين غفله ... البنت تسحب يدها وتخرج ... من مكتب االدكتور النذل ...
المهم ...
هذا اللي صار قلت لها تحذف بw صعب
خافت تسوي شىء فيه يرسبها ...
شو الحل ...؟؟
وشو المفروض البنت تسوي في هذي المواقف ...
انتظر ردودكم ...؟؟

**ابتكار** · 21-10-2003, 12:12 PM

[ALIGN=CENTER] بسم الله الرحمن الرحيم....
أولا ما كان من المفروض تروح لدكتور بروحها كان من المفروض تجول لأحد من زميلاتها يروح معاها عشان تكلم الدكتور.....
بعدين هذا الدكتور ما يستحق انه يكون دكتور أصلن ...شو فايدة العلم اذا ما كو أخلاق.....
المفروض تروح وتشتكي عليه....وما رح يجدر يرسبها لان عندها الحق....ما المفروض تسكت ابدا...اليوم تصرف معاها كذيه بكره مع وحده غيرها...
دكاتره اخر زمن...
وسلامتكم.... [/ALIGN]

**بنت الجهوري** · 21-10-2003, 12:34 PM

حاميها حراميها

واللي بيزرع الاخلاق والقيم في نفوس الطلاب والقدوة الحسنة لهم يطلع من غير ضمير وما فيه اخلاق اصلا

البنت لازم ما تسكت وتشتكي عليه ولا تخاف وكيف بيرسبها وهو بتكون فضيحته فضيحة بين الطلبة والزملاء وعقابه بيكون شديد 00

واذا كل وحدة سكتت الدكتور الجامعي بيتمادى في التحرشات

الله يعين بس

**الشاكي577** · 21-10-2003, 12:42 PM

شكرا الاخ قيصر على سرد مثل هذة الاحداث الواقعية .....
وانا بقولك واقعة حدثت في كلية التجارة منذ فصلين حيث تم فصل دكتور مصري من الكليه بسبب تعرضة لفتاة...... المسالة لو تاخذ من جميع النواحي فان الذنب مشترك ..... من ناحية ان الدكتور بشر مثل اي انسان عادي .. ولكن احيانا الاغراء من طرف البنات يكون هو السبب من حيث الملبس...... وما شاهدته ورايته خلال مدة دراستي في الجامعة وفي كلية التجارة بالذات خلال الخمس سنوات المنصرمه هو ان البنات يتنافسن والعياذ بالله من الملبس الملفت للانتباة........

وما اقول الا ان هذا لا يعتبر تطورا وانما كفر بالله والخوض في الحرام فما اجمل المراه العربيه بحجانها ........... والله المعين.... وعلى حد علمي بان البنت يمكنها تجنب مثل هذة المواقف باصطحاب احدى زميلاتها ....... او هناك نقاش بعد المحاضرة ....... ولكن هناك فئة كبيرة من بنات الجامعة اللاتي لهن الدور في وقوع مثل هذة الاحداث...............

ومنكم السموحة......

**عيون بهلاء** · 21-10-2003, 01:01 PM

[COLOR=orangered]أولا اشكر الاخ على هذا المقال وانشاء الله يكون فى ميزان حسناتة والله يستر علينا اذا كانت
هذه البداية وبصراحة هذا الدكتور يستحق الاعدام

مو شىء هين اللى سواه فى
بنت العرب والله يهدينا ويهديه

[/COLOR]

**الصحوه** · 21-10-2003, 01:26 PM

مشكووور قييصر على الموضوع
اقول للاخت ابتكار صح انه المفروض من البنت انه ما تروح بروحها لللدكتور بس يمكن وسبحان الله ما كان حد معها او كانت ما تحصل الدكتور في الاوقات اللي تكون مع زميلاتها وهذه تصير لنا دايما نحن طالبات الجامعه يعني مثلا الدكتور يكون طالع من محاضره وتصادف انه تكون بروحها واستغلت هالشي انه تكلمه في حاجتها واكيد المسكينه ما كانت تعرف بنية هالدكتور اللي للاسف ما يستحق انه ينادى بهالاسم لتجرده من الاخلاق اللي سمحت له انه يصير دكتور ومدرس ومربي اجيال وعلى الاقل المفروض انه يحترم المكان اللي هو فيه انه حرم جامعي
والاخ الشاكي صح البنت قد تكون هي الطرف في المشكله بس يعني اي حد يشوف البنت بهذيك الهيئه يسوي كي يعني أكيد لأ ...وخاصه هو دكتور يعني اكيد شاااااايف من هالاصناف واااااااااايد يعني يرد عمره عن هالاشياء اذا كان كل بنت لابسه ملابس ملفته يركض وراها ؟؟!!
بس ان شاء الله بعد تكون هالحادثه درس للبنات وما اقصد هالبنت بالذات (صاحبة الحادثه) واقول من الاحسن انه نتجنب نكون في مثل موقف هالبنت المسكينه وبدل ما تكون بروحها معها صاحباتها تجنبا لمثل هالمواقف
اخي قييصر
شجع البنت انه تشتكي على هالدكتور وصدقني ما يقدر يرسبها لأنه الدنيا ما سايبه ...يعني اكييد اذا هي قدمت الاختبار وهي متاكده انه ناجحه وهو رسبها اعتقد انها تقدر ترفع تظلم وتشوف ورقة اختبارها وتتأكد اذا هي راسبه فعلا او لأ
وان شاء الله ما يصير الا الخير
أختك الصحوه

**حرف السين** · 21-10-2003, 01:39 PM

هناك بعض من الدكاترة الذين تسول لهم أنفسهم العبث بأخلاق الطلبة أو السخرية منهم ،ويحاولوا أستغلال الطالب بطريقة وقحة ودنيئة .

فأنا أرجح لو أن الأخت تشتكي عليه لأنه ما يستاهل يكون في جامعة السلطان قابوس.ولا حتى في أي جامعة .

**Walad Albaloush** · 21-10-2003, 01:53 PM

مفروض تشتكي عليه

بس نا متاكد راح يفنشوها

**DREAM BOY** · 21-10-2003, 02:29 PM

هلا
مثل ما ذكر بعض الاخووه الاكراام ان القضيه مشتركه .. بين الطرفيين وفي النهاايه نحن بشر ولسنا معصوومون من الخطأ ... هذه البنت المفرووض تفكر الـــف مره قبل أن تذهب للدكتووور المنحط هذا فما كاان لها أن تذهب لوحدها .. فانها كاان من المفرووض أن تعي ذلك بانها ستكوون هي بمفردها معاااه وفي مكاان لايجد به أحد غيرهما ... وكااان الشيطاااان ثالثهما ... اذن لقد اجتمعت كل مسببات الخلووه بغض النظر عن الوضعيه التي كاانت عليها البنت ... لم تدري انها ذااهبه الى شيطااان بشري ذئب تجررد من كل معاااني الانساانيه والضمير وتغطى تحت غطااء العلم والدكتوورااه استغل هذا الانسااان العديم الدين والاخلاااق بحكم مكاانته هذه الضعيفه على فعل شئ ربما هي لم تكن تريد فعله .. أفي نظركم أهو يستحق البقاااء بعد فعلته الشنعااء هذه .. لا والله أبد ..
هذا الدكتوو الفااسد اخلااقيا وأمثااله لا مكاان لهم هنا ويجب على هذه البنت الضحيه أن لاتسكت ابد فالسااكت عن حقه هو شيطاان أخرس يجب أن تتكلم مهما كاانت العوااقب لانها يجب أن تكوون متأكده وعلى يقين أنه سيعييد الكره مرة أخرى ومع طاالبه أخرى .. فهوو انساان تجرد من الخووف من ر به فهل سيخاااف من مسؤووول .. ؟
مشاااكل مجتمعنا تزييد من يووم الى اخر ولكن هل السكوووت في راايكم هو حل ونهاايه لهده المشاااكل .. لا ابد بل بهذه الطرييقه نحن نشجع ونسااهم في انتشااار مثل هذه المصااائب التي حللت بنا .... نرجوا من الله العفو والعاافيه في الدين والدنيا والاخره ونساله حسن الختااام ........ وسلااااامي لكم جميعا ......

شكرا

**الوحيدة** · 21-10-2003, 02:42 PM

[[SIZE=4]COLOR=blue]

مرحبا ..
تدرون انه هذه المشكلة يمن تصير لاي وحدة حتى لو كانت محتشمة من فوق إلى تحت هذي يعتمد على الدكتور نفسه ...
احنا في قسمنا عندنا دكتور بعد مايعطينا الدرجات وإذا حبينا نناقش فيها شنو يرد علينا ( تعالي لي المكتب ) ولما نروح المكتب يقول صكي الباب وراك لدرجة انه كل الطالبات صارو يقنعون بدرجاتهم حتى لو كانو مضلومين في المادة وغير ... وغيرة ..
في بعض الاحيان يوكل حقنا ونحن نطالع .. وطبعا مانقدر نشتكي ولا ننسحب ...

تدرون انا اعرف وحدة حولت من الكلية اللي اهي فيها ومابقى لها عن التخرج غير سنه والسبب دكتور كان وايد مضايقها في تحرشاته ... الله يساعد الجميع ..

والشكوى لغير الله مذله
الله يعوض عليها وتحاول كل جهدها تبتعد عن هذي الدكتور النذل ..

دمتم

[/COLOR[/SIZE]]

**mard-99** · 21-10-2003, 02:59 PM

والله انا طالب جامعي وما استغرب مثل هذي القصه تدروا ليش ؟؟؟؟ لان كل يوم تصير منثل هذي القصص وانا اعرف الكثير منها انا مو اتوقع الدكتور يسويها بس حتى عمال النظافه اتوقعهم يسوها . اذا بغيتوا قصص اكثر عن سوالف الجامعه راسلوني على ايميلي انا ودي انشرها في المنتدى بس تدروا المشرف راح يمنعي . واذا فيه بنات مكن الجامعه في المنتدى ارجو ان تخبرني لان عندي بعض الاسئله اود ان اعرف اجوبتها . وحياكم شباب

**راستا99** · 21-10-2003, 03:27 PM

[ALIGN=CENTER] والله حاله .. لو كنت هنا لوريت الدكتور الويل وجبت شلة الراستا هناك كلها يعني اسوي تحويل للشلة
واعمل نداء عاجل .. الاخوات في خطر .. بس معليه .. اذيه المرة فال .. ما عليكم الا تعطوني
اسم الكتور و هيش من السيارات عنده وهيش يدرس ..؟؟
هيش تتوقعوا بسوي به اني وشلتي .. بنكسر سيارته .. ويوم ينلاقيه في السوق بنرميه بالحصى
ياويلة وسواد ليلة ..
واسمحوا لنا عاد .. اذيه اللي نجدر نسويه .. بس فالحين حال الضرابة ..
مع السلامه .. عاد سمحوا لنا ..مرة ثانيه[/ALIGN]

|y

**جبل الشيبة** · 21-10-2003, 11:28 PM

[ALIGN=CENTER][/ALIGN]

**حنين الى الماضي** · 22-10-2003, 12:19 AM

وهي ليش ترو لوحدها المكتب تروح مع زميلاتها لكي تتجنب هذى المشاكل

**همسة حب** · 22-10-2003, 09:17 AM

[ALIGN=CENTER]مرحبا أخوي وتسلم على الموضوع
وانا من راي انها توقف الدكتور عند حده تعطيه كمين كلمة تخليه ما يسوى شيء .... ويعرف مكانه وتحترم المكان الي هو فيه ...
وبعدين ممكن تسوي هذا الشيء بالمساعدة منك انته كزميل ........
واذا ما نفعت وياه هذه المعاملة ... باخذ زميلتي واسير على طول عند رئيس القسم ...
وبخليه يهزئه قدام الي يسوى والي ما يسوى ....

[/ALIGN]

**أمــــــ الحـــب ـير** · 22-10-2003, 09:43 AM

بسم الله الرحمن الرحيم....
أولا ما كان من المفروض تروح لدكتور بروحها كان من المفروض تجول لأحد من زميلاتها يروح معاها عشان تكلم الدكتور.....
بعدين هذا الدكتور ما يستحق انه يكون دكتور أصلن ...شو فايدة العلم اذا ما كو أخلاق.....
المفروض تروح وتشتكي عليه....وما رح يجدر يرسبها لان عندها الحق....ما المفروض تسكت ابدا...اليوم تصرف معاها كذيه بكره مع وحده غيرها...
------
انا اتفق مع كلام اختي ابتكار 00 كلامها صح 0 المفروض تجول لاحد زميلاتها تروح معاها 00 للدكتور 00 وايضا ماتسكت ابداً عنه المفروض تروح تستكي 00

**ارومة وائل** · 22-10-2003, 10:07 AM

اوين مو تسوي ما اقول غير وامعتصماه

**اليقظان** · 22-10-2003, 11:10 AM

ااسلام عليكم
افا افا افا اف افا افا
ايش ها لكلام
المهم ان الكلام صحيح 100 ب 100
الموضوع حساس والجميع شارك في الافاده
يقال اذا اردت ان تسلم من العله فاحذر السبب أو المسبب

وهنا مربط الفرس:
بالرغم مما حدث فيجب علينا التريث وعدم التسرع في الحكم
اولا لننظرلحالة الطالبة حيث ان معظم الطالبات يتسابقن في اضهار المفاتن فهل هي من هذا النوع؟؟
ثانيا الدكتور هل هو مسلم؟؟
فمن الممكن ان الدكتور دفعه للتحرش هيئة الطالبه وما تضهره من مفاتن
بالاضافه الى قلة الايمان
والخلاصه : اذا كانت الطالبه مؤدبه وملتزمه فانا اتكفل بتأديبه :::
والرأي عندي للرئيس عذابه
بكل تأديب يراه صوابا

فالشافعي ومالك رأي له
انلم ينب حد الحسام عقابا

بس ابغي مساعده من الشباب عن يكون بعده واحد جثه وحش
والللللللله الموفق

**mood202** · 22-10-2003, 02:06 PM

المفروض والواجب تروح تشكي عليه لان هذه كرامتها والغلط الكبير اذا سكت عن هذا الدكتور لانه يمكن يسوي نفس الشى مع غيرها0

**حبي العين** · 22-10-2003, 08:05 PM

الله يعينكم
اذا الدكاترة شي عيل كيف الطلاب
اصلا اكبر غلط تكون الجامعه مختلطة
وبعدين البنت يمكن فهمت الدكتور غلط
يمكن كان يريد يسلم عليها بس وهيه غلطانه ليش تروح اروحه
وبعدين محد كان في الاوفس اله هو

**نور_عمان** · 22-10-2003, 11:56 PM

السلام عليكم ورحمة الله وبركاته

مشكوووووورالأخ قيصر على موضوعك ...!!

أنا في رأي انه السالفة ما صدق كانت ....لانه لو كانت صحيحة كان ما سكتت البنت .

وعلى طول كانت راحت تبلغ العمادة عن هذا الدكتور....

.

أيش يعني لهذه الدرجة نفسها رخيصة !!

المهم انا احنا تناقشنا في هالموضوع وما انتهت السالفة وما راحت البنت تشتكي!!

وأعتقد انها البنت بس حابت تنشر اشاعات على الفاضي ...

واذا كانت السالفة صدق ... فليش تروح لعند الدكتور وحدها؟؟

ما تعرف انه الخلوة حرام!!

صحيح في الصالح والطالح من الناس

بس لازم احنا نحتاط وناخذ الحذر في تعاملنا معاهم ...

وايضا البنات يورطن نفسهن بالاشياء اللي يعملنها في حالهن من لبس

غير محتشم ,,, وماكياج ,و ..........................الخ

والكلام اللي ما يله معني....

وكل واحد مسؤؤل عن أعماله...

وتذكروا

وما يلفظ من قول الا لديه رقيب عتيد

والا ختلاف في الرأي لا يفسد القضية

......... والسموحة

تحياااااااااتي

نووووووووور_عمان

**نور_عمان** · 23-10-2003, 12:14 AM

كاتب الرسالة الأصلية : حبي العين
الله يعينكم
اذا الدكاترة شي عيل كيف الطلاب
اصلا اكبر غلط تكون الجامعه مختلطة
وبعدين البنت يمكن فهمت الدكتور غلط
يمكن كان يريد يسلم عليها بس وهيه غلطانه ليش تروح اروحه
وبعدين محد كان في الاوفس اله هو

يسلم عليها ؟؟؟

**{{{ قلب }}}** · 23-10-2003, 04:19 AM

[ALIGN=CENTER][/ALIGN]

**بنت الخليج** · 24-10-2003, 05:28 PM

كاتب الرسالة الأصلية : قييصر
بسم الله الرحمن الرحيم

حبيت اسأل ... ليش بعض الدكاتره يتحرشوابالطالبات ...؟؟

واذا صار هذا الشئ للبنت ...شو لازم عليها تسوي ...؟

هذه القصه انقلها لكم انا قييصر على لسان طالبه من طالبات الجامعه ...

انا جاتني مره احد زميلاتي تبكي .. وانا كنت طالعه من اللاب ...

وفجأه جات البنت تصيح علامش .. وش صاير ..

والبنت تحكي :

روحت مع الدكتور اعطيه حاجه طلبها ..

وقلت لها وبعدين ...

سألني عن درجه امتحاني .. وقلت له (كان معدلها يعني وسط ) قال الدكتور لها شو رايك اعدلها لج .. بس وعد انك ما تخبري احد ..
وما قصر الدكتور مد يده لها عشان توعده اوين ... البنت خافت ...
المهم ...
طبعا هييه رجعت على ورى ...
وقالت له اوعدك ..
وقال لها الدكتور ...(طبعا وهوه لاساته ماد ايده ...) لا لازم توعديني ...(يقصد انه تحط ايده في ايدها ....نذل )

البنيه قالت له ...خلاص ما اريد تعيد الامتحان .... سكت ..
وجلس الرجال يسألها عن جدولها والبنيه ما عارفه كيف تخرج ... وبعد شوي رقمها ... وبعد وشوي يمسك يدها على حين غفله ... البنت تسحب يدها وتخرج ... من مكتب االدكتور النذل ...
المهم ...
هذا اللي صار قلت لها تحذف بw صعب
خافت تسوي شىء فيه يرسبها ...
شو الحل ...؟؟
وشو المفروض البنت تسوي في هذي المواقف ...
انتظر ردودكم ...؟؟

كان من المفروض تروح هي و مجموعه من زميلاتها عشان ما تجري الرياح بما لا تشهي السفن !!
انزين هي ليش ما تروح عند اي حد من اهلها و تقول لهم الي صاير و عاد الاهل وحدهم يتصرفوا

**asma** · 24-10-2003, 11:08 PM

تعرف انت تنفع تشتغل في "رويتر" ما شا الله عليك تنقل الاخبار وهي طازجة....بش اخبرك ما من الدكاترة من البنات اللي ما لاقيات خيزران خضرى....الوحدة ماشيتلك كانها مبخرة ولا كانها لوحة فنية....والمشية عاد كانها تعرض ازياء.........تعال الجامعة واحكم بنفسك وشوف...95%يقع اللوم على البنات.....حيااااااااكم

**جوال الليل** · 24-10-2003, 11:19 PM

رجاء لا تثورو دمانااااااااااا على الفاضي

مــــــــــــــن الدكتووووووووووووووووور هذا

**ابوبدراء** · 25-10-2003, 11:26 AM

السلام عليكم ورحمة الله وبركاته

اولا اشكرك على هذا الموضوع
وانا ماعندي غير شي واحد وهو ماعلى البنت الا اخبار المسؤلين في الجامعه عن الدكتور بس من غير مايدري الدكتور ولكي تثبت صحت كلامها تروح مره ثانيه وكانها تريد ان تعطيه شي بس عليها ان تحمل معاها مسجل صغير لكي تسجل اي كلمه هو بيقول لها ولازم ان يكون المسؤلين مراقبينها بعلم منها من غير مايدري الدكتور وتخبي المسجل في جيبها اواي مكان تشوفه مناسب لها والدكتور مابيقدر ان يخصم اي درجه منها لان المسؤلين كلهم عارفين وما اعتقد بيخلوه يوم وحده في الجامعه لان بيكون خطر للطالبات وهذا كل ماعندي واتمنا ان تعجبك

**اميرة القلوب** · 27-10-2003, 11:32 AM

مشكوووووورالأخ قيصر على موضوعك ...!!

واذا كنت السالفه صدق...وممكن هذا يصير ما اعتقد انه مابيصر..بس الامه تقع عللى البنت بعد..اولا ليش راحت لدكتور وحدها...وبعدين ليش سكتت عن الموضوع وما كانه صاير شئ...يا اخي توقفه عند حده و تتنازع معه ..حتى لو خسرت كل درجاتها تغيب الدرجات وتعيد الماده عشرين مره...بس ما تخسر كرامتها

**صقر البراري** · 27-10-2003, 11:43 AM

انا اقول لكم شو الحل هذا يباله دووس بعصا لين يتكسرن عضامه .......... وبعدين على هذي البنت ان تخبر اهلها ويمسكوه تراها ما صعبة ويراوووه الادب .... دكتور حقير وبايخ بشكل وما يستاهل مو لقب دكتور لا ما يستاهل ان يكون موجودا في جامعتنا الفتية لكن الله يعينا ويعينكم
وسلااااااااامتكم

**صقر البراري** · 27-10-2003, 11:46 AM

لا تلوموا البنت ليش راحت للدكتور بروحها تراها تحسبه ولد عرب ما تحسب إنه قليل أدب
والاصل في الانسان الامانه لكن هذا فضح الرجال الله يفضحه يوم القيامه ........ وبس